AMOS 5:15 - KITAB NU TUMPU ALLA LELE MA'IMAI'

¹⁵ Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

AMOS 5:15 ပူးပေါင်းရင်းမြစ်များ

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

1 TOMU-TOMUNDO' 20:31

To sulu-suludadu anu toto tangka-tangkas na pangkatnyo tinokamo hi ia ka' nompoto'i, “Koonyo nu mian, to tomu-tomundo' nu Israel, aha aijo' to tomu-tomundo' anu kokalibosan hi sangko mian. Kalana aijo', pobee' mae na kami mamba mangadap hi tomundo' Israel mompusok baju' kalung salaku tanda nompele-pele'mo ka' kahohon i gogohong salaku tanda nabuhukmo. O'amalakon da ia madi' mompatei belento Tomundo'.”

2 TOMU-TOMUNDO' 13:7

To sulu-suludadu nu Israel i hopu'anmo nu tomundo' Siria sahingga me 50 na suludadu i Tomundo' Yoahas anu monsake'i ajahan 10 na kereta anu bau pahampate ka' 10.000 na suludadu.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 19:4

Tomundo' Asyur nonsaimo mae samian na suludadu anu matangkas na pangkatnyo da mompopo ambang Tumpu Allah anu tumuu'. Ihe na monsumbu' Tumpu Allah nu belemiu nohongomo pinompopo'ambang aijo' ka' mohukumo aha anu nontaeakon! Kalana aijo' do'akonmo hi Tumpu Allah na mianto haha aijo' anu daagi' tutuu'.”

MAZMUR 119:104

Iwi-iwi' na atulan nu Belento nompopangalati'mo aku, sahingga aku nongka'idekimo kalakuan anu tageo'.

MAZMUR 34:14

Boli montaeakon potatae anu toto ide-idek ka' boli mongka'ima'i ola saja' mongakali mian.

MAZMUR 36:4

Potataenyo saja' anu toto ide-idek ka' kaho potatae anu mongakali ia madi'mo daagi mombau anu ma'ima' ka' madi'mo montiho kalakuan nu mian anu pande.

MAZMUR 37:27

Pala'imo na palabuatan anu ma'idek ka' baumo na anu ma'ima', sahingga sampe toka sidu-sidutu' lee' nu beleyum na monjojoongi tano' aijo'.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 97:10

O, belemiu mian anu mongka'ima'i Tumpu, ka'ideki na kalakuan anu ma'idek! Kalana Tumpu monjagai kantumuu'an nu mian anu palesayamo hi Ia, Ia nompobebasmo aha da madi' nukuasai nu mian anu palaganta.

NOSABATMO 32:30

Dodododopnyo i Musa notataemo hi bansa aijo', “Belemiu nombaumo dosa' anu daka' hondo. Panyo uuka aiya aku po'ule'mo mindako i bungkutnyo aijo' mangadap hi Tumpu; o'amalakon mae da aku mohumpak ka'ampunan nu dosa' nu belemiu.”

YEREMIA 18:8

lantas bansa aijo' balatobatno madi'mo mombau dosa' na ia, saba' madi'mo ahi' Ku sidahi na tanga'an-Ku aijo'.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEREMIA 31:7

Tumpu notatae, “Onyanyiakon lame-lame' na aha Israel, mian anu palesayamo hi beleng-Ku bansa anu penting hondo nulingkudui na bansa sangga'at. Nyanyiakon na nyanyian bau pompuji' ka' bebakonmo; ‘Tumpu nomposalamatmo mian anu palesayamo hi Ia anu dadaagi' tinontuha'.’

YEHEZKIEL 45:9

Tumpu Anu Matangkas na Kuasanyo notatae, “Sukupmo na dosa' nu beleyum haha atina', o to mia-mian anu balakuasa i Israel! Bolimo daagi' belemiu talalo mongkabisa'i mian da'isan haha aijo'. Soba bau apaa na anu ma'ima' ka' mule' anu adin. Bolimo daagi' hondo-hondo molaa' aha anu palesayamo hi belengku mompala'i tano' nu aha. Aku, Tumpu Anu Matangkas na Kuasanyo nompalentahkonmo aijo' hi beleyum.

DANIEL 2:49

Panyo kalana pinoitamo i Daniel sahingga i tomundo' nombee'mo kapalentahan i Propinsi Babel aijo' hi Sadrakh, hi Mesakh, hi Abednego sadang i Daniel na jinojoong ahi' i laigan nu tomundo'.

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

AMOS 5:10

Belemiu mongka'ideki mian anu molawan mian anu madi' koka'adinan ka anu motatae madi' tageo' i uno nu pomputusian palakala.

AMOS 5:24

Lebe ma'ima' bala usaha da ka'adinan mo ili susumo uee ka' kahondoan susumo kaunyo anu madi' toho' mo'oti.

AMOS 5:6

Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

AMOS 6:12

Nu poko ala – nu ajahan na mopadeka' ipuge'nyo anu batuon? Toho' binau nu mian na sapi' mompajeko ambai? Panyo belemiu aiya nombali-balikakonmo ka'adinan da timbali lasung anu monsilakai ka' anu totu'u tinimbalimo sala.

AMOS 7:3

Tumpu nombabali'imo tanga'an-Nyo ka' notatae, “Anu tinoa nu beleyum aijo' madi'mo daagi' jadi.”

YUNUS 1:6

Tempo'nyo kapiten nu kapan aijo' nintatau' nintatau sasu akaong i lunasa'nyo tinoanyomo na i Yunus hau-haunyo hoyot. Lantas ia notataemo, “Tetimbali tohoyot na beleyum i unonu han anu sumo aiya? Dongan pobula! Balado'a hi pilogot nu beleyum ka' momoita tulung. Ihe na monsumbu', Ia mongkalibosi mae kita, sahingga kita madi' silaka.”

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

MIKHA 2:12

Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

MIKHA 3:2

panyo belemiu ola mule' ahi' mongka'ideki palabuatan anu ma'ima' ka' mongka'ima'i palabuatan anu ma'idek. Kinilitanmo nu belemiu titu-tituu' na bansangku, ka' mule' belemiu nombentekimo antok nu aha anu aijo' i buku nu aha.

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

ZEFANYA 2:3

Pobalikmo mae hi Tumpu o mian iwi-iwi' anu madi' buulon ilipu' aiya, ka' mule' mian iwi-iwi' anu montuluti palentah-Nyo. Soba pombau apa-apaa mombatuki pongka'oho' nu Tumpu ka' bolimo ko bubuun i ahop-Nyo. Ihe na monsumbu' belemiu opoluputmo ihukuman de tokamo na sinaanyo nu Tumpu mompotoa tambuha'-Nyo.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

ROMA 7:22

Kinyonyoangku mongka'ima'ai atulan nu Tumpu,

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.