AMOS 4:13 - KITAB NU TUMPU ALLA LELE MA'IMAI'

¹³ Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

AMOS 4:13 ပူးပေါင်းရင်းမြစ်များ

AYUB 9:7

Tumpu Allah timbali montewa' batu nu sinaa bete' daagi' subu, ka' madi' mompobee' to manda-mandala' majingka pihi.

MAZMUR 135:7

Lengkat mae i puus nu tano' Ia nompotokamo mae kundom, pinokilaton-Nyomo de tudun na ujan. Lantas Ia nompalentahmo mombun da mosabat mae i tampat pinompo'una'an-Nyo.

MAZMUR 139:2

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

MAZMUR 147:18

Lantas kalana palentah-Nyo eis aijo' na timbalimo uee; Ia nompuhakonmo mombun sahingga uee no'ilimo.

MAZMUR 65:6

Belento nontaamimo mae kami ka' nombee'imo mae kami da inguntungmo na nahampate, binaumo nu Belento na hahan anu okabangangi kahanda' momposalamat kami. Belento na kataha'imanan nu bansa iwi-iwi' toka-toka i ndalangon anu najo'onmo.

NOSABATMO 10:22

I Musa nontangkakonmo limanyo nokiita', sahingga tinolun sinaa na tano' nu Mesir tinuda'anmo nu balaa' pikat.

NOSABATMO 14:20

i olot nu suludadu nu Mesir ka' suludadu nu Israel. Kundom aijo' pinikatmo, sahingga sinampahu ohu-ohua' na gombuan nu suludadu aijo' madi' noko ala nomapaha ohani.

YESAYA 40:12

Ihe na moko ala montakan ndalangon nu pala nu limanyo, kabai mongukun aita' langa ola ojingkan nu lima? Ihe na moko ala montakan tano' nu dunia aiya nu pontakan, kabai montimbang bungkutnyo tiba puge'nyo nu timbangan?

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

YESAYA 47:4

Tumpu nu Israel anu susi' mompobebasmo kita, sanggo-Nyo Tumpu Anu Daka' na Kuasanyo.

YESAYA 48:2

Maumo sumo aijo' na beleyum mongakui totu-totu'u, tukooyum, beleyum mian anu jojoong ikota' anu susi'; ka' memang ahi' beleyum montaha'imanimo Tumpu Israel anu osa-osanggohi Tumpu Anu Daka na Kuasanyo.

YESAYA 5:30

Toka isinaa aijo' songko-songko na Israel kahongoanmo na ais nu anu mahampate sumomo buhok nu bokon da ko daka'nyo. Soba toa songko-songko na lipu' aijo' pinikatmo ka' mule' nompaha genso-gensotmo. Jingka pinikatmo hondo.

YEREMIA 10:13

Ola pinalentah-Nyo binuhokanmo na uee aita' ilanga Lengkat mae ipuusnyo nu tano' pinotoka-Nyomo mae na kundom, ka' pinojadi-Nyomo na kilat pojingkalap i uno nu ujan, ka' sinai-Nyomo mae na mombun lengkat itampat pinompo una'an-Nyo.

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEREMIA 46:18

Aku, Tumpu Allah anu tumuu', Aku tomundo', Tumpu Anu Mahakuasa. Susumo Bungkutnyo nu Tabor natunjomo nokiita' i olot nu to bungku-bungkutnyo, ka' mule' Bungkutnyo nu Karmel natunjomo nokiita' noliu-liumo ambai, sumo aijo'mo na kahosonannyo nu aha anu toka mae montumbuhi beleyum.

YEREMIA 51:16

Ola pinalentah, binuhokanmo na uee aita' ilangit. Lengkat mae ipuusnyo nu tano' songko-songko pinotoka-Nyomo mae na kundom, ka' pinojadinyomo na kilat da pojohonjit i uno nu ujan, ka' pinokau-Nyomo mae na mombun lengkat mae itampat pinompo una'annyo.

YEREMIA 51:19

Tumpu Allah i Yakub madi' sumo pilogot haha aijo'; Ia na nompotimbali sinin na apa-apaa. Sanggo-Nyo aijo'mo Tumpu Anu Mahakuasa Pinile'an-Nyomo na Israel binau mian anu palesayamo hi Ia.

DANIEL 2:28

Panyo kiita' i suluga daagi' ko Tumpu na anu monsumbu' mompoto'i lahasia iwi-iwi' ka' noko poto'i-Nyomo hi Belento Tuanku apaa na anu jadi saidi' mae imihi. Uuka aiya pobee'mae na aku de timbali da montalangkan ipion ka' apaa na anu tinoamo nu belento Tuanku titinoamo tempo'nyo hoyo-hoyot aijo'.

DANIEL 2:30

Lahasia aiya pinoto'imomae hi belengku, misa' kalana aku na lebe pande molingkudui maumo pa' ihe panyo da belento Tuanku timbali monsumbu' alati'nyo nu ipion nu belento Tuanku aijo' ka' mompangalati'i mule' isi nu kinyonyoa nu belento Tuanku.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

AMOS 3:13

Tumpu Anu Daka' ka' Matangkas na Kuasanyo na notatae, “Opalahatikan uuka aiya, ka' pokinde'i na tulunan i Yakub.

AMOS 5:27

De Aku momboamo belemiu mokiijo' i sa'angu' na lipu' anu lebe majo'on lengkat i Damsyik. Aku na Tumpu anu sanggonyo Tumpu Allah Anu Matangkas na Kuasanyo notataemo.”

AMOS 5:8

Tumpu na nompotimbali to manda-mandala' aita' ilanga mandala' mian totolu' ka' mandala' mian da'isan. Ia nombabali'i pikat tinimbali na jingka ka' sinaa tinimbali pihi, uee lengkat mae i ambai binubusakon-Nyo i katano'an. Anu nombau iwi-iwi' aijo', sanggonyo aijo'mo Tumpu.

AMOS 6:8

Totu-totu'u hondo, Tumpu Anu Matangkas na Kuasanyo nompokinde'imo, “Aku mongka'ideki katabuulan nu mian nu Israel; Aku madi' sanang na montoa to lai-laigan nu to tomu-tomundo anu talalo ma'ima'. Puso nu kota' nu aha iwi-iwi' tiba anu daagi' i unonyo, Ku bee'mo hi sampobali'.”

AMOS 8:9

De tokamo na tempo'nyo. Ku bauje na batu nu sinaa sonsu-sonsu'un ia makakinsapmo ka' dunia timbalimo pikat padahan sonsu'un na sinaa. Aku na Tumpu Anu Matangkas na Kuasanyo anu notataemo.

AMOS 9:6

Tumpu nombau laigan-Nyo majo'on aita' mae i langa, dunia pinokona-Nyomo langit susumo atopnyo gio-gio' matingkou', ka' uee lengkat i ambai ilambe'-Nyomo i katano'an, anu nombau haha aijo' sanggo-Nyo aijo'mo Tumpu!

MIKHA 1:3

Ia mintatau'mo mae lengkat i kajojoongan-Nyo anu susi' ka' lumajangmo aita' i bawo nu to bungku-bungkutnyo i dunia aiya.

HABAKUK 3:19

Belento na nombee'i aku kahosonan, sumomo tengke nu jonga, tengkengku pinohosonakonmo nu Belento. Belento nontaka'mo aku da madi' ko anu mompoposia. Tempo'nyo aku ilumajang aita' ibungkutnyo. 9

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

MATIUS 9:4

Sinumbu' i Yesus na pikilan nu aha, jadi Ia notatae, “Kadaka' na pikilan miu kino ideknyo sumo itina'?

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 3:8

Mombun lumap pa' moya na nu kahanda'i; ohongonto na onyi'nyo, panyo madi' osumbu'to pa' iyamae na pinolengkatannyo, ka' pa' moya na kalambanannyo. Sumo aijo'mo na anu ohampeakon nu Roh nu Tumpu.”

PO'ULE' INGULIT 32:13

Ia nompotimbalimo aha mongkuasai iwi-iwi' na bungkutnyo; aha mongkaan isi nu ale' ka' monginum juu' nu uani' anu ola i bungkutnyo nu batu. Aha nohumpak lanya' nu kau' zaitun anu tumuu' i tano' anu ko batunyo.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”