AMOS 4:5 - KITAB NU TUMPU ALLA LELE MA'IMAI'

⁵ Lako'mo monsombahkon roti salaku pompoita talima kase hi beleng-Ku ka' lako'mo sisik hi mian saba' belemiu nompaka tuangimo anu osombahkon! Tantu aijo'mo na anu oka'i ma'i nu bau nu belemiu!

AMOS 4:5 ပူးပေါင်းရင်းမြစ်များ

MAZMUR 81:12

Panyo mian anu palesayamo hi belengku, madi'mo mohongo-hongo aku. Israel madi'mo tinulu-tulutan hi belengku.

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YESAYA 1:11

Tumpu notatae, “O sangka nu belemiu Aku mongka'ima'i koloban anu saja' osombahkon nu belemiu hi beleng-Ku? Aku na'osamo nu koloban nu to domba-domba anu otunui nu belemiu, ka' lompo' nu anak nu sapi' nu belemiu. Baso' nu sapi' lakinyo domba ka' mee' madi' Ku ka'ima'i.

YEREMIA 7:10

Salatan iwi-iwi' aijo' binaumo nu belemiu, belemiu tokamo mae mangadap hi belengku i aiya iposi Laigan-Ku ka' motatae, ‘Kami madi'mo ko anu mompoposia.’ Lapas mae po ule' mule' ahi' obau nu belemiu na palabuatan anu ma'idek aijo'.

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

HOSEA 9:1

O bansa Israel, bolimo daagi' molame'akon iwi-iwi' na sinaa daka' nu belemiu susumo to bansa-bansa sangga'at. Belemiu nompala'imo Tumpu nu belemiu ka' madi'mo nontuluti Ia. I tampat pongututan gandum belemiu mompobalukmo butong nu belemiu salaku anu masala' hi pilogot Baal, ka' sanangmo na montalima gandum anu osangka nu belemiu salaku pontamboi mae nu pilogot aijo' hi belemiu!

HOSEA 9:10

Tumpu notatae, “Momonanyo Aku nongkabot aha mian nu Israel, Aku najama'mo hondo susumo mian anu nohumpakmo bua' nu anggur i padang anu mateges. Momonanyo aku nontoa mompolee' nu belemiu sinanangmo hondo na Aku susumo mian nontoamo bua'nu kau' ara anu ai-aijo'je na nimbua'. Panyo salatan aha nambamo ibungkutnyo nu Peor aha nontampu'unimo nonsombah Baal sahingga aha nahumimi'mo susumo pilogot anu nu nu kalibosi nu aha aijo'.

IMAMAT 23:17

Toto sangauwan tionyo ahi' monsombahkon ohua' na roti bau palasombahan anu obee' hi Tumpu. Roti haha aijo' tionyo ahi' obau ohua' na kilogram na labu anu ma'ima' hondo ogalo'i ragi ka' tionyo ahi' obee' hi Tumpu salaku palasombahan hasin nu ale' anu momonanyo.

AMOS 5:21

Tumpu notatae, “Ku ka'ideki ka' to'uamo na montoa belemiu molame-lame'akon agama nu belemiu!

AMOS 5:22

De belemiu momboa koloban anu otunui ka' koloban gandum, Aku madi' montalima. Aku madi' montalima to bina-binatang anu toto lompo-lompo' aijo' anu osombahkon nu belemiu hi belengku. Susumo koloban mompodame.

MATIUS 15:9

Palasuma na aha monsombah Aku, kalana atulan nu mian na nu ajan nu aha kokoonyo pe'e aijo' atulan-Kumo.’ ”

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

MATIUS 6:2

Jadi, de komiu mombee' sadaka' hi mian kasiasi, boli lewa' o hengge-hengge'akon na han aijo' sumo anu nu bau nu to mia-mian geguan. Nu ka'ima'i nu aha na mombau sumo aijo' i uno nu laigan pogalejaan tiba i jalan daka', da nu puji' nu mian. O inau' aha nontalimamo tamboonyo.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.