AMOS 3:5 - KITAB NU TUMPU ALLA LELE MA'IMAI'

⁵ Te toho' mule' tomonsi' nu kona nu so'o de so'o ma'isa pinokona? Te toho' mule' so'o kangkehusan de madi' ko anu nu kona?

AMOS 3:5 ပူးပေါင်းရင်းမြစ်များ

MAZMUR 140:5

O, Tumpu, jagaiakon mae na aku da madi' opoposia nu kakuasa'an nu mian anu ma'idek na kinyonyoanyo, jagaiakon mae na aku da madi' opoposia nu mian anu talalo hondo buhingison na mompalentah, anu ko tanga'an monsila kaimo aku.

ANU MOMPOLELE POTATAE NU TUMPU 9:12

Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

AMOS 3:4

Te toho' mule' singa i kuhat molohu' de ia ma'isa mohumpak anu nu kaan? Te toho' mule' anak nu singa molohu' i uno nu liangnyo de ia ma'isa mohakop apa-apaa?

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?