AMOS 6:2 - KITAB NU TUMPU ALLA LELE MA'IMAI'

² Lako' mae toa kiijo' i Kalne lantas lajangmo ahi lau-laus mokiijo' i kota' Hamat anu daka' aijo', lapas aitu mokiijo'mo i kota' Gat i Filistin. Ponsangka nu belemiu kota' haha aijo' lebe ma'ima' molingkudui kalaja'an Yehuda tiba Israel? Apaa daerah nu aha lebe daka' molingkudui daerah nu belemiu?

AMOS 6:2 ပူးပေါင်းရင်းမြစ်များ

KAJADIAN 10:10

Momona kalaja'annyo monsongkohi Babel, Erekh ka' Akad, toto-totolu' aijo' i tano' Babilonia.

2 SAMUEL 8:9

I Tomundo' Tou anu kiijo' mae i Hamat nohongomo lele nu aha suludadu i Hadadezer iwi-iwi' pinatundu'mo i Daud.

1 TOMU-TOMUNDO' 8:65

I Laigan nu Tumpu aijo' na i Salomo ka' iwi-iwi' mian nu Israel anu pinalesayamo nombau lamean Tahop o atapi nu Hon nu kau', pitunsinaa na kopinnyo. Manjoo' hondo na mian anu tinoka i kiijo' Aha tinoka lengkat mae i da'erah anu majo'on hondo montulu Jalan Hamat sasu utara tinoka-toka ipotempasan tiba Mesir sasu salatan.

2 TOMU-TOMUNDO' 17:24

Salaku pinombolosi mian nu Israel anu binoamo nokiijo' ka' pinojoongmo kiijo' mae, i tomundo' nu Asyur nompojoongmo mian i kota' Samaria haha aijo' anu lengkat mae i Babel, Kuta, Awa, Hamat, ka' Sefarwaim. Mian haha aijo' nonjojoongimo kota' haha aijo' ka' tinataapmo i kiijo'.

2 TOMU-TOMUNDO' 17:30

Mian nu Babel nombau patong pilogot Sukot-Benot, mian nu Kuta nombau patong Nergal, mian nu Hamat nombau patong Asima,

2 TOMU-TOMUNDO' 18:34

Iyamo na pilogot haha aijo' nu lipu' Hamat tiba Arpad? Iyamo na pilogot nu Sefarwaim, Hena, ka' Iwa? Te daagi' ko anu tinoka nomposalamat Samaria?

2 TOMU-TOMUNDO' 19:13

I yamo na to tomu-tomundo' nu kota' Hamat, Arfat, Sefarwaim, Hena tiba Iwa?”

2 TAWARIKH 26:6

I Uzia nahampate nongewa mian nu aha Filistin. I hobo'akonnyo na pagan mesen iwi-iwi' nu kota Gat, Yabne, ka' Asdod ka' nombaumo to kota-kota' anu binentengan koko Asdod ka' da'erah sangga'at i Filistin.

YEREMIA 49:23

Sumo uuka na koo-Nyo nu Tumpu na aha Damsyik. “Mian anu jojoong ikota' Hamat tiba Arpad binata-batamo ka' nangada'mo bau nu buhuk kalana nohongomo lele anu madi' ma'ima'. Kinyonyoa nu aha kinalangkabutmo ka' madi'mo tinenda susumo bokon nu ambai.

NAHUM 3:8

O Ninewe te toho'mo mule' beleyum na lebe ma'ima' molingkudui Tebe puso nu kota' Mesir? Tebe suele tampatnyo ibiwi nu kaunyo anu mongompo susumo pagan mesen. Ya Kaunyo nu Nil aijo'mo na benteng salaku bau kahosonannyo.

1 SAMUEL 17:23

Panyo hau-haunyo ia basisik tiba aha i Goliat nambamo mae kahanda'mo mongewa mian nu aha Israel, susumo anu saja'mo nu bau. I hongomo i Daud na potatae nu anu mongewamo aijo'.

1 SAMUEL 17:4

Sahingga daagi ko samian anu baani na mahampate, sanggonyo i Goliat lengkat mae ikota' Gat nosabatmo mae i kemah nu aha mian Filistin da mongewamo eha mian no Israel. Kotangkasnyo kila-kila totolu' na meten,

1 SAMUEL 5:10

Lantas Peti' Palajanjian aijo' binoamo i Ekron kota' sangga'at mule' nu aha mian Filistin. Salatan Peti' aijo' tinokamo i kiijo' anu jojoong i kiijo' lewa'mo, no loboo' aha notatae, “Peti' Palajanjian nu Tumpu Allah Israel aijo' binoamo mae no uuka da opateimo na kita iwi-iwi'.”

1 SAMUEL 5:8

Kalana aijo' aha nomposihukmo oli-olima' na tomundo' nu aha Filistin da sihuk, lantas binasale'mo. “Peti Palajanjian nu Tumpu Allah Israel aijo' oposiantomo?” Tinaaman nu tomundo' haha aijo' “Olalin mokiijo' i kota' Gad.” Jadi Peti' aijo' ilalinmo nokiijo' i kota' Gat, sa'angu'na kota' nu aha Filistin sangga'at.