AMOS 2:7 - KITAB NU TUMPU ALLA LELE MA'IMAI'

⁷ Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

AMOS 2:7 ပူးပေါင်းရင်းမြစ်များ

2 SAMUEL 12:14

Panyo kalana belento Tomundo' nongambangimo Tumpu kalana nombaumo anu susumo aijo', anak mo'ane nu belento Tomundo' anu salaje' ihampe aijo' na tionyo ahi' silaka.”

1 TOMU-TOMUNDO' 21:4

Kinyonyoanyo madi'mo sinanang ka' notambuha'mo kalana nohongomo apaa na anu tinaloakon i Nabot hi ia, i Ahab ninsusule'mo ka' nale'mo i kahoyotannyo ohupnyo pinsonggilingnyo ka' madi'mo mongka'oho' mongkaan.

AMSAL 28:21

Madi' ma'ima' na mombeda-bedakon samian ka'samian, panyo daagi'je mule' ahi ko mian kopian anu ka'oho' madi' adin ola kalana da mohumpak doi sangkiding.

YESAYA 10:1

Silakamo na belemiu kalana nombaumo atulan-atulan anu madi' adin na mombei palentah anu monsakisa bansang-Ku.

YESAYA 10:2

Tiba jalan anu sumo aijo' belemiu madi'mo mompobee' mian anu kasiasi mohumpak suele hak ka adilan ka' mongagoimo halata' nu aha mian anu singkapmo binalu tiba to ana-anak anu madi'mo ko tuumanyo ka' tinanyo.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

YESAYA 3:15

Kadaka' belemiu nonsakisamo mian anu palesayamo hi beleng-Ku ka' lewa'mo nongakali mian anu kasiasi? Aku, Tumpu Anu Matangkas na Kuasanyo ka' mule' Anu Daka' na Kuasanyo notataemo.”

YEHEZKIEL 22:11

Bengkele' nu mian sangga'at kabai moniannyo boune, kabai utusnyo ise' anak nu tuumanyo hi bengkele' sangga'at.

YEHEZKIEL 36:20

Maumo ahi' pa' moya na aha mamba, aha saja' ahi' mohumimi'i sanggong-Ku anu susi'. Mokonyo aijo' nu taloakon nu to mia-mian sumo uuka, ‘Bansa aiya te mian anu palesayamo hi Tumpu, panyo aha tionyo ahi' mompala'imo tano' anu binee'mo nu Tumpu hi aha.’

HOSEA 4:14

Panyo Aku madi' mohukum kalakuan nu aha aijo', kalana belemiu suele nambamo hi aha anu masala', anu mokalaja i laigan bau ponsomban tominuat, ka' tiba aha mule' belemiu nonsombahkonmo koloban hi tominuat. Totu'umo na potatae aiya: Bansa anu madi' mangalati' mongkona Tumpu, madi' moko ala tatahan.

IMAMAT 18:15

Boli moduhus tiba anak nu monian nu belemiu kabai tiba bengkele'nyo nu utus tu'a nu belemiu.

IMAMAT 18:21

Boli mombee' sala' samian na anak nu beleyum bau koloban ponsombah pilogot Molok, kalana palabuatan anu sumo aijo' mongambangimo sanggo nu Tumpu Allah, Tumpu nu belemiu.

IMAMAT 18:8

Boli mongambangi tuuma nu belemiu kalana moduhusmo tiba sala' samian na bengkele'nyo sangga'at.

IMAMAT 20:3

Mian anu mongkolobanakon anaknyo hi Molokh, mohumimi'imo Kemah-Ku ka' mongambangimo sanggong-Ku anu susi'. Ia Ku hukumo ka' madi'mo daagi' Ku posoop mian anu pinalesayamo hi beleng-Ku.

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

AMOS 5:12

Sinumbu'kumo, talalo ahi' manjoo' na palabuatan nu belemiu anu ma'idek ka' talalo ahi' manjoo' na dosa' nu belemiu. Belemiu mongkabisa'i mian anu Tobas; belemiu montalima ponsogok ka' mompojohok mian anu kasiasi da obau madi' adin i pomputusian palakala.

AMOS 8:4

Potombihing mae o belemiu anu nongkabisa'imo mian anu kasiasi i lipu' aiya sahingga aha i hansunmo.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

MIKHA 2:9

To bou-boune anu hi aha mian-Ku anu palesayamo i laa'mo nu belemiu da belemiu jojoongmo i laigan nu nu kalibosi nu aha, ka' belemiu nongagoi aijo' madi'mo daagi' osule'akon sampe toka sidu-sidutu' padahan aijo' anu binee'-Kumo salaku balakat hi to ana-anak nu aha.

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

ROMA 2:24

I uno nu Kitab nu Tumpu tinulis sumo uuka, “Kalana komiu to mia-mian nu Yahudi, sahingga sanggo nu Tumpu binusikanmo i tonga-tonga' nu bansa-bansa sangga'at.”

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!