AMOS 5:11 - KITAB NU TUMPU ALLA LELE MA'IMAI'

¹¹ Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

AMOS 5:11 ပူးပေါင်းရင်းမြစ်များ

AYUB 20:19

Kalana ia lewa'mo nonsakisa mian ka' nomopsusa'mo mian anu kasiasi; ia lewa'mo nongagoi laigan nu mian anu misa' ia na nombau.

YESAYA 16:10

Madi'mo daagi' ko samian pe'e na anu lame' i ale' anu toto lumba-lumba' haha aijo'. Madi'mo daagi' ko anu mompao' anggur da obau anggur inumon. Aku nontewa'mo aha sola' montaligalai.

YEHEZKIEL 26:12

Sampobali' nu belemiu haha aijo' mompahuhuakonmo iwi-iwi na kakaya'an ka' bala-balang anu opodagang nu belemiu. Nu hobo'akonmo nu aha na pagan mesen iwi-iwi' ka' mule' laigan nu belemiu iwi-iwi' anu toto ima-ima'. Nu alamo nu aha na batunyo iwi-iwi', pagan ka' mule' tano'nyo, lantas nu lumbu'akonmo nu aha i ambai.

YEHEZKIEL 34:21

Belemiu mompaha gege-gegensomo ka' montandukmo domba anu masakit sahingga aha mambamo madi'mo maninggalo' igombuan nu domba sangga'at.

HOSEA 9:2

Panyo madi'mo daagi pin belemiu kamadi'anmo i gandum tiba lanya' nu zaitun, ka' tiba anggur suele mingkotmo.

IMAMAT 26:16

belemiu Ku hukumo. Ku potokamo mae na balaa' hi belemiu, panyakit ka' nusihabimo anu madi'mo opoko ala opakuli'i sahingga mata nu belemiu mapisokmo ka' belemiu tumuu'mo susa'. Belemiu mosu'an sosu'anon panyo madi' mongkaan hasinnyo, kalana anu monsampobali' belemiu toka mae mompatundu' belemiu ka' mongingkotimo apaa na anu sinu'anmo nu belemiu.

AMOS 2:6

Tumpu notatae, “Mian nu Israel saja'mo nombau dosa' pa' pimpianmo, kalana aijo' Aku tionyo mohukumo aha. Mian anu madi' tageo' na kinyonyoanyo madi'mo moko sule'akon anu sinabonnyo, pinobaluk nu aha tinimbalimo bau botuan. Sumo aitumo mule' na kalakuan nu aha hi mian anu kasiasi anu madi'mo moko bayan samaya'nyo, pada han samaya' aijo' ola oli nu sa'angu' na pan na sapatu.

AMOS 2:7

Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

AMOS 3:15

To lai-laigan tempo'nyo nu bakin ka' to lai-laigan bau pilawean i tempo'nyo nu posinaa Ku hansunimo. To lai-laigan anu binunga-bungan nu sae nu binatang mohobo'mo, iwi-iwi' na laigan anu daka' hansunmo.

AMOS 3:9

Bebaakonmo na aiya hi to mia-mian anu jojoong i Mesir ka' Asdod i laigan nu tomundo, “Posa'angu'mo i to bungku-bungkutnyo anu atina' i Samaria ka' potoakon na kahengge'an anu talalomo hondo, lewa'mo nompakisa anu nu mian ikiijo' mae.”

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

AMOS 6:11

De Tumpu mompalentahmo iwi-iwi' na laigan anu daka' kabai ise' nu hansunimo.

AMOS 6:12

Nu poko ala – nu ajahan na mopadeka' ipuge'nyo anu batuon? Toho' binau nu mian na sapi' mompajeko ambai? Panyo belemiu aiya nombali-balikakonmo ka'adinan da timbali lasung anu monsilakai ka' anu totu'u tinimbalimo sala.

AMOS 8:4

Potombihing mae o belemiu anu nongkabisa'imo mian anu kasiasi i lipu' aiya sahingga aha i hansunmo.

AMOS 9:14

Ku pojadimo na mian-Ku Israel anu palesayamo da aha po ule'mo sanang. Aha po ule'mo mombau kota' nu aha iwi-iwi' anu na'idekmo lantas aha jojoongmo ikiijo. Aha monsu'animo nu anggur iwi-iwi' na ale' lantas saidi' mae nu inumo nu aha na ueenyo. Aha mongale'mo ka' nu kaanmo nu aha na hasinnyo.

MIKHA 1:6

Mokonyo aijo' Tumpu notataemo, “Kupojadimo na Samaria timbali tambulan nu laigan anu i hansunmo kiijo' mae i padang ka' mule' timbalimo posu'anan anggur. Kota' anu i hansunmo aijo' Ku alinmo i bangka'nyo ka' mule' pundasinyo Ku kekeimo.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

MIKHA 6:15

Belemiu montugan gandum panyo madi' ahi' mohumpak hasinnyo. Bua' nu zaitun obau nu belemiu lanya' panyo madi'mo moko ala mompake lanya'nyo. Belemiu mompao' anggur da o'ala na ueenyo panyo madi' jadi na monginum.

ZEFANYA 1:13

Halata' nu aha saidi' mae o agoimo ka' iwi-iwi' nalaigan nu aha ohansunimo. Aha saidi' mae mombaumo laigan panyo madi'mo nu jojoongi nu aha. Aha saidi' mae mongusahakonmo ale' nu anggur panyo madi' monginum anggur nyo.”

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

MALEAKHI 1:4

De bisuanyo lee' mae i Esau, aha mian nu Edom haha aijo' motatae, “Iwi-iwi na kota' mami ihansunanmo panyo po ule'mo obau mami,” han aijo' nu taamimo nu Tumpu, “Aha timbali po ule' mombau panyo po ule' Ku hobo'akon. Aha osanggohimo ‘Lipu' anu palaganta’ ka' mule ‘Bansa anu tinambuha'anmo nu Tumpu sampe sidu-sidutu.’ ”

PO'ULE' INGULIT 28:30

De belemiu madi'mo montuluti Tumpu Allah nu belemiu, apaa na anu sinanggomo aiya mongkonamo butong nu belemiu: Belemiu modohoi, panyo mian sangga'at na mongosoai dohoi miu. Belemiu mompotinjomo laigan, panyo madi' ojojoongi miu. Belemiu monsu'animo ale' nu anggur, panyo madi' okaan na bua'nyo.

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!