AMOS 5:2 - KITAB NU TUMPU ALLA LELE MA'IMAI'

² Notua'mo na Israel anu sala'je lumangkoyang, ia madi'mo daagi' moko pobula! I posi tano'nyo ia pinojohokmo, madi' ko anu nontulungi ia da tuminjo.

AMOS 5:2 ပူးပေါင်းရင်းမြစ်များ

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

YESAYA 14:21

Pongkolotan sampamo lia-lia' otampu'uni! Anak nu beleyum anu toto momo'ane silakamo kalana do'a nu mompolee' nu aha. Madi' kosamiannyo na anu aijo' hi aha timbali mompalentah idunia aiya kabai lewa' mombau kota'.”

YESAYA 24:20

Loda nu tano' mahasulonanmosusumo mian anu nalangumo ka' gayu'anmo susumo tahop tinuda'mo nu tobusisi'. Tano' mohobo'mo kalana piniboatanmo nu dosa'nyo. Ia hansunmo ka' madi'mo po ule' tuminjo.

YESAYA 3:8

Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

YESAYA 37:22

pinoto'i nu Tumpu, “Kota' Yerusalem mongkokojoimo ka' mongalumo beleyum, Sanherib!

YESAYA 43:17

Ia nompalentahmo suludadu biasa tiba suludadu anu toto tangka-tangkas na pangkatnyo da mahampatemo, ka' aha nambamo notumbuhi sinumake ikareta anu nu hela' nu ajahan. Panyo aha tinombahangkangmo ka' madi'mo noko ala po ule' tinuminjo, aha sinilakamo susumo sumbu nu sulu' anu nopoho'mo.

YEREMIA 14:17

Tumpu nompalentahmo mae aku da mompoto'i kasusa'an nu kinyonyoangku hi mian anu palesayamo hi Ia. Aku tionyo montaloakon sumo uuka, “Bakasmo da aku humang madi'mo kokamingkotannyo, sinaa tiba pihi sola'mo lolu'on na matangku. Kalana bansangku tinadokmo hondo na belanyo ka' talalomo ahi sinansala.

YEREMIA 18:13

Tumpu notatae, “Soba pokilawa hi toto sa'angu' na bansa pa' toho'mo jinadi' na han anu susumo aiya. Mian nu Israel nombaumo han anu okabuhuk hondo!

YEREMIA 2:27

Belemiu saidi' me opopo ambangmo kalana sangkolong na kau' olaga nu belemiu na tuuma, ka' sa'angu' na batu olaga nu belemiu na tina. Belemiu madi' ahi' toka mae hi belengku, panyo ola mule' ahi' mompala'i Aku. Panyo de tokamo na tempo' nu kasusa'an, Akumo ahi' na olaga nu belemiu da tokamae momposalamat belemiu.

YEREMIA 31:4

Bansa nu belemiu Ku pojadimo sanang na kantumuu'an susumo naipuan mae. Po ule' mule' belemiu mongala gandang ka' monsalelei lame'mo hondo.

YEREMIA 4:20

Balaa' me saja' tinoka mae nohansunimo songko-songko na lipu'. Monti-montiik ahi' kemahku ingideanmo, hudenyo iwi-iwi' pinaha bea-beakmo.

YEREMIA 50:32

Bansa nu beleyum anu talalo buulon aijo' tosumpunmo ka' tombahangkangmo. Madi'mo daagi' ko samin na anu montulungi beleyum da po ule' tuminjo. Sinin na kota' nu beleyum Ku papumo, ka' iwi-iwi' na daerahnyo ohansunimo.”

YEREMIA 51:64

Ka' otaloakon, ‘Sumo aiya na saidi' mae jadi i Babel. Lipu' aiya saidi' mae molomosmo ka' madi'mo daagi' lubat mae kalana aha tinuda'anmo nu balaa' nu Tumpu.’ ”

YEREMIA 8:4

Tumpu nompalentahmo aku da mompoto'i sumo uuka hi mian anu palesayamo hi Ia, “De mian anu manabu' tantu ia po ule' mobula ka' de mian anu talas ijalan tantu ia po ule' minsusule' mae.

YEREMIA 9:21

Kapatean ninsoopmo nontulu tolongan, ka' ninsoopmo i uno nu laigan nu tomundo'; ia nongkaanmo to ana-anak anu aijo' ijalan tiba olitau ka' langkoyang aijo' ilapangan.

YEREMIA 9:9

Te misa'o konanyo na bansa susumo aiya ka' madi' Ku nabu'akon na hukuman anu memang konanyomo ahi'? Ku balosakonmo na palabuatan nu aha Aku, Tumpu, notataemo!”

MOHAANGI 2:13

O Yerusalem, kota' Sion anu oka ima'i kinapohobo'an nu beleyum ko ewanyo sumomo ndalangon, Apaa na anu timbali ku poto'i da mombee'i potatae anu moko sanang? Kalana madi' toho' ko anu sinansala susumo beleyum. Maumo mosia madi' ko anu moko ala mompo ule'akon kantumuu'an nu belemiu.

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 6:2

I uno nu uansinaa kabai tolunsinaa aiya, Ia mompa'alinmo kita, ka' kita tumuu'mo i uno nu ponjaga'an-Nyo.

AMOS 8:14

To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.