AMOS 4:1 - KITAB NU TUMPU ALLA LELE MA'IMAI'

¹ Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

AMOS 4:1 ပူးပေါင်းရင်းမြစ်များ

1 TOMU-TOMUNDO' 16:24

Panyo' lapas aijo' ia nongolimo sa'angu' na bungkutnyo olinyo 6.000 na doi salaka hi mian sanggonyo i Semer. Lantas ia nombaumo sa'angu' na kota' i bungkutnyo aijo'ka' sinanggohannyo Samaria, pinosanggonyomo hi Semer, tumpunyo u'utu mae nu bungkutnyo aijo'.

AYUB 20:19

Kalana ia lewa'mo nonsakisa mian ka' nomopsusa'mo mian anu kasiasi; ia lewa'mo nongagoi laigan nu mian anu misa' ia na nombau.

AYUB 24:4

Madi' opobee' nu aha na mian anu kasiasi mohumpak anu memang ia ahi' na tumpunyo, sahingga paya' naninsulukmo na miana nu kasiasi hondo.

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 140:12

Bakas da mian anu talalomo buhingison na mompalentah nutokai mae nu balaa', boli opobee' na mian anu lewa' mompobau-bau jojoong i dunia aiya.

MAZMUR 22:12

Boli matikojo'on hi belengku, kalana balaa' anu montokai mae ingohanimo, ka' madi' ko anu montulungi.

AMSAL 22:7

Mian anu kasiasi nu kuasai nu mian anu kaya; mian anu monsabon nukuasai numian anu momposabonakon.

ANU MOMPOLELE POTATAE NU TUMPU 4:1

Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YESAYA 5:8

Silakamo na belemiu anu lewa'mo nongoli ka' lewa'mo nongagoi ale' da bau pontuangi apaa na anu nu belemiu! Madi' pin mingkotmo na tampat nu aha mian sangga'at sahingga me belemiu na jojoong ilipu' aiya.

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

YESAYA 58:6

Uuka na puasa' anu Ku kahanda'i; Alinakonmo na pompungu nu kasansala'an ka' hukuman anu madi' adin, ka' opobebas na mian haha aijo' anu sinansalamo.

YEREMIA 50:11

Tumpu notatae, “O, mian nu Babel, belemiu nontololangimo mian anu palesayamo hi beleng-Ku. Belemiu naha lumpatanmo kalana ilame'mo sumomo ahi' ajahan anu nontihaha'mo, ka' mule' sumomo ahi' sapi' anu hau-haunyo mongotot.

YEREMIA 50:27

Pateimo iwi-iwi' na suludadu nu aha! Hopu'imo na aha! Silakamo na bansa Babel! Tinokamo na tempo'nyo aha ohukumo!” (

YEREMIA 51:34

Yerusalem ihansunanmo ka' kinaanmo ingko-ingkot itomundo' Babel; ia nompilongkangmo kota' aijo' susumo nompilongkangmo boton. Sumomo sa'angu' na binatang anu talenga'nyo hondo, ia nolonyomo Yerusalem ka' nongisimo kompongnyo nu iwi-iwi' na anu ma'ima anu ihumpaknyo ikota' aijo' lantas ingalinnyomo na labinyo.

YEREMIA 6:6

Tumpu Anu Mahakuasa nompalentahmo aha anu balakuasa haha aijo' da montaa'i kau' ka' mombau puge'nyo nu palatahanan pontumbuhian Yerusalem. Tumpu notatae, “Kota' aiya Ku hukumo kalana kiijo' i unonyo manjoo'mo hondo na nomabu palabuatan monsuka-sukai na mompalentah.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEHEZKIEL 39:18

Aha mongkaanmo bangke'-bangke' nu suludadu ka' monginumo baso' nu to mia-mian anu balakuasa i dunia. To sulu-suludadu tiba anu balakuasa haha aijo' opateimo susumo mee' lakinyo kabai anak nu mee' kabai sapi' anu toto lompo-lompo'.

YOËL 3:3

Aha nombuangmo onde da osumbu' pa' ihe na mongala mian anu binoamo mae aijo'. Aha nompobalukmo to lalangkoyang tiba to oli-olitau da opotimbali botuan. Ka' doinyo nu pake nu aha ikapaluan lewa' masala' ka' lewa monginum anggur.

AMOS 3:1

Potombihing mae na potuunon nu Tumpu aiya, 'O bansa Israel anu binoamo mae nu Tumpu nosabat lengkat i Mesir. Tumpu notatae,

AMOS 3:3

Ugaat ua'aha na mian mamba hingga-hinggat madi' pe'e basale' momona?

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

AMOS 6:1

Silakamo na belemiu anu tumuu' ima-ima' i Sion, ka' belemiu anu mongoa'i sanang i Samaria, belemiu o to tua'a-tu'anyo nu mian da'isan nu bansa Israel anu talalo oholomati, belemiu anu biasa pomoitan tulung nu mian.

AMOS 6:6

Belemiu monginum anggur i galas anu ingisian buke-buke' ka' belemiu mompake minya-minya' anu manohong, panyo belemiu madi' molibos na kinyonyoa i kahansunan nu Israel.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

NOMBILANGMO 21:33

Lapas aijo' mian nu Israel nombangkulilitmo, nongala jalan anu mokiijo' i Basan. Tomundo Og tiba suludadunyo nontumbuhimo mae aha mian nu Israel i kota Edrei.

PO'ULE' INGULIT 24:14

Boli ola mongakali mian anu kasiasi ka' madi' ko apa-apaa anu mongala tambo, maumo bubuu' bansa nu belemiu, kabai mian anu lengkat mae i salipu'an anu jojoong i sala'sa'angu' na kota nu belemiu.

PO'ULE' INGULIT 28:33

Bansa anu lengkat mae i salipu'an na mongala isi nu ale' iwi-iwi' anu i humpak i lawe nu pakalaja'an miu. Panyo belemiu madi' nohumpak apa-apaa ola mule' ahi' kasansala'an anu ma'idek hondo na i humpak.