AMOS 3:14 - KITAB NU TUMPU ALLA LELE MA'IMAI'

¹⁴ I sinaanyo Aku nohukumo mian nu Israel kalana dosa' nu aha, Aku mohansunimo to mezbah-mezbah ponsomban kiijo' i Betel. Toto sa'angu' na mezbah ponsomban okolongimo na to pupuusnyo sahingga mohobo'mo mokaiyong i tano'.

AMOS 3:14 ပူးပေါင်းရင်းမြစ်များ

2 TOMU-TOMUNDO' 23:15

Ia mule' nongideimo tampat ponsomban kiijo' i Betel anu binau i Tomundo' Yerobeam anak i Nebot – tomundo' anu nonsaduakonmo mian nu Israel nombaumo dosa'. Lantas i Yosia nombiha'mo mezbah, i tampat ponsombahkonan aijo' ka' pinapuannyomo tiba Patong boune Asyera anu daagi' kiijo'.

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

NOSABATMO 32:34

Lako'mo uuka aiya, ka' boa na aha aijo' i tampat anu pinoto'ing-Kumo hi beleyum. Malaekat-Kuje na molaya' beleyum, panyo tempo'nyo memang tokamo mian haha aijo' Kuhukumo kalana dosa' haha aijo' nu aha.”

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

AMOS 4:4

Tumpu Anu Matangkas na Kuasanyo na notatae! “O mian nu Israel! Lako'mo i tampat pogalejaan i Betel, ka' pombau mae dosa' ikiijo'! Lako'mo mokiijo' i Gilgal, ka' pombaumo dosa' yayamo na kasanangan nu kinyonyoa nubelemiu! Lako'mo monsombahkon koloban de subu-subumo ka' momboa mae anu obagi sampulu', sambahagian na o'ala anu ohumpak toto tolun sinaa!

AMOS 7:10

I Amazia, imam nu Betel, nompakatumo lapulan aiya hi Yerobeam tomundo nu Israel, “I Amos nosa'angu'mo tiba mian da'isan da mongewamo belento Tomundo. Potataenyo anu monsale'i mian da'isan monsabapimo lipu' aiya da hansun.

AMOS 7:13

Bolimo daagi' balahotba i Betel. Kota' aiya ola samata-mata bau tampat nu tomundo' ka' tampat pogalejaan nu mian da'isan.”

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

AMOS 9:1

Aku nontoa Tumpu tinuminjo koko mezbah. Ia nombee'i palentah aiya, “Santib hoso-hoson na puusnyo nu ohi' nu Laigan-Ku da gandalia iwi-iwi' tolohunjong. Tua'akon na to ohi haha aijo' i ubak nu mian haha aijo'. Aha anu madi' silaka Ku pateije i uno nu pahampatean. Madi' ko samian pe'e na noko palaiakon butong, madi' ko samian pe'e na moko ala mopalai.