AMOS 5:5 - KITAB NU TUMPU ALLA LELE MA'IMAI'

⁵ Boli mamba mokiijo' i Bersyeba da mogaleja. Boli molio Aku kiijo' i Betel, kalana Betel saidi madi'mo. Boli suele mamba mokiijo' i Gilgal, kalana anu jojoong i kota' aijo' oboamo i tampat pompojoongan.”

AMOS 5:5 ပူးပေါင်းရင်းမြစ်များ

KAJADIAN 21:31

Sumo aijo' na tampat aijo' sahingga sinanggohanmo Bersyeba, kalana ikiijo'mo na ua aha na mian aijo' bina sumpa'mo.

KAJADIAN 21:33

Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'.

KAJADIAN 26:23

Lapas aijo' i Ishak nambamo ka' tinokamo i Bersyeba.

KAJADIAN 26:33

Lantas i Ishak nonsanggohimo bubung aijo', “Sumpa'.” Aijo'mo na pinolengkatan momonanyo sahingga kota aijo' sinanggohanmo Bersyeba.

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 12:29

Lantas pino'una'mo i Yerobeam na sa'angu' na sapi' mosoni' aijo' i Betel ka' sangga'at i Dan.

2 TOMU-TOMUNDO' 23:8

Iwi-iwi' na imam anu jojoong i songko-songko na kota' nu Yehuda sinaimo i Yosia da mamba i Yerusalem, lantas iyaya mae na lipu' anu i da'erah Yehuda i humimi'annyomo na mezbah haha aijo' anu lewa' ponsombahkonan nu to ima-imam koloban hi Pilogot, Imam haha aijo' madi'mo pinobee' mongatun mian anu monsombah Tumpu i Laigan nu Tumpu aijo'. Panyo aha timbali mongkaan roti anu madi' ko raginyo anu tinoukanmo bau bagi nu to sanga-sangalu nu aha. Mezbah haha aijo' anu tinuaakonmo bau ponsomban pilogot koko Sabatan Daka' i Yosua, anu mongkapalai kota' nu lipu' aijo' i hobo'akonnyomo. Sabatan daka' aijo' binau i sasu kewe' i Sabatan daka' anu Talasanggo i jalan pinsoopan mokiijo' i kota'.

AYUB 8:22

Anu mongka'ideki beleyum ma'ambangmo, ka' nu oa'i madi'mo ko angga'nyo, ka' laigan nu mian anu uwesan o'ideimo sahingga madi'mo ko buyo'nyo.”

MAZMUR 33:10

Tumpu madi'mo nompojadi tanga'an nu to bansa-bansa, Ia madi'mo nompobee' niat nu aha.

YESAYA 29:20

Aijo'mo na kamingkotannyo nu to mia-mian anu saja' mombee'i kasansala'an mian sangga'at ka' sola' montee Tumpu. Tumpu mompateimo iwi-iwi' na mian anu baladosa',

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YEREMIA 48:13

Moab mososonmo hi Kamos te pilogot nu aha, sumomo mian nu Israel nososonmo hi Babel anu nutakabunakon nu aha aijo'.

HOSEA 10:8

Tampat-tampat anu ponsomban pilogot anu aita maei to bungku-bungkutnyo nu Betel tampat nu aha mian Israel monsombah pilogot ohansunimo. Hii' tibaa hemput tumuu'mo i mezbah nu aha. Lantas aha moloboo'imo to bungku-bungkutnyo, “Tabuhimo mae na kami!” Ka' hi to puge-puge'nyo, “Tuda'mo mae na kami!”

HOSEA 12:11

Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

HOSEA 9:15

Tumpu notatae, “Iwi-iwi' na palabuatan anu ma'idek nu aha aijo' lengkat pe'e mae i Gilgal. Kiijo' pe'e mae na Aku nontampu'unimo nongka'ideki aha. Kalana palabuatan nu aha anu ma'i-ma'idek aijo', Kulaa'mo na aha da bolimo jojoong ilipu'-Ku aiya. Madi'mo daagi Ku kalibosi na aha, iwi-iwi' na polaya' nu aha madi'mo nontuluti Aku.

AMOS 1:5

To saba-sabatan daka' nu Damsyik Ku ideimo ka' mian anu jojoong i Hatanyo nu Awen Ku sapuimo iwi-iwi' i tampat anu jojoongan nu aha. Anu mongkuasai Bet-Eden, Ku tau'akonmo i suhangannyo, ka' mian anu jojoong i Siria ohakopmo ka' oboamo mamba i Kir.”

AMOS 3:14

I sinaanyo Aku nohukumo mian nu Israel kalana dosa' nu aha, Aku mohansunimo to mezbah-mezbah ponsomban kiijo' i Betel. Toto sa'angu' na mezbah ponsomban okolongimo na to pupuusnyo sahingga mohobo'mo mokaiyong i tano'.

AMOS 4:4

Tumpu Anu Matangkas na Kuasanyo na notatae! “O mian nu Israel! Lako'mo i tampat pogalejaan i Betel, ka' pombau mae dosa' ikiijo'! Lako'mo mokiijo' i Gilgal, ka' pombaumo dosa' yayamo na kasanangan nu kinyonyoa nubelemiu! Lako'mo monsombahkon koloban de subu-subumo ka' momboa mae anu obagi sampulu', sambahagian na o'ala anu ohumpak toto tolun sinaa!

AMOS 7:10

I Amazia, imam nu Betel, nompakatumo lapulan aiya hi Yerobeam tomundo nu Israel, “I Amos nosa'angu'mo tiba mian da'isan da mongewamo belento Tomundo. Potataenyo anu monsale'i mian da'isan monsabapimo lipu' aiya da hansun.

AMOS 7:13

Bolimo daagi' balahotba i Betel. Kota' aiya ola samata-mata bau tampat nu tomundo' ka' tampat pogalejaan nu mian da'isan.”

AMOS 7:17

Tumpu notatae tukoo-Nyo bengkele' nu beleyum tinimbalimo mian masala' i jala-jalan nu kota' ka' to ana-anak nu beleyum opateimo i pahampatean. Tano' nu beleyum obagi-bagimo hi mian sangga'at, ka' suele beleyum silakamo ilipu' anu madi' palesaya hi Tumpu. Mian aha i Israel memang oboamo ka' opojoongmo i sa'angu' na tampat, majo'on ilipu' nu aha.”

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

AMOS 8:14

To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

1 KORINTUS 2:6

Mau mule' sumo aitu, kona hi to mia-mian anu nasasakmo na kapalesaya'annyo i uno nu kantumuu'annyo, aku memang motatae mongkona kapandean. Panyo kapandean aiya misa' kapandean nu dunia, kabai kapandean nu anu mongkuasai tempo' uuka, anu kakuasa'annyo ola mingkot.

PO'ULE' INGULIT 28:41

Belemiu mohumpak to ana-anak mo'ane ka' to bou-boune panyo aha singkaap o hakop de mahampatemo, sahingga madi'mo ko ahanyo hi belemiu.

YOSUA 5:9

Tumpu notataemo hi Yosua, “Sinaa aiya ka'ambangan nu belemiu salaku to posa-posaihon kiijo' mae i Mesir ingalinakon-Kumo.” Mokonyo aijo' sinanggohanmo Gilgal na tampat aijo' sampe sinaa aiya.

ANU PINOTO'I HI YOHANES 18:17

Panyo ola i uno nu sajam, iwi-iwi' na kakaya'annyo madi'mo daagi'!” Iwi-iwi' na julagang ka' anu naninsake, ka' to pega-pegawe nu kapan, ka' iwi-iwi' na mian anu polioannyo i ambai, tuminjomo aijo' mae jo'o-jo'on.

1 SAMUEL 11:14

Lantas notataemo na i Samuel hi aha, “Imbo' da kita iwi-iwi' mambamo i Gilgal ka' mompatantumo i Saul da baumo ahi' tomundo'to.”

1 SAMUEL 7:16

Sataun toka sataun ia mamba monsongkohi Betel, Gilgal, tiba Mizpa. Ka' itampat haha aijo' ia mongulus palakala po ualian sampe jadimo ma'ima'.

1 SAMUEL 8:2

Anaknyo tumpe sanggonyo i Yo'el ka' ko ohua'nyo i Abia. Aha binaumo mian kopian i Bersyeba.