AMOS 5:17 - KITAB NU TUMPU ALLA LELE MA'IMAI'

¹⁷ I iwi-iwi na ale' nu anggur, mian singkapmo tinumando' kalana Aku Tokamo mae mohukum belemiu. Aku na Tumpu anu notataemo.”

AMOS 5:17 ပူးပေါင်းရင်းမြစ်များ

NOSABATMO 11:4

I Musa notataemo hi tomundo, “Sumo uuka na Tumpu notatae, 'Kila-kila tonga' pahu Aku mololomo tano' nu Mesir.

NOSABATMO 12:12

Pihi aijo' Aku lumajangmo monsongkohi tano' nu Mesir, ka' mompateimo to ana-anak tumpe mo'ane, mau manusia mau pe'e binatang. Ku hukumo na pilogot iwi-iwi' i Mesir, kalana Akumo na Tumpu.

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

YESAYA 16:10

Madi'mo daagi' ko samian pe'e na anu lame' i ale' anu toto lumba-lumba' haha aijo'. Madi'mo daagi' ko anu mompao' anggur da obau anggur inumon. Aku nontewa'mo aha sola' montaligalai.

YEREMIA 48:33

Taligala nu lame' imadi'anmo ilipu' nu Moab anu ma'omuk hondo aijo'. Ku pobelentimo na anggur mo ili lengkat mae ipakakas pompao'an anggur; madi'mo daagi' ko mian anu mombau anggur ka' montaligalaimo kalana lame'mo.

YOËL 3:17

“O, Israel uuka aiya osumbu'mo nu belemiu, saba' Akumo na Tumpu nu belemiu. Aku jojoong i Sion, i bungkutnyo anu Aku na tumpunyo. Sahingga Yerusalem suele timbalimo kota' anu susi' mian anu isalipu'an mae madi'mo daagi mompinsoopi.

NAHUM 1:12

Sahingga notataemo na Tumpu hi aha Israel mian-Nyo anu pinalesayamo, “Maumo aha to mia-mian nu Asyur aijo' mahoson ka' konjoo'nyo da'isan panyo aha ohansunimo lantas mingkotmo. Binaung-Kumo na belemiu da sinansala panyo Aku madi'mo mombau mule' sumo aijo'.

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

ZAKHARIA 9:8

Ku jagaimo na tano'-Ku ka' madi'mo mompobee' to sulu-suludadu anu isalipu'an mae so' motulu. Aku madi'mo daagi mompobee' anu lewa' momposansala mompalentah mian anu palesayamo hi beleng-Ku. Kalana kasansala'an nu aha tinoang-Kumo.”