AMOS 2:11 - KITAB NU TUMPU ALLA LELE MA'IMAI'

¹¹ Pinile'an-Kumo to pia-piangkuka na anak nu belemiu da timbali nabi, ka' to pia-piangkuka na to oli-olitau nu belemiu tinimbali mian anu Iniatakonmo hi Tumpu. Te misa' aijo' na anu totu'u hei mian nu Israel? Aku, na Tumpu anu notataemo.

AMOS 2:11 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 19:16

Ka' suele obau mule' sumo aijo' hi Yehu anak i Nimsi da ia baumo tomundo' nu Israel, ka' suele i Elisa anak i Safat mian nu Abel-Mehola, da ia baumo nabi mombolosakon beleyum.

1 TOMU-TOMUNDO' 20:13

Tempo'nyo aitu nambamo na nabi samian hi Tomundo' Ahab ka' pinoto'inyomo, “Koonyo nu Tumpu: 'Tinoamo nu belento na konjoo'nyo nu suludadu haha aijo'? Ku bee'imo kauntungan na Belento mahampate mongewa aha sinaa aiya. Atina'je ka' nu nusumbu' taalu' Akumo aiya na Tumpu.’ ”

1 TOMU-TOMUNDO' 20:35

Daagi' ko nabi pa' aha sangkuka na konjoo'nyo, samian na nabi pinalentahmo nu Tumpu da motatae hi sangko nabinyo, doke mae na ia sangalunyo aijo'. Panyo sangalunyo aijo' madi' ahi' mondoke sangko nabinyo aijo'.

1 TOMU-TOMUNDO' 20:41

Nabi aijo' nombukaimo hude pinombobodi ohupnyo, ka' tomundo' aijo' nonsumbu'je taalu' samian na nabi.

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

2 TOMU-TOMUNDO' 6:1

Daagi kino sansinaan aha to nabi-nabi anu ingajanmo i Elisa notusa'mo hi ia. Aha notatae, “Kajojoonganto aiya talalomo soki!

2 TAWARIKH 36:15

Tumpu, Tumpu Allah nu mompolee' nu aha, saja'mo nonsai mian-Nyo da mompokinde'i mian anu pinalesayamo hi Ia kalana nukanonongi na aha ka' Laigan-Nyo.

YEREMIA 11:21

Aha to mia-mian nu Anatot mongkahanda'imo da beleyum silakamo. Aha notatae, “De beleyum me saja' mompoto'i mae potuunon nu Tumpu hi kami, beleyum opateimo mami.”

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 2:5

Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

YEREMIA 26:11

To ima-imam tiba to nabi-nabi notataemo hi aha to mia-mian anu toto tangka-tangkas na pangkatnyo haha aijo' ka' hi aha mian da'isan, “Mian aiya patutmo ohukum mate kalana ia nontaloakonmo potatae, anu mongka'ideki kota'to aiya. Belemiu suele nohongomo ahi'.”

YEREMIA 7:25

Salatanmo pe'e mompolee' nu belemiu nosabat mae lengkat i Mesir sampe sinaa aiya Aku saja'mo nongulus to posa-posaihon-Ku, to nabi-nabi namba hi belemiu.

MOHAANGI 4:7

Naipuan mae to pola-polaya' mami madi' ko anu opisala'i susumo kapas anu pute' hondo. Aha betek ka' mahoson, bikas ka' madi' ko panyakit.

MIKHA 2:6

To mia-mian binalakhotbamo mae hi belengku, koonyo nu aha, “Boli balakhotba mae hi kami. Boli balakhotbah mongkona han aijo' iwi-iwi'. Kami madi' mule' mohumpak ambang.

SISIKON NU TO RASUL-RASUL 4:18

Sahingga i laga nu aha na ua-ua'aha na rasul aijo' po'ule' ninsoop, ka' nompoto'i tukoonyo nu aha madi'mo timbali monsanggo kabai mongajan tiba sanggo i Yesus.

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

PO'ULE' INGULIT 18:18

Anu aijo' i posi bansa nu aha na Ku sai mamba hi aha aijo'mo samian na nabi susumo beleyum. Ku poto'ije hi ia apaa na anu tionyo ahi' nu poto'i lantas nu poto'ije i bansa aijo' iwi-iwi' na anu Ku palentahkonmo.

1 SAMUEL 19:20

Kalana aijo' i Saul nonsaimo tinopia-piangkuka na mian anu mamba mohakop i Daud. Panyo tinokan nu aha sanggombu na to nabi-nabi anu hau-haunyo lewa' monsalelei ka' lewa' molo ais hingga-hinggat, i Samuel na nongatun aha sumo aijo'. Lantas aha anu sinai mae i Saul aijo' kinuasanmo nu Roh nu Tumpu Allah, sahingga aha suele lewa'mo nonsalele ka' lewa'mo nolo ais.

1 SAMUEL 3:20

Mokonyo aijo' iwi-iwi' na aha mian Israel anu i songko-songko na lipu' mongakuimo i Samuel nabi nu Tumpu. De motataemo na i Samuel iwi-iwi' na bansa Israel mompotombihingmo. Tumpu daagi saja manintoa kiijo' i Silo, anu momonanyo Ia nanintoamo hi Samuel ka' notataemo hi ia.