AMOS 4:7 - KITAB NU TUMPU ALLA LELE MA'IMAI'

⁷ Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

AMOS 4:7 ပူးပေါင်းရင်းမြစ်များ

NOSABATMO 10:22

I Musa nontangkakonmo limanyo nokiita', sahingga tinolun sinaa na tano' nu Mesir tinuda'anmo nu balaa' pikat.

NOSABATMO 10:23

Mian nu Mesir madi'mo noko ala nontoa apa-apaa ka' tempo'nyo aitu madi'mo ko samian pe'e namba moyaya. Panyo i laigan nu aha mian Israel na tataap ahi' majingka.

NOSABATMO 8:22

Panyo tano' nu Gosyen madi' nu tokai, tampat kajojoongan nu mian anu pinalesayamo hi beleng-Ku. Kiijo' mae madi' nutokai nu lalo, da osumbu' nu belemiu saba' Aku, Tumpu, na nombaumo han aijo'.

NOSABATMO 9:26

Ola da'erah nu Gosyen kajojoongan nu aha mian nu Israel na madi' kinona nu ujan eis.

NOSABATMO 9:4

Aku madi' mompokakanakon potuu'on nu mian Israel ka' potuu'on nu mian Mesir hingga-hinggat nukona nu panyakit. Potuu'on nu mian Israel sa'angu' pe'e madi' ko anu mate.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 14:3

To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

YEREMIA 14:4

Ujan madi'mo tinudun ka' tano' notiismo ka' nobeka-beka'mo; mian anu mongale' nongkukumbungimo ohup nu aha kalana madi'mo daagi' koanu otaha'imani.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

ZAKHARIA 14:17

De daagi' ko bansa anu madi' mongka'oho' mamba i Yerusalem da monsombah Tomundo' aijo'mo Tumpu Anu Daka' na Kuasanyo saba' ilipu'nyo madi'mo ko ujan anu tudun mae.

YOHANES 4:35

Komiu motatae, ‘Daagi' opat na bitu'on pompadakanmo.’ Panyo Aku motatae hi komiu: Tanggalakon na to ale-ale' singkapmo kinangkinian me montanda'i o padak!

1 KORINTUS 4:7

Ihe na nompotimbali kita Utus molingkudui mian sangga'at? Te misa' iwi-iwi' apaa na anu i humpak nu kita Utus, lengkat hi Tumpu Allah? Jadi, kadaka' kahanda' mombuulakon butong, au'aitu apaa na anu daagi' hi kita Utus, aijo' misa' anu binee'?

PO'ULE' INGULIT 11:17

De belemiu molanggaimo palentah aijo', nutambuha'imo nu Tumpu na belemiu. Ia madi'mo mompodaagi' mae ujan; tano' miu timbalimo mapeges hondo, sahingga anu osu'an madi'mo ko hasinnyo. Sahingga ola sakinihap belemiu silakamo i tano' anu ma'omuk anu binee'mo nu Tumpu hi belemiu.

YAKOBUS 5:17

I Elia pokakana mian sumo kita. Ia binalado'a totu-totu'u da ujan boli tudun, sahingga ujan madi' tinudun tinotolu' ka' inintonga' na taun na kinopinnyo.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.