AMOS 5:6 - KITAB NU TUMPU ALLA LELE MA'IMAI'

⁶ Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

AMOS 5:6 ပူးပေါင်းရင်းမြစ်များ

2 SAMUEL 19:20

Aku sininsumbu'mo taalu' aku nombaumo dosa', jadi kalana aijo' to tulu-tulunan nu bansa anu jojoong i da'erah utara akumo na anu momona tinoka mae nolabot belento Tomundo' sinaa aiya.”

1 TOMU-TOMUNDO' 11:28

I Yerobeam suele nokalajamo ikiijo'. Salatan tinoamo i Salomo na i Yerobeam taalu' ia pande ka' mule' manjoo' na anu nu sumbu' ka' suele makeke binee'annyomo kalaja na ia monjagai mian anu opakisa na mokalaja i da'erah nu aha tulunan nu bansa Manasye tiba Efraim.

2 TAWARIKH 34:25

Aha nohikumo aku ka' nonsombahkonmo koloban hi iwi-iwi na pilogot nu aha. Iwi-iwi' na anu binaumo nu aha nomposumongkelekmo aku. Aku pinusamo hi Yerusalem ka' pusang-Ku aijo' madi'mo Ku poko intim.

MAZMUR 27:8

Belento notataemo, “Tokamo mae monsombah Aku.” Tinaamankumo, “Aku malia-lia'mo mae toka, o Tumpu;

MAZMUR 69:33

Montoa han aijo' mian anu sinakisamo lame'mo, mian anu monsombah Tumpu bilahimo.

NOSABATMO 22:6

Ihe na nomposuun apu i posi ale'nyo lantas apu aijo' molele i ale' nu mian sangga'at, ka' mompapuimo gandum anu tinumuu'mo kabai timpa nu gandum anu sala'je pinadak, saba' mian anu nomposunmo apu aijo' tionyo ahi' mombayan pombolosi kalugi'an.

YESAYA 1:31

Susumo hat motoyo'mo ola kalana bohotika' nu apu, sumo aijo'mo na aha anu balakuasa saidi' mae posi palabuatanmo nu aha ma'i-ma'idek na monsilakai aha, ka' madi'mo o anu moko ala mompobelenti han anu hansunmo aijo'.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

YEREMIA 38:20

Tinaamanku, “Madi'”, “Belento Tomundo' madi' mule' obee' hi aha. Ku kakase sabole-bole da belento Tomundo' montuluti potuunon nu Tumpu; saidi' mae iwi-iwi' jadi ma'ima', ka' mule' belento Tomundo madi' ahi opatei.

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

YEHEZKIEL 21:3

taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

YEHEZKIEL 37:19

poto'i hi aha, taalu' Aku, Tumpu Anu Matangkas na Kuasanyo mongalamo tokon anu molambangakon Israel ka' mompogalumo hi tokon anu molambangakon Yehuda. Ohu-ohua' na tokon aijo' Ku posa'angu'mo ka' Ku toongimo nu limang-Ku.

AMOS 3:14

I sinaanyo Aku nohukumo mian nu Israel kalana dosa' nu aha, Aku mohansunimo to mezbah-mezbah ponsomban kiijo' i Betel. Toto sa'angu' na mezbah ponsomban okolongimo na to pupuusnyo sahingga mohobo'mo mokaiyong i tano'.

AMOS 5:14

Mompagala mombau anu ma'ima' ka' boli mombau anu ma'idek da belemiu timbali tumuu'. Sahingga Tumpu Anu Daka' na Kuasanyo totu-totu'u jojoong hi belemiu susumo anu tinaloakonmo nu belemiu.

AMOS 5:4

Tumpu notatae hi mian nu Israel, “Pinsusule'mo mae hi beleng-Ku, da belemiu timbali tumuu'.

AMOS 6:6

Belemiu monginum anggur i galas anu ingisian buke-buke' ka' belemiu mompake minya-minya' anu manohong, panyo belemiu madi' molibos na kinyonyoa i kahansunan nu Israel.

ZEFANYA 2:3

Pobalikmo mae hi Tumpu o mian iwi-iwi' anu madi' buulon ilipu' aiya, ka' mule' mian iwi-iwi' anu montuluti palentah-Nyo. Soba pombau apa-apaa mombatuki pongka'oho' nu Tumpu ka' bolimo ko bubuun i ahop-Nyo. Ihe na monsumbu' belemiu opoluputmo ihukuman de tokamo na sinaanyo nu Tumpu mompotoa tambuha'-Nyo.

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

PO'ULE' INGULIT 4:24

kalana Tumpu Allah nu belemiu sumo apu montoyo'i. Ia madi' mongka'oho' opokakanakon sumo pa' apaa.

YOSUA 18:5

Tano' aijo' tionyo ahi' obagi popitu' na bahagian. I Yehuda tataapmo i da'erahnyo sasu selatan, ka' i Yusuf i da'erahnyomo sasu utara.