AMOS 4:10 - KITAB NU TUMPU ALLA LELE MA'IMAI'

¹⁰ Ku pakatuimo panyakit anu molele hi belemiu susumo anu pinakatung-Ku nokiijo' i Mesir. To oli-olitau ka' to lalangkoyang nu belemiu pinatean-Kumo i pahampatean, ka' to aja-ajahan nu belemiu ingagoanmo. Inguna'an-Ku mo na kemah nu belemiu – tiba to maya-mayat anu nabusikmo nonsongutmo suung. Maumo sumo aijo' belemiu madi' ahi' minsusule' mae hi beleng-Ku.

AMOS 4:10 ပူးပေါင်းရင်းမြစ်များ

2 TOMU-TOMUNDO' 10:32

Tempo'nyo aitu Tumpu nongga'aimo da'erah nu Israel, sahingga madi'mo dinaka'. I Hazael tomundo' nu Siria nongalamo iwi-iwi' na da'erah nu Israel,

2 TOMU-TOMUNDO' 13:3

Kalana aijo' notambuha'mo na Tumpu hi Israel sahingga la nompojohokmo i Hazael tomundo' nu Siria ka' i Benhadad anaknyo pa' pinimpian na nompatundu' Israel.

2 TOMU-TOMUNDO' 13:7

To sulu-suludadu nu Israel i hopu'anmo nu tomundo' Siria sahingga me 50 na suludadu i Tomundo' Yoahas anu monsake'i ajahan 10 na kereta anu bau pahampate ka' 10.000 na suludadu.

2 TOMU-TOMUNDO' 8:12

“Kadaka' belento Tuan i humangmo?” na koonyo i Hazael. “Kalana sinumbu'kumo na beleyum mombaumo kalakuan anu ma'idek hi mian nu Israel.” na koonyo i Elisa. “Beleyum mompapumo to kota-kota' nu aha anu ko bentengnyo, mompateimo mian anu ma'ima' toto oli-olitau, ka' montekok to bunga-bunga mea', ka' mombohak kompong nu to boboune anu hau-haunyo poboa.”

NOSABATMO 10:27

Tumpu nompotimbali i tomundo pinangagamo sahingga ia madi'mo nongka'oho' bansa Israel mamba.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 8:19

sahingga anu pa ilimu' haha aijo' notataemo hi tomundo, “Aiya Tumpu Allah na nombau,” panyo tomundo aijo' panggaga, ka' susumo anu tinaloakonmo nu Tumpu, tomundo aijo' madi' mongka'oho' mompajuli potatae i Musa ka' i Harun.

NOSABATMO 9:12

Panyo Tumpu nompotimbalimo i tomundo pinanggaga ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

NOSABATMO 9:17

Mau mule' sumo aijo', belento daagi' ahi' kobubuun ka' madi' mongka'oho' mompobee' mian anu pinalesayamo hi beleng-Ku mamba.

YESAYA 34:3

Iwi-iwi' na bangke' nu aha saidi' mae madi'mo olamun, panyo olamo ahi' opojohok da mahutak ka' mabusikmo. Iwi-iwi na bungkutnyo singkapmo momea' kalana nu iaba'imo nu baso' nu aha.

YESAYA 50:11

O, belemiu anu mongka'oho'mo monsilakai mian sangga'at, posi tanga'anmo nu belemiu na monsilakai belemiu. Tumpu na mombau aijo' da jadi, belemiu osakisamo hondo.

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

YEREMIA 11:22

Kalana aijo' Tumpu Anu Balakuasa hondo notataemo mae, “Ku hukumo na aha! Aha to oli-olitau silakamo i uno nu pahampatean, to ana-anak nu aha silakamo nu ohop.

YEREMIA 15:3

Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEREMIA 16:4

Aha silakamo nu kona nu panyakit anu ahi' monsilakaimo, ka' mule' aha silakamo i uno nu pahampatean kabai silaka kalana tempo' nu kasusa'an i anu okaan. Madi'mo daagi' ko samian anu mohangi kabai molamun aha. Bangke' nu aha mo enamo susumo pupuk i uno nu tano' ka' nu tolukmo nu tomonsi' tiba binatang anu mahangas.

YEREMIA 18:21

Panyo uuka aiya, Tumpu, bakasmo da to ana-anak nu aha matemo nu ohop kabai silakamo i uno nu pahampatean. Bakasmo da to bou-boune nu aha madi'mo ko langkai' nu aha ka' mule' madi'mo ko anak nu aha; bakasmo da to momo ane nu aha silakamo kalana panyakit anu molele ka' mule' to oli-olitau nu aha silakamo i uno nu pahampatean.

YEREMIA 48:15

Moab tiba iwi-iwi' na kota'nyo ihansunanmo ka' to oli-olitaunyo toto ima-ima' hondo pinateanmo. Aku notataemo, Aku tomundo', Tumpu Anu Mahakuasa.

YEREMIA 49:26

Toka isinaa aijo' to oli-olitaunyo silakamo ijalan-jalan nu kota'nyo, ka' iwi-iwi' na suludadunyo ohopu'imo.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEREMIA 9:22

Bangke' nu mian notanatamo iyaya mae sumomo ahi' duhehe ibawo nu tano'; sumomo gandum anu pinadakmo lantas pinala'ianmo ka' madi'mo daagi' tinolukan. Sumo uuka na anu pinotuunmo mae nu Tumpu ka' anu tionyo ahi' opoto'iakon.”

HOSEA 11:5

Mian nu Israel haha aijo' madi'mo mongka oho' minsusule' mae hi beleng-Ku, kalana aijo' aha tionyo ahi' minsusule'mo mamba i Mesir ka' bansa Asyur na mompalentahje aha.

YOËL 2:20

Sampahas na kihi-kihi' lengkat mae i utara Ku laa'je sambagian Ku laa' i padang bone'. Mamba' i Ambai Mate, Ku sigala na balisnyo anu momona mamba i Ambai anu Totonga'nyo, Ku salakon na balisan anu aitu mae imihinyo. To maya-mayatnyo mabusikmo saidi' mae. Aha Ku hansuni kalana nonsakisamo belemiu.

IMAMAT 26:16

belemiu Ku hukumo. Ku potokamo mae na balaa' hi belemiu, panyakit ka' nusihabimo anu madi'mo opoko ala opakuli'i sahingga mata nu belemiu mapisokmo ka' belemiu tumuu'mo susa'. Belemiu mosu'an sosu'anon panyo madi' mongkaan hasinnyo, kalana anu monsampobali' belemiu toka mae mompatundu' belemiu ka' mongingkotimo apaa na anu sinu'anmo nu belemiu.

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

AMOS 4:6

Akumo na anu mombee'i balaa' ka ohopan hi belemiu iwi-iwi' na kota' nubelemiu, panyo belemiu madi' po'ule' minsusule' mae hi beleng-Ku.

AMOS 8:3

I sinaa aijo' iwi-iwi na nyanyian i laigan nu tomundo tinimbalimo haang. Iyaya mae nososalonganmo na to maya-mayat anu ingalinmo madi' kino hengge-hengge'.”

HAGAI 2:17

Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

PO'ULE' INGULIT 28:21

Panyakit mobolo-bolosmo na mongkona belemiu, ahennyo samian pe'e madi'mo daagi' ko anu jojoong atina' i lipu' nu belemiu.

PO'ULE' INGULIT 28:22

Tumpu mohukumo belemiu iwi-iwi' nu panyakit anu molele, singkaap bangkak ka' monsihabi. Nu potokamo mae na posinaa daka' ka' mombun anu montoyo'i, sahingga anu opadak nu belemiu ma'idekmo. Balaa' haha aijo' saja'mo mongkona belemiu sampe belemiu silaka.

PO'ULE' INGULIT 28:60

To panya-panyakit anu okabuhuk anu tinoamo nu belemiu kiijo' mae i Mesir na mongkonamo belemiu, ka' madi'mo ma'alin na belemiu.

PO'ULE' INGULIT 7:15

Belemiu nujagai nu Tumpu da boli nukona nu panyakit ka' iwi-iwi' na balaa' nupojo'on nu Tumpu susumo anu tinoamo nu belemiu i Mesir, panyo balaa' haha aijo' nu pokona hi to mia-mian anu mompaha bali' tiba belemiu.