AMOS 5:9 - KITAB NU TUMPU ALLA LELE MA'IMAI'

⁹ Ia nohopu'imo mian anu balakuasa ka' benteng nu aha.

AMOS 5:9 ပူးပေါင်းရင်းမြစ်များ

2 TOMU-TOMUNDO' 13:17

Lapas aijo' susumo anu pinalentahkonmo nu nabi aijo, i tomundo' nontuhea'akonmo tolongan anu mo'ahop mokiijo' i Siria. “Peletakonmo mokiijo' na pana' nu beleyum!” na koonyo i Elisa. Salatan noko pana'akonmo na tomundo' aijo', nabi aijo' notataemo daka-daka', “Beleyum na pana' nu Tumpu Tiba pana' atina', Tumpu mompatundu'mo Siria. Beleyum saidi' mae mahampatemo mongewa mian nu Siria kiijo' i Afek sahingga nu patundu'mo nu beleyum na aha.”

2 TOMU-TOMUNDO' 13:25

Lantas i Yoas tomundo' nu Israel nompatundu'mo i Benhadad pinintolun ka' po'ule'mo ingalanyo na kota' anu ingalamo i Benhadad tempo'nyo i Tomundo' Yoahas tuuma i Yoas nompalentah.

YESAYA 29:5

Panyo iwi-iwi' na mian anu lengkat mae isalipu'an ka' talalo buhingison aijo' saidi' mae madi'mo daagi' otoa susumo abu' kabai ota' anu nu puhimo nu mombun. Anu saintotolo ahi' tobungmo mae ka' anu madi' osangka-sangka.

YEREMIA 37:10

De maluanyo belemiu moko ala ahi' mompatundu' iwi-iwi' na suludadu nu Babel sahingga anu tontuha' me anu singkap tinadokmo na belenyo ibangka'nyo nu aha iwi-iwi', panyo aha saidi' mae na totinjo mompapui sampe motanggot na kota' aiya.’ ”

AMOS 2:14

Anu talalo hondo malia' na mopadeka', madi'mo ko ala mopalai; anu mahoson madi'mo mahoson. Ka' mian anu baani madi'mo noko posi posalamat butongnyo.

MIKHA 5:11

To aji-ajimat nu belemiu Ku hopu'imo ka' mule' iwi-iwi' na anu topo tahi'i Ku laa'mo.

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.