AMOS 3:10 - KITAB NU TUMPU ALLA LELE MA'IMAI'

¹⁰ Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

AMOS 3:10 ပူးပေါင်းရင်းမြစ်များ

AYUB 20:21

De ia mongkaan iwi-iwi' nu ingkoti, kalana aijo' kasanangannyo madi' pinin.

MAZMUR 14:4

Tumpu notatae, “Pa' madi'mo ko kasinsumbu'annyo na mian toto ide-idek na kinyonyoanyo haha aijo'? Aha tumuu' ola saja' mompahuhui mian anu palesayamo hi Beleng-Ku ka' madi'mo toho' balado'a mae hi Beleng-Ku.”

AMSAL 1:13

O alantomo na to bala-balang nu aha anu mahan na olinyo, da laiganto mobuke'mo nu to bala-balang anu opahuhuakon mae.

AMSAL 11:16

Boune anu manonong mohumpak kaholomatan; panyo mian anu singgi mohumpak kakaya'an.

AMSAL 28:5

Ka'adilan madi' nu sumbu' nu mian palaganta, panyo mian anu monsombah Tumpu, totu-totu'u monsumbu' ka'adilan.

ANU MOMPOLELE POTATAE NU TUMPU 4:1

Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 5:4

Aku binapikinmo, “Ah aha olamo ahi' mian popololo anu madi' monsumbu' apa-apaa. Aha mombau apa-apa ponga' kalana madi' osumbu' pa' apaa na anu okahanda'i ka' pa' apaa na anu nu tuntut nu Tumpu Allah hi aha.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

YEHEZKIEL 8:17

Tumpu notatae hi belengku, “O, manusia anu madi' tumuu' batu, tinoamo nu beleyum na aijo'? Aha mian nu Yehuda haha aiya madi' puas de ola mombau hahan anu okahegati haha aijo' ka' palabuatan-palabuatan anu misa'mo palabuatan nu manusia isongko-songko na lipu'. Panyo aha mombau mule' ahi' palabuatan haha aijo' i uno nu Laigan-Ku aiya ka' nonsaduakonmo Aku da nompaka potambuha' mule'. Soba toa mosia na aha mongambangimo mae Aku nu palabuatan anu mahumimi' hondo aiya!

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

AMOS 5:7

Silakamo na belemiu anu mombali-balikakon ka'adinan ka' mongagoi hak nu mian!

AMOS 6:12

Nu poko ala – nu ajahan na mopadeka' ipuge'nyo anu batuon? Toho' binau nu mian na sapi' mompajeko ambai? Panyo belemiu aiya nombali-balikakonmo ka'adinan da timbali lasung anu monsilakai ka' anu totu'u tinimbalimo sala.

AMOS 6:3

Belemiu panggaga au'aitu sinaanu kasusa'an daagi' pin, panyo iwi-iwi' na kalakuan nu belemiu ola mompolia' da toka mae na sinaa ka'idekan aijo'.

AMOS 6:8

Totu-totu'u hondo, Tumpu Anu Matangkas na Kuasanyo nompokinde'imo, “Aku mongka'ideki katabuulan nu mian nu Israel; Aku madi' sanang na montoa to lai-laigan nu to tomu-tomundo anu talalo ma'ima'. Puso nu kota' nu aha iwi-iwi' tiba anu daagi' i unonyo, Ku bee'mo hi sampobali'.”

MIKHA 6:10

I laigan nu to mia-mian anu ma'idek na palabuatannyo daagi' ko halata' anu i humpak kalana lewa' nongakali. Aha mompake takalan anu madi' totu'u, aijo' sa'angu' na palabuatan anu Ku ka'ideki. Mian anu mombau sumo aijo' Ku hukum.

ZEFANYA 1:9

Ku hukumo na mian iwi-iwi' anu monsombah susumo mian anu madi' monsumbu' Aku, ka' anu mombuling ka' anu lewa' mompatei da bau pongalapan bau pomposukup isi nu laigan nu tuan nu aha tiba to bala-balang anu ingagoan.”

2 PETRUS 3:5

Aha memang madi' mongka'oho' mongakui tempo'nyo naipuan mae Tumpu nompodaagi'mo langit ka' tano' ola kalana kuasa nu potatae-Nyo. Tano', uee na pinolengkatan-Nyo, ka' tiba uee;