AMOS 6:6 - KITAB NU TUMPU ALLA LELE MA'IMAI'

⁶ Belemiu monginum anggur i galas anu ingisian buke-buke' ka' belemiu mompake minya-minya' anu manohong, panyo belemiu madi' molibos na kinyonyoa i kahansunan nu Israel.

AMOS 6:6 ပူးပေါင်းရင်းမြစ်များ

KAJADIAN 49:22

I Yusuf sumomo keledai anu daagi' bata'nyo, keledai anu ma'ela' koko mata nu uee lewa' mopadeka' isohipi' nu bungkutnyo.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

ESTER 3:15

To paka pokauhon sampamo namba nomboa sulat haha aijo' hi to pro-propinsi nu kalaja'an. Ka' mule' pinalentahmo i tomundo, da palentah aijo' obebakonmo suele i Susan, puso nu kota Persia. Ilapas na aijo' i tomundo ka' i Haman lewa'mo kinosusuhang ka' lewa'mo binatawa' nu anggur, panyo kota' Susan ginago'mo kalana lele anu ihongomo nu aha aijo'.

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

HOSEA 3:1

Tumpu notatae hi belengku, “Lako'mo mule' ka' sindua'i na boune anu mongka'oho' saja' masala'. Sindua'imo na ia susumo Aku suele monsindua'i mian nu Israel maumo aha nompala'imo Aku ka' nonsombahmo to pilo-pilogot ka' mongka'ima'i monsombahkon kukis anu matami' hi pilogot.”

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

YOHANES 12:3

Lapas aitu i Maria nomboa mae kila-kila mintonga' na liter minya-minya' manohong narwastu, lampa-lampa anu manohong na binau ka' mahan hondo na olinyo. Ia nondudu'akon minya-minya' aijo' i tengke i Yesus, ka' sinapuannyo nu ubaknyo. Sinongko nu nohong na laigan aijo', kalana minya-minya' aijo'.

ROMA 12:15

Suele lame' tiba to mia-mian anu lame'. Ka' humaang tiba mian anu humaang.

1 KORINTUS 12:26

De sa'angu' na bagian mongoa'i sansala, iwi-iwi' na bagian sangga'at suele mongoa'i sansala; de sa'angu' na bagian o puji', iwi-iwi' na bagian sangga'at suele hingga-hinggat lame'.

1 TIMOTIUS 5:23

Boli ola monginum uee, o'inum sangkiding na anggur suele da bau pontulungi mompohansun kaanon i kompong miu kalana beleyum toto minsan masakit.