AMOS 3:8 - KITAB NU TUMPU ALLA LELE MA'IMAI'

⁸ De singa molohu', ihe na madi' mabuhuk? De Tumpu Anu Matangkas na kuasanyo notatae, ihe na ola momohokot madi' mombebaakon potuunon-Nyo?

AMOS 3:8 ပူးပေါင်းရင်းမြစ်များ

YESAYA 21:10

Bansaku Israel! Beleyum pinahampeja'akomo ka' lewa'mo ilanda'an sumomo batu nu gandum. Uuka aiya ku poto'imo hi beleyum lele ma'ima' anu ihongongkumo hi Tumpu Anu Daka' na Kuasanyo, Tumpu nu aha Israel.

YESAYA 31:4

Tumpu notataemo hi belengku, “Susumo singa molohu'mo da madi' o, agoi na kaanonnyo ka' madi' opoko ala opopobuhuk nu to pola-polaya' binatang maumo ahi' aha sanggombu na monsia'i ka' sola' molokihis anu pinalentahmo mongewa ia, sumo aijo'mo na Aku mahampate da boli o, hungku'i na Puge'nyo nu Sion.

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 26:12

Lantas aku notataemo, “Tumpu na nompalentahmo mae aku da mompoto'i potuunon mongka'ideki Laigan nu Tumpu tiba kota' aiya susumo anu ihongomo nu belemiu.

YEHEZKIEL 29:21

De han aijo' jadimo, Aku mompojadimo Israel bansa anu mahoson hondo ka' mompobee'mo beleyum Yehezkiel, motatae bebasmo sahingga iwi-iwi' na mian timbalimo mompotombihing beleyum. Sahingga nu sumbu'je nu aha taalu Akumo ahi na Tumpu.”

AMOS 1:2

Aiyamo na anu tinaloakon i Amos, “Tumpu noloboo'imo aita' mae i Bungkutnyo nu Sion, potatae-Nyo pinodaka'mo lengkat mae i Yerusalem. To pada-padang hemput tinimbalimo napeges, hemput i Bungkutnyo nu Karmel i nagayoumo hondo.”

AMOS 2:12

Panyo belemiu mombee'i mian anu iniatakonmo hi Tumpu monginum anggur, sahingga mombau da aha madi'mo mongganapi jandi'. Ka' belemiu nontewa'moto nabi-nabi da bolimo momposampe potuunon-Ku.

AMOS 3:4

Te toho' mule' singa i kuhat molohu' de ia ma'isa mohumpak anu nu kaan? Te toho' mule' anak nu singa molohu' i uno nu liangnyo de ia ma'isa mohakop apa-apaa?

SISIKON NU TO RASUL-RASUL 4:20

Kalana kami madi' timbali belenti na motatae mongkona apaa na anu tinoamo mami ka' pinosi hongo.”

SISIKON NU TO RASUL-RASUL 5:20

“Lako'mo tinjo i Laigan nu Tumpu ka' poto'i hi to mia-mian mongkona kantumuu'an bu'ou aiya.”

SISIKON NU TO RASUL-RASUL 5:29

I Petrus ka' to rasul-rasul sangga'atannyo nontaami, “Kami tionyo mombatuki Tumpu, misa' mombatuki mian.

1 KORINTUS 9:16

Kalana de aijo' ola han mompolele Lele Ma'ima' lengkat mae hi Tumpu, tantu aku madi' ko hak kobubuun, kalana Tumpu nompalentahmo aku, da mompojalan aijo'. Silaka na aku de aku madi' mompolele Lele Ma'ima' aijo'!

ANU PINOTO'I HI YOHANES 5:5

Lantas sala' samian na to pola-polaya' haha aijo' notatae hi belengku, “Boli humaang! Toa! Singa anu nolengkat mae i bansa Yehuda, lee' i Daud anu talasanggo; nohungku'imo. Ia na noko ala nombeak popitu' na segen ka' nombuka' kitab aijo'.”