AMOS 5:19 - KITAB NU TUMPU ALLA LELE MA'IMAI'

¹⁹ Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!

AMOS 5:19 ပူးပေါင်းရင်းမြစ်များ

ANU MOMPOLELE POTATAE NU TUMPU 10:8

Ihe na mongkeke bolo' saidi' mae manabu' i unonyo, ihe na montumbalakon pagan mesen ia nu sa'u nu ulo anu ko bisa'nyo.

YESAYA 10:2

Tiba jalan anu sumo aijo' belemiu madi'mo mompobee' mian anu kasiasi mohumpak suele hak ka adilan ka' mongagoimo halata' nu aha mian anu singkapmo binalu tiba to ana-anak anu madi'mo ko tuumanyo ka' tinanyo.

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

SISIKON NU TO RASUL-RASUL 28:4

Salatan mian anu monjoongi togong aijo' nontoa ulo kala-kalayo' i lima i Paulus, aha notatae samian ka' samian, “Mian aiya tantu saja' nompatei, kalana maumo ia madi' binahaya i ambai, Pilogot Boune anu Adin madi' mompobee' ia tumuu'.”

PO'ULE' INGULIT 32:24

Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.

YOSUA 10:18

“Lingginakon mokiijo' na batu anu toto daka-baka' i sabatan nu liang aijo', ka' pojoong na anu monjagai ikiijo',” na koonyo i Yosua,