AMOS 2:4 - KITAB NU TUMPU ALLA LELE MA'IMAI'

⁴ Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

AMOS 2:4 ပူးပေါင်းရင်းမြစ်များ

2 TOMU-TOMUNDO' 17:19

To mia-mian nu Yehuda suele madi'mo nontuluti iwi-iwi' na atulan nu Tumpu, Tumpu Allah nu aha. Aha lewa'mo mombatuki kabiasa'an nu mian Israel,

2 TAWARIKH 25:14

Salatan nompatundu'mo suludadu nu Edom, i Amazia ninsusule'mo nomboamo to pato-patong nu pilogot nu Edom ka' pino'una'mo nu aha i Yehuda lantas ia nompapuimo kamangian sinombahkonnyo hi patong haha aijo'.

2 TAWARIKH 30:7

Boli sumo mompolee' nu belemiu ka' to mia-mian nu Israel sangga'at anu madi'mo tulu-tulutan hi Tumpu Allah nu aha. Pinosi toamo nu belemiu mosia na koboatnyo na Ia nohukumo aha.

NEHEMIA 1:7

Kami pinagagamo hi belento, ka' nolanggaimo iwi-iwi na palentah nu Belento. Kami madi'mo nombau apaa na koonyo nu Atulan haha aijo' anu binee'mo mae nu Belento hi kami aijo'mo anu pipinotokamo i Musa posaihon nu Belento aijo'.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

YESAYA 28:15

Belemiu notatae tukoonyo nu belemiu, belemiu nombaumo palajanjian tiba kapatean ka' mule' nombaumo palasitujuan tiba dunia nu mian anu sinilakamo. Pinastikanmo nu belemiu na balaa' anu saidi' mae toka madi' koko mongkona butong nu belemiu, kalana belemiu nompakemo kapandean anu timbali monjagai butong nu belemiu.

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

YEREMIA 16:11

Poto'i hi aha Aku notatae sumo uuka, ‘Mompolee' nu belemiu nompala'imo Aku da monsombahmo ka' palesayamo hi pilogot sangga'at. Aha nonteemo Aku ka' madi'mo nongka'oho' nontuluti sinin na atulan-Ku.

YEREMIA 16:12

Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 6:19

Palahatikan o dunia! Mian anu palesayamo hi beleng-Ku madi' mongka'oho pangajalan-Ku mae na balaa' hi aha.

YEREMIA 8:2

misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

YEREMIA 8:9

To mia-mian anu toto pande-pande atina' hi belemiu saidi' mae opopo ambangmo. Aha madi'mo moko ala bapikin ka' ohakopmo. Aha madi'mo mongka'oho' montalima pokinde'-Ku; jadi kapandean apaa na anu daagi' hi aha?

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

YEHEZKIEL 13:22

To mia-mian anu manonong na kinyonyoanyo anu madi' Ku poposia jinadimo na ambang na aha kalana kabaleko'an nu belemiu. To mia-mian anu ma'idek na kinyonyoa nu aha jinadimo tataap baladosa' ka' madi'mo oposalamat.

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

YEHEZKIEL 20:16

Tambuha' anu tinaloakon-Kumo aijo' kalana aha madi' montuluti palentah-ngKu ka' mule' nolanggaimo na atulan-Ku ka' nohumimi'imo sinaa nu Sabat. Aha lebe mongka'ima'i monsombah pilogot nu aha haha aijo.

YEHEZKIEL 20:18

Ka' mule' to ana-anak nu aha anu daagi' to oli-olitau ka' to lalangkoyang aijo' hi aha pinokinde'an-Kumo sumo uuka, ‘Bolimo daagi' montuluti atulan-atulan anu binau nu mompolee' nu belemiu. Bolimo daagi' mombau kabiasa'an nu aha ka' suele bolimo daagi' mohumimi'i butong nu belemiu monsombahmo pilogot nu aha haha aijo'.

YEHEZKIEL 20:24

kalana aha madi'mo nontuluti iwi-iwi na palentah-ngKu ka' mule' nolanggaimo atulan-Ku, ka' mule' nohumimi'imo sinaa nu Sabat ka' tataap monsombah to pilo-pilogot anu saja' nu sombah nu mompolee' nu aha.

YEHEZKIEL 20:30

Jadi poto'imo hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo. ‘Kadaka' belemiu nombaumo dosa' haha atina' susumo anu binaumo nu mompolee' nu belemiu? Susumo aha, belemiu suele nontulutimo ahi' pilogot haha aijo' anu okahegati.

YEHEZKIEL 22:28

To nabi-nabi nu aha ola ahi' mompohowini dosa' haha aijo'; aha sumomo ahi mian anu monset mesen anu ihogangmo, sinetmo nu tilon. Apa-apaa na anu tinoamo nu aha madi' totu'u, sumo aijo'mo suele na anu sola'mo kinila-kila nu aha. Aha mongakui tukoonyo nu aha potuunon anu pinoto'imo nu aha, aijo' anu tinalima nu aha lengkat mae hi Tumpu Anu Matangkas na Kuasanyo padahal Aku madi' ahi' hondo-hondo nompoto'i hi aha.

YEHEZKIEL 22:8

Tampat-tampat anu biasa ponsomban mae Aku ihumimi'anmo nu beleyum ka' sinaa nu Sabat madi'mo daagi' pinasangkila nu beleyum.

HOSEA 12:2

Iwi-iwi' apaa na anu binaumo nu bansa Israel lengkat pe'e daagi' subu sampe malom madi' ko gunanyo ka' saja' ko kinyonyoa mompatei susumo mombun nu kabete'an. Katageo'an tiba kabuhingisan ko sida-sidanyomo aijo' hi aha. Aha sola'mo mombau palajanjian tiba Asyur ka' momboa lanya' i Mesir salaku tanda mompahabela'mo.”

HOSEA 12:3

Tumpu ko palakalamo hi aha bansa Yehuda; Ia suele mohukumo Israel kalana palabuatan nu aha. Ia mombalosakonmo palabuatan nu aha.

HOSEA 6:11

Mongkona belemiu, o mian nu Yehuda pinotataap-Kumo na tempo'nyo mohukum belemiu, kalana suele kalakuan nu belemiu.”

AMOS 1:3

Tumpu notatae, “Mian anu jojoong i Damsyik saja'mo mombau dosa' kalana aijo', Aku totu-totu'u mohukumo aha. Aha nombaumo mian nu Gilead talalomo hondo masigo,

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

ROMA 1:25

Tumpu anu totu'u, nubalosi nu aha tiba tulu-tulumo anu madi' totu'u. Misa' anu Nompotimbali, panyo anu pinotimbali, aijo'mo na nusombah ka' nupalesaya nu aha. Padahan ahi' anu Nompotimbali na tionyo o puji' sidu-sidutu'! Amin.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 PETRUS 1:18

Osumbu' nu belemiu apaa na anu binayanakonmo da bau pompobebas belemiu i kantumuu'an anu madi' ko angga'nyo anu pinotatu-tatusakonmo nu mompolee' miu. Pinombayannyo misa' pa' apaa anu timbali ma'idek sumo salaka kabai mosoni',

TO MIA-MIAN KOPIAN 10:6

Aha mian nu Israel po'ule' mule' binaladosa' hi Tumpu. Aha madi'mo mongkalinga Tumpu ka' madi'mo daagi' nonsombah Ia. Aha nonsombahmo to pilo-pilogot nu bansa Siria, Sidon, Moab, Amon tiba Filistin.