AMOS 5:25 - KITAB NU TUMPU ALLA LELE MA'IMAI'

²⁵ O mian nu Israel, tempo'nyo Aku nomboa belemiu notulu i padang anu mateges patompulu' na taun na kinopinnyo, Aku madi' momoita anu osombahkon ka' koloban nu belemiu.

AMOS 5:25 ပူးပေါင်းရင်းမြစ်များ

NEHEMIA 9:18

Aha nombaumo bapilogotan binau nu aha susumo sapi'. Lantas pinoto'imo nu aha, ‘Aiyamo na Tumpu Allah nu belemiu anu nomboamo mae belemiu lengkat i Mesir nonombotuanimo.’ O Tumpu Allah Belento ingalumo nu aha!

NEHEMIA 9:21

Pinatompulu' na taun na kinopinnyo i padang anu ewa hondo saja' pinosukup nu Belento iwi-iwi' apaa na kapalaluan nu aha. Baju' nu aha madi' toho' nahu', tengke nu aha madi' naleso kabai binangkak.

YEHEZKIEL 20:16

Tambuha' anu tinaloakon-Kumo aijo' kalana aha madi' montuluti palentah-ngKu ka' mule' nolanggaimo na atulan-Ku ka' nohumimi'imo sinaa nu Sabat. Aha lebe mongka'ima'i monsombah pilogot nu aha haha aijo.

YEHEZKIEL 20:24

kalana aha madi'mo nontuluti iwi-iwi na palentah-ngKu ka' mule' nolanggaimo atulan-Ku, ka' mule' nohumimi'imo sinaa nu Sabat ka' tataap monsombah to pilo-pilogot anu saja' nu sombah nu mompolee' nu aha.

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

YOSUA 24:14

“Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.