AMOS 3:11 - KITAB NU TUMPU ALLA LELE MA'IMAI'

¹¹ Kalana aijo' kampung nu aha nutumbuhimo nu sampobali', benteng nu aha ohansunimo, ka' laigan nu to tomu-tomundo'nu bulingimo nu aha.

AMOS 3:11 ပူးပေါင်းရင်းမြစ်များ

KAJADIAN 34:27

Noko lapas na nompatei, to ana-anak i Yakub sangga'at nompahuhuimo kota aijo' salaku pombalosi nu aha kalana utus ise' nu aha binusikanmo na sanggonyo.

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TAWARIKH 36:19

Pagan mesen nu kota Yerusalem i hobo'akonnyomo ka' pinapunyomo na kota aijo', tibamo Laigan nu Tumpu ka' iwi-iwi' na laigan nu tomundo tibamo sinin na balangnyo anu mahan na olinyo anu daagi' kiijo' i iwi-iwi' i laigan nu tomundo.

AYUB 20:21

De ia mongkaan iwi-iwi' nu ingkoti, kalana aijo' kasanangannyo madi' pinin.

AMOS 2:5

Kalana aijo', Aku mombee'imo apu mokiijo' i Yehuda ka' mompapuimo to bente-benteng nu Yerusalem.”

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

AMOS 3:15

To lai-laigan tempo'nyo nu bakin ka' to lai-laigan bau pilawean i tempo'nyo nu posinaa Ku hansunimo. To lai-laigan anu binunga-bungan nu sae nu binatang mohobo'mo, iwi-iwi' na laigan anu daka' hansunmo.

AMOS 6:14

Tumpu Anu Matangkas na Kuasanyo ka' Daka' na kuanyo notatae, “Mian nu Israel, Aku mopakatumo suludadu lengkat i sa'angu' na bansa nu Salipu'an da montumbuhi lipu' nu belemiu. Aha nongkabisa'imo belemiu lengkat i jalan mokiijo' i Hamat i sasu utara toka-toka mokiijo' i Bangka'nyo nu Araba sasu Selatan.”

AMOS 6:8

Totu-totu'u hondo, Tumpu Anu Matangkas na Kuasanyo nompokinde'imo, “Aku mongka'ideki katabuulan nu mian nu Israel; Aku madi' sanang na montoa to lai-laigan nu to tomu-tomundo anu talalo ma'ima'. Puso nu kota' nu aha iwi-iwi' tiba anu daagi' i unonyo, Ku bee'mo hi sampobali'.”