AMOS 5:7 - KITAB NU TUMPU ALLA LELE MA'IMAI'

⁷ Silakamo na belemiu anu mombali-balikakon ka'adinan ka' mongagoi hak nu mian!

AMOS 5:7 ပူးပေါင်းရင်းမြစ်များ

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 36:3

Ia monsangka butongnyo ihebatmo hondo, sahingga madi'mo nu oa'i na kasala'annyo ka' madi' ahi' nu ka'ideki na palabuatannyo.

AMSAL 21:7

Mian anu ma'idek na kinyonyoa madi' mongka'oho' montuluti atulan; ia sakisa kalana posi kabuhingisannyo na monsakisa.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 10:1

Silakamo na belemiu kalana nombaumo atulan-atulan anu madi' adin na mombei palentah anu monsakisa bansang-Ku.

YESAYA 46:12

Potombihing mae o, belemiu mian anu to bubulon belemiu anu monsangka au'aitu kamenangan daagi ahi' pin.

YESAYA 5:20

Silakamo na belemiu anu monggeo-geo'akon han anu totu'u tiba anu ma'idek, anu i uno nu lahasia tiba anu memang osumbu', anu mapakat tiba anu matami'!

YESAYA 5:7

Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

YEHEZKIEL 3:20

De samian na anu ma'ima' na gau'nyo montampu'unimo mombau dosa' ka' ia Ku posingkabotakonmo isa'angu' na balaa' saba' ia silakamo de beleyum madi' mompokinde'iakon. Ia silakamo kalana iwi-iwi na dosa'nyo ka' palabuatannyo anu toto ima-ima' madi'mo Ku inau'. Panyo ia silaka aijo' Ku tuntutmo hi beleyum.

YEHEZKIEL 33:18

Po ule' pe'e minsan aiya na Ku poto'i taalu' de mian anu ma'ima' na kinyonyoanyo mombaumo palabuatan anu ma'idek, ia silakamo kalana nu saduakon nu aijo'.

HOSEA 10:4

Talalomo nolabi-labi na leko' nu aha ka' binalajanji'mo anu madi' totu'u ka' nombaumo mule' palajanjian anu madi' kogunanyo. Atulan gineo-geo'akonmo sahingga palabuatan anu madi' adin tinumuu'mo susumo sosu anon anu ko lasungnyo i uno nu ale' anu pinansunmo.

AMOS 2:3

Anu mongkuasai Moab ka' iwi-iwi' na pagawe nu pamalentahnyo Ku pateimo.”

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

AMOS 6:12

Nu poko ala – nu ajahan na mopadeka' ipuge'nyo anu batuon? Toho' binau nu mian na sapi' mompajeko ambai? Panyo belemiu aiya nombali-balikakonmo ka'adinan da timbali lasung anu monsilakai ka' anu totu'u tinimbalimo sala.

MIKHA 3:9

Potombihing mae na potataengku aiya, o belemiu anu balakuasa i Israel anu nongka'idekimo ka'adilan ka' mule' nonggeo-geo'akonmo han anu totu'u.

HABAKUK 1:4

Atulan madi' otoongi totu-totu'u ka' mule' ka'adilan madi' toho' otinjohakon. Mian anu ma'idek na kinyonyoanyo lebemo molingkudui aha mian anu madi' tageo' na kinyonyoanyo, jadi ka'adilan obali-balikakonmo nu aha.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

PO'ULE' INGULIT 29:18

Jadi obala'ingati boli sampe daagi' ko samian atina' hi belemiu mo'ane kabai boune, Utus miu kabai tulunan nu bansa anu tinuminjo i aiya, tolo sule'mo mohikumo Tumpu Allah-nto ka' monsombahmo to pilo-pilogot nu bansa sangga'at. Palabuatan aijo' sumomo bakat anu tumuu' timbalimo kau' mapakat ka' kolasungnyo.