AMOS 5:20 - KITAB NU TUMPU ALLA LELE MA'IMAI'

²⁰ Sinaa nu Tumpu memang mompotoka mae pikat hondomi', misa' majingka sinaa anu madi' masingit ka' madi' ko batu nu sinaa.

AMOS 5:20 ပူးပေါင်းရင်းမြစ်များ

YESAYA 13:10

Toto saangu' na mandala ka' gombuan nu mandala' madi'mo daagi' kojingkanyo; batu nu sinaa pikatmo de ia bete'mo mae, ka' mule' bitu'on madi'mo daagi' majingka mae.

YESAYA 8:22

kabai mokaiyong madi' ko apa-apaa na anu nu toa nu aha ola ahi' samata-mata kasansala'an ka' kapintungan ka' mule' kasusa'an na tina'up. Aha saidi' mae olumbu'akonmo i tampat pintu-pintung aijo'.

YEHEZKIEL 34:12

susumo samian na polaya' molio ka' momposihuk to domba-dombanyo anu noga'a-ga'atmo lantas mongkalesang aha. Aha Ku sule'akonmo mae lengkat mae isongko-songko na tampat anu pinoga'a-ga'atan nu aha, toka itempo'nyo sinaa pikatmo ka' sinaa anu madi'mo ma'ima' aijo'.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

OBAJA 1:15

“Totu-totu'u ohanimo mae na sinaanyo, Aku Tumpu momputusimo to bansa-bansa. Apaa na anu binaumo nu Edom aijo'mo na bau pombalosingku ia. Ia suele mongoa'imo apaa na anu binaunyomo.

NAHUM 1:8

Susumo iyaba' anu daka' monganjuhakonmo; ka' ihansunan-Nyomo na to sampo-sampo bali'-Nyo. Aha anu baani mongewa Ia, pinotudun-Nyomo na kasilakaan sahingga sinilakamo.

ZEFANYA 1:15

Sinaa aijo' sinamo nu tambuha' ka' sinaamo nu kakulangan ka' sinaa nu kasusa'an, sinaamo nu kapohobo'an ka' sinaamo nu kahansunan ka' sinaamo nu kapintungan, ka' sinaamo nu madi' talalo majingka, ka' sinaamo anu pikat hondo, ka' sehu'onmo.

MATIUS 22:13

Lantas tomundo aijo' notatae hi to poka-pokauhonnyo, ‘Segoti na tengke ka' lima nu mian aiya, ka' alin na ia i sambiha'nyo i tampat anu pikat. I kiijo' daagi' ko anu tumando' ka' sansala.’ ”

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

ANU PINOTO'I HI YOHANES 16:10

Lantas malaikat ko olima'nyo nombubusakon isi nu tampat aijo' i kasuhangan nu binatang aijo'. Sahingga iwi-iwi' na anu nu palentah nu binatang aijo' pinintungmo, sahingga mian nombahe'mo jila'nyo kalana talalomo sinansala.