AMOS 6:4 - KITAB NU TUMPU ALLA LELE MA'IMAI'

⁴ Silakamo na belemiu anu male' i kamale'an anu to ima-ima', ka' nombaumo bau-bauon nongkolotmo sapi' tiba domba anu daagi' bata'nyo!

AMOS 6:4 ပူးပေါင်းရင်းမြစ်များ

KAJADIAN 37:25

Tempo'nyo aha hau-haunyo mongkaan, monti-montiik tinoa nu aha to mia-mian nu Ismael anu badagang hau-haunyo mamba lengkat mae i Gilead mokiijo'mo i Mesir. To unta-unta nu aha ko sake'nyo to lampa-lampa ka' kismis.

ESTER 1:6

Popasan nu laigan nu tomundo' pinaha bunga-bunganmo nu gorden te hude katun anu buhitnyo mobilu' tiba mopute', pinutan nu kahohon lenan anu ma'ima' hondo ka' buhitnyo mingkamumu' ka' pinaha pokaitanmo to gala-galangnyo anu salaka na tinutuk anu pinaha posoopmo i ohi'batu anu mahan na olinyo. I patuunyo aijo' na pinaha pompo una'an iwi-iwi' na koi mosoni' tiba koi salaka ka' ilatasan na salo nu anu binunga-bungan nu pualam mopute', hablur momea', kilit nu mutiara anu jongkilaban tiba batu pirus anu mobilu'.

MAZMUR 73:7

Kiijo' i uno nu kinyonyoa nu aha tombulokmo maena kalakuan anu ma'idek, aha saja' mompopikilakon tanga'an anu toto ide-idek.

YESAYA 22:13

Panyo lebe ma'ima' belemiu balasana-sanangmo ka' pombaumo bau-bauon, mongkaan antok nu binatang ka' mule' monginum anggur ka' lewa' motatae, “Imbo' da kita mongkaan ka' mule' lewa' monginum kalana dodop kita silakamo!”

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YEREMIA 16:8

Boli minsoop ilaigan nu mian anu mombau bau-bauon. Boli mongkaan ka' monginum tiba aha.

YEHEZKIEL 16:49

Sodom tibamo kampungnyo anu toto ise-ise' buulon kalana palasadia'an anu okaan nanjoo'mo ka' mule' sinanangmo na kantumuu'an nu aha. Panyo aha madi' mongkalinga mian anu tumuu' kasiasi tiba mian anu susa'.

YEHEZKIEL 23:41

Lantas aha sinumuhangmo ikamale'an anu ma'ima'an. I ahopnyo kaho kaanon anu pinosadiamo, tiba kamangian ka' lanya' nu zaitun anu binee'-Kumo hi aha.

AMOS 3:12

Susumo samian na anu molaya' potu'on anu nompo'ule' nohumpak ohua' na tengkenyo kabai sambiha' na bihing nu dombanyo anu sina'u nu singa, sumo aitu mule' memo sangkiding na tontuha' na mian anu jojong i Samaria, anu uuka aiya sana-sanang na ko mamale' i kamale'an anu ma'ima'an.”

AMOS 8:3

I sinaa aijo' iwi-iwi na nyanyian i laigan nu tomundo tinimbalimo haang. Iyaya mae nososalonganmo na to maya-mayat anu ingalinmo madi' kino hengge-hengge'.”

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

YAKOBUS 5:5

Komiu tinumuu'mo molabi-labi ka' nongoa'imo kasanangan nu dunia aiya. Komiu sumomo anu hau-haunyo mompilompo'imo butong miu da o kolot toka i sinaanyo.