AMOS 7:2 - KITAB NU TUMPU ALLA LELE MA'IMAI'

² Kihi-kihi' haha aijo' boli' nongkaanmo iwi-iwi' na anu sinu'an i tano'. Lantas aku notatae, “Tumpu Anu Matangkas na Kuasanyo, ampuniakon na mian anu palesayamo hi Belento Aha talalo ise' ka' lupe, mosia na timbali aha moko ala montahan?”

AMOS 7:2 ပူးပေါင်းရင်းမြစ်များ

MAZMUR 12:1

Anu mongkapalai panyanyi. Lagunyo ingala i lagu anu ko uwalu'nyo. Mazmur i Daud.

NOSABATMO 10:15

Songko-songko na tano' sinapnyomo nu kihi-kihi' me mo'i-mo'itom na otoa. Iwi-iwi' nukaan nu aha apaa na anu madi' pinoko idean nu ujan eis aijo', atina'mo bua' nu to kau-kau'. Songko-songko na tano' nu Mesir madi'mo ko anu molunou na tinontuha', na kau' iwi-iwi' kabai anu sinu'an.

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

YESAYA 51:19

Beleyum nu tokaimo mae nu balaa' ohua' na ngahannyo; kalana mahampate lipu' nu beleyum hansunmo ka' layat nu beleyum silakamo nu ohop. Madi'mo daagi' koanu mongkalibosi ka' mohase' beleyum.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 42:2

hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

YEHEZKIEL 11:13

Hau-haunyo aku montaloakon potatae aijo', monti-montiik ahi' i Pelaca notua'mo ka' sinilakamo. Sahingga aku mule' tinolodadupumo nonsombah ka' notatae daka-daka', “Ibeh Tumpu Anu Matangkas na Kuasanyo! Pa' iwi-iwi' na Israel anu tinon tuha' aiya nu pateimo nu Belento?”

YEHEZKIEL 9:8

Tempo'nyo aha lewa' pinatean aijo' aku sausa'ku daagi' ikiijo'. Aku tinolodadupumo ka' notataemo daka-daka', “O, Tumpu Anu Matangkas na Kuasanyo, taalu' sumo atina' na Belento nontambuha'imo Yerusalem sahingga Nu pateimo iwi-iwi' na mian anu daagi' aiya i Israel?”

DANIEL 9:19

O, Tumpu potombihingakon mae na kami ampuniakon mae na kami ka' palahatikan mae na kami, ka' palia-lia'mo na mombau kaputusan! Bolimo otanda'i pipin da iwi-iwi' na mian monsumbu' talu' Belento ahi' na Tumpu. Kalana Yerusalem tiba mian anu palesayamo hi Belento memang ahi' madi'mo sala', Belentomo na Tumpu-Nyo'.”

YOËL 2:17

Pokau na to ima-imam anu montuluti palentah nu Tumpu, haangmo atina' i olot nu mezbah ka' i gandalia i ahop, ka' motatae, “Kalibosi na mian anu palesayamo hi Belento boli opojohok na anu nu belento dumo timbali anu moko ambang.” Sahingga to bansa-bansa sangga'at monsindin ka' motatae, “Iya mae na Tumpu nu aha?”

AMOS 4:9

Ku puhakon mae na mombun mapanas ka' Ku pakatui panyakit anu mongidei anu sinu'an, ka' ale' nu anggur nu belemiu. To kau-kau' ara ka' to kau-kau' zaitun nu belemiu ningkotmo na kinaan nu kihi-kihi'. Maumo sumo aijo' belemiu madi' ahi' minsusule' mae hi beleng-Ku.

AMOS 7:5

Aku notatae, “O Tumpu Anu Matangkas na Kuasanyo, pateimo kaase' na apu aijo'! Mian anu palesayamo hi Belento! Talalo ise' ka' lupe, mosia na timbali moko ala montahan?”

ANU PINOTO'I HI YOHANES 9:4

Aha madi' opobee' na mongidei hemput, kabai to kau-kau', kabai sangga'at anu tumuu' i tano'. Aha ola timbali mombosik to mia-mian anu madi' ko tanda segen i siakannyo anu pinokona nu Tumpu.