AMOS 4:11 - KITAB NU TUMPU ALLA LELE MA'IMAI'

¹¹ Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

AMOS 4:11 ပူးပေါင်းရင်းမြစ်များ

YESAYA 13:19

Babel aijo' ma'ima'an hondo ka' binaumo katalasanggoan nu aha anu jojoong ikiijo'. Panyo Aku, Tumpu, mohansunimo ia susumo anu binaung-Kumo hi Sodom tiba hi Gomora.

YESAYA 7:4

Poto'i hi tomundo' da ia tataap mogogau panyo boli ahi' bata-bata. Boli ia mabuhuk kabai bingung. Tambuha' i Tomundo' Pekah tiba i Tomundo' Rezin tiba suludadu nu aha mian Siria haha aijo' ola susumo ohua' na lo'uton nu apu anu kotibuknyo, jadi madi' ahi' moko ala mompoposia.

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YEREMIA 23:14

Panyo mule' ahi' i Yerusalem tinoang-Ku to nabi-nabi nombaumo palabuatan anu lebe ma'idek mule'. Aha binaleko'mo ka' nasala'mo ka' mule' nonsangaja'imo mian anu mombau palabuatan anu ma'idek sahingga madi'mo daagi' ko samian na kahanda' balatobat. Ku anggap na aha iwi-iwi' na'idekmo susumo mian anu jojoong i Sodom tiba i Gomora.”

YEREMIA 49:18

Susumo Sodom tiba Gomora ihansunanmo tiba kampung toto ise-ise' idaerahnyo sumo aijo'mo na Edom. Madi'mo daagi' ko samian na jojoong ikiijo'. Aku, Tumpu, notataemo.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 50:40

Susumo Aku nohansunimo Sodom tiba Gomora ka' kampung toto ise-ise' idaerahnyo, sumo aijo'mo na Aku mohansuni Babel. Madi'mo daagi' ko anu jojoong ikiijo' mae. Aku, Tumpu, notataemo.

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

HOSEA 11:5

Mian nu Israel haha aijo' madi'mo mongka oho' minsusule' mae hi beleng-Ku, kalana aijo' aha tionyo ahi' minsusule'mo mamba i Mesir ka' bansa Asyur na mompalentahje aha.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

AMOS 4:6

Akumo na anu mombee'i balaa' ka ohopan hi belemiu iwi-iwi' na kota' nubelemiu, panyo belemiu madi' po'ule' minsusule' mae hi beleng-Ku.

HAGAI 2:17

Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

ZAKHARIA 3:2

Malaekat nu Tumpu notataemo, hi Setan, “Bisa-bisa' nu hukum nu Tumpu na beleyum Setan! Bisa-bisa' Tumpu anu mongkanonongi Yerusalem mohukumo beleyum. Mian aiya sumomo lo'uton anu ihambet mae aijo' i apu anu hau-haunyo moak.”

ROMA 9:29

I Yesaya notatae sumo uuka mule', “De Tumpu Anu ko Kuasa madi' nombee'i kita lee', tantu kita iwi-iwi' tinimbalimo Sodom ka' Gomora.”

1 KORINTUS 3:15

Panyo de kalaja nu mian mopapu ia lugi; ia timbali salamat, panyo sumo mian anu moko ala lumajang montulu apu.

PO'ULE' INGULIT 28:24

Tumpu madi'mo montudunakon mae ujan, panyo ujanmo abu' ka' bone' sampe belemiu silakamo iwi-iwi'.

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.

2 PETRUS 2:6

Pokakanamo na balu-balu'nyo sumo kota nu Sodom ka' Gomora: Tumpu nonggalisimo kota haha aijo' nu apu da timbali sonto' mongkona apaa na anu saidi' mae timbali hi to mia-mian anu ma'idek.

YUDAS 1:23

O hela' mae na mian aijo' i uno nu apu ka' osabatakon da oposalamat na aha. Kona hi to mia-mian sangga'at tionyo ahi' komiu mompotoa kalibosan ka' okabuhuk ahi', panyo oka'ideki ahi' mau pe'e ola baju' nu aha anu i henyuanmo nu anu nu nu kamilui nu aha, anu moko baladosa' aijo'.

YUDAS 1:7

O inau' singkona na kota nu Sodom ka' Gomora tiba to kota-kota anu mompaha ohani, mian anu jojoong i kiijo' nombaumo sumo hahan anu binaumo nu malaikat haha aijo'. Aha nombaumo hahan masala' ka' anu palaganta, sahingga aha sinakisamo nu hukuman apu, anu sampe toka sidu-sidutu', da bau pompokinde'i hi iwi-iwi' na mian.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.