AMOS 2:5 - KITAB NU TUMPU ALLA LELE MA'IMAI'

⁵ Kalana aijo', Aku mombee'imo apu mokiijo' i Yehuda ka' mompapuimo to bente-benteng nu Yerusalem.”

AMOS 2:5 ပူးပေါင်းရင်းမြစ်များ

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 21:10

Noko tantukan-Kumo da mohansunimo kota' aiya ka' madi'mo daagi' mongkalibosi ia. Kota' aiya obee'mo hi tomundo' Babel; da nu papuimo sampe motanggotmo ingko-ingkot. Aku, Tumpu, notataemo.”

YEREMIA 39:8

Hau-haunyo nombau aijo' aha mian nu Babel nompapumo laigan nu tomundo' tiba sinin na laigan nu aha mian da'isan ka' nohobo'akonmo ingko-ingkot na pagan mesen nu kota' Yerusalem.

YEREMIA 52:13

I Nebuzaradan nompapumo Laigan nu Tumpu, laigan nu tomundo' tiba laigan iwi-iwi' nu aha mian anu talasanggo i Yerusalem.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

AMOS 1:4

kalana aijo' Aku mombee'imo apu mokiijo' i laigan nu Tomundo Hazael ka' mompapuimo to bente-benteng nu Tomundo Benhadad.

AMOS 3:11

Kalana aijo' kampung nu aha nutumbuhimo nu sampobali', benteng nu aha ohansunimo, ka' laigan nu to tomu-tomundo'nu bulingimo nu aha.

AMOS 3:15

To lai-laigan tempo'nyo nu bakin ka' to lai-laigan bau pilawean i tempo'nyo nu posinaa Ku hansunimo. To lai-laigan anu binunga-bungan nu sae nu binatang mohobo'mo, iwi-iwi' na laigan anu daka' hansunmo.

AMOS 7:4

Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.