AMOS 6:11 - KITAB NU TUMPU ALLA LELE MA'IMAI'

¹¹ De Tumpu mompalentahmo iwi-iwi' na laigan anu daka' kabai ise' nu hansunimo.

AMOS 6:11 ပူးပေါင်းရင်းမြစ်များ

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

MAZMUR 105:16

Tumpu nompotokamo mae tempo' nu kakulangan i anu okaan i lipu' aijo', ka' anu pinosadiamo na anu okaan iwi-iwi' ingalamo.

MAZMUR 105:31

Kalana pinalentahmo nu Tumpu Allah, lalo singkapmo tinoka ka' iwi-iwi' na momot sinihukmo i songko-songko na lipu'.

MAZMUR 105:34

Kalana pinalentah-Nyomo sahingga tinokamo mae na kihi-kihi', manjoo' hondo madi' opoko bilang na konjoo'nyo.

ANU MOMPOLELE POTATAE NU TUMPU 10:18

Atop nu laigan timbali tuhu'on de madi'mo okiabi; ka' ahennyo laigan aijo' mahu'mo kalana moluluk.

YESAYA 13:3

Tumpu nolagamo to sulu-suludadu anu pinile'an-Nyomo. Aha to babaani, madi' baleko' ka' mule' timbali Nu taha'imani. Tumpu nombee'imo pakalaja'an hi aha da mohukumo aha mian anu tinambuha'an-Nyomo.

YESAYA 55:11

sumo atina'mo suele na potatae anu tinaeakon-Kumo mai' mobalik mae hi beleng-Ku ola palasuma panyo ko hasinnyo mombau apaa na anu Ku kahanda'i, ka' montokai iwi-iwi' na anu Ku kahanda'i.

AMOS 3:15

To lai-laigan tempo'nyo nu bakin ka' to lai-laigan bau pilawean i tempo'nyo nu posinaa Ku hansunimo. To lai-laigan anu binunga-bungan nu sae nu binatang mohobo'mo, iwi-iwi' na laigan anu daka' hansunmo.

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

AMOS 6:8

Totu-totu'u hondo, Tumpu Anu Matangkas na Kuasanyo nompokinde'imo, “Aku mongka'ideki katabuulan nu mian nu Israel; Aku madi' sanang na montoa to lai-laigan nu to tomu-tomundo anu talalo ma'ima'. Puso nu kota' nu aha iwi-iwi' tiba anu daagi' i unonyo, Ku bee'mo hi sampobali'.”

AMOS 9:1

Aku nontoa Tumpu tinuminjo koko mezbah. Ia nombee'i palentah aiya, “Santib hoso-hoson na puusnyo nu ohi' nu Laigan-Ku da gandalia iwi-iwi' tolohunjong. Tua'akon na to ohi haha aijo' i ubak nu mian haha aijo'. Aha anu madi' silaka Ku pateije i uno nu pahampatean. Madi' ko samian pe'e na noko palaiakon butong, madi' ko samian pe'e na moko ala mopalai.

AMOS 9:9

Ku palentahmo da o tapiimo na bansa Israel susumo mian montapii gandum i kiapan. Da o'alini iwi-iwi' na anu madi' ko gunanyo anu aijo' hi aha, Ku pokalangkabutmo na aha hi to bansa-bansa.

NAHUM 1:14

Sumo uuka na putusan nu Tumpu mongkona bansa Asyur, “Aha madi'mo daagi ko tulunan anu mombolosakon bansanyo. To pato-patong nu pilogot anu daagi kiijo' i laigan ponsomban, Ku hansunimo. Polamunan bansa Asyur Ku toukaimo kalana aha madi'mo pantas na tumuu'!”

ZAKHARIA 14:2

Nu posihukmo nu Tumpu iwi-iwi' na bansa da montumbuhimo Yerusalem. Kota' aijo' opatundu'mo ka' iwi-iwi' na laigannyo otololangimo ka' mule' to bou-bounenyo suele opasala'imo nu aha. Mintonga' na bagian na aha mian anu jojoong kiijo' oboamo i tampat pompojoongan, panyo labinyo na jinojoong ahi' i kota' aijo'.

MALEAKHI 1:4

De bisuanyo lee' mae i Esau, aha mian nu Edom haha aijo' motatae, “Iwi-iwi na kota' mami ihansunanmo panyo po ule'mo obau mami,” han aijo' nu taamimo nu Tumpu, “Aha timbali po ule' mombau panyo po ule' Ku hobo'akon. Aha osanggohimo ‘Lipu' anu palaganta’ ka' mule ‘Bansa anu tinambuha'anmo nu Tumpu sampe sidu-sidutu.’ ”

LUKAS 19:44

Nugalisi nu aha na beleyum tiba tumpu nu lipu'um; ka' madi' ko sambatu pe'e na batu nu pojohok nu aha tasusun i tampatnyo, kalana beleyum madi'mo mompalahatikan pa' hi pian na Tumpu toka mae momposalamat beleyum!”