AMOS 5:3 - KITAB NU TUMPU ALLA LELE MA'IMAI'

³ Tumpu Anu Matangkas na Kuasanyo notatae, “Sa'angu' na kota' aijo' i Israel nompalentah samadala na suludadu, panyo anu ninsusule' mae memo sa'atu; kota' sangga'at nompalentah sa'atu na mian anu ninsusule' mae memo sampulu'.”

AMOS 5:3 ပူးပေါင်းရင်းမြစ်များ

MAZMUR 144:14

O'amalakon da sapi'to iwi-iwi' saponga-ponga'naknyomo ka' madi' ko anu molapus kabai ola manabu' na anaknyo. O'amalakon da madi' ko anu ohongo na mongoa'i kasansala'an i iwi-iwi na jalan nu kota'.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 10:22

Maumo aha bansa Israel tempo uuka aiya konjoo'nyo sumomo bone' i ambai, panyo me to pia-piangkuka na minsusule'. Hukuman nu Tumpu malia'mo mae toka, ka' memang pantasmo ka' adinmo ahi' de bansa aijo' osilakaimo.

YESAYA 6:13

Pakalaus de daagi' ko anu aha sampulu' na mian lantas samian na daagi' jojoong ilipu' aijo' ia suelemo ahi' opatei. Panyo susumo kau' nunuk de otaa'mo daagi' ahi' ko tu'onyo sumo aijo' mule' daagi' ahi' ko tuha'nyo na bansa aijo' anu saidi' mae pomulaian mian anu susi'mo.”

YEHEZKIEL 12:16

Ola sangkiding na bagian na aha aijo' na Ku posalamat da madi' silaka i uno nu pahampatean, kabai silaka nu ohop, ka' panyakit anu molele, da kiijo' mae hi aha bansa-bansa nu mian anu isalipu'an aijo' aha sinsumbu'je taalu' aha nombaumo anu mahumimi' hondo. Sahingga aha mongakuije taalu' Akumo ahi' na Tumpu.”

AMOS 6:9

De daagi' tino sampulu' na mian anu natisuluk i uno nu sa'angu' na laigan, aha sinilaka suele.

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

PO'ULE' INGULIT 28:62

Mau mule' konjoo'nyo nu belemiu sumomo mandala' aita' i langit, me sangkiding na anu atina' hi belemiu na daagi' tumuu', kalana belemiu madi' tulu-tulutan hi Tumpu Allah nu belemiu.

PO'ULE' INGULIT 28:63

Susumo Tumpu sanang na mombee'i kabilahian hi belemiu ka' montuangi da belemiu manjoo', Ia mule' sanang na monsilakai ka' mohopu'i belemiu. Belemiu po'ule' mule' osabatakon i lipu' anu madi'mo pin kajojoonganmo nu belemiu.

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.