AMOS 2:10 - KITAB NU TUMPU ALLA LELE MA'IMAI'

¹⁰ Belemiu binoang-Kumo mae nosabat lengkat mae i Mesir ka' i laya'-Ku mae nontulu padang bone' anu ewa patompulu' na taun na Kinopinnyo. Tano' nu mian Amori binee'-Kumo hi belemiu da baumo lipu' nu belemiu.

AMOS 2:10 ပူးပေါင်းရင်းမြစ်များ

NEHEMIA 9:21

Pinatompulu' na taun na kinopinnyo i padang anu ewa hondo saja' pinosukup nu Belento iwi-iwi' apaa na kapalaluan nu aha. Baju' nu aha madi' toho' nahu', tengke nu aha madi' naleso kabai binangkak.

MAZMUR 95:10

Pinatompulu' na taun na kopinnyo na aku lewa' nonguahi nontoa aha; Aha notataemo: Totu-totu'u, bansa aijo' madi' tulu-tulutan! Aha madi' mompajuli iwi-iwi' na palentah-ngKu.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEHEZKIEL 20:10

Lantas binoang-Kumo na aha lengkat i Mesir, da mambamo padang tampat anu kaho bone'nyo.

AMOS 3:1

Potombihing mae na potuunon nu Tumpu aiya, 'O bansa Israel anu binoamo mae nu Tumpu nosabat lengkat i Mesir. Tumpu notatae,

AMOS 9:7

Tumpu notatae, “O mian nu Israel, Ku palahatikan na mian nu Sudan pokakanamo susumo Aku mompalahatikan belemiu. Binoang-Kumo na mian nu Filistin lengkat i Kreta ka' mian nu Siria lengkat i Kir pokakanamo susumo Aku nomboa belemiu lengkat i Mesir.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

NOMBILANGMO 13:32

Lantas aha nombebakonmo sisik anu baleko' hi aha mian nu Israel mongkona i lipu' anu dinoyonanmo nu aha. Aha notatae, “Lipu' aijo' mombahayai, apaa mule' aha miannyo anu monjojoongi. Aha miannyo anu tinoa mami kiijo' to daka-daka' na butongnyo.

NOMBILANGMO 21:25

Kalana aijo' mian nu Israel nongkuasaimo iwi-iwi' na kota nu mian Amori, tibamo Hesybon ka' iwi-iwi' na kota toto ise-ise' sangga'atannyo, lantas jinojoongmo na aha ikiijo'.

NOMBILANGMO 32:13

Tumpu nontambuha'imo bansa Israel sahingga Ia nompojohokmo aha nahalajangan i padang bola pinatompulu' na taun na kopinnyo sahingga iwi-iwi' na mian anu noto idekmo hi Ia sinilakanmo iwi-iwi'.

SISIKON NU TO RASUL-RASUL 13:18

Sinabaanakonnyo na mongkona kalakuan nu aha i padang bolaa patompulu' na taun na kopinnyo.

SISIKON NU TO RASUL-RASUL 7:42

Sahingga Tumpu nompala'imo aha ka' nompojohokmo aha monsombah to manda-mandala' i langit. Aijo' pokakanamo tiba apaa na anu tinulis i uno nu kitab nu to nabi-nabi. Sumo uuka, ‘O to mia-mian nu Israel! Misa'mo bau baging-Ku komiu mongkolot ka' mongkulubanakon binatang pinatompulu' na taun na kopinnyo i padang bone'.

PO'ULE' INGULIT 1:39

Lantas Tumpa no tatae toka hi kita iwi-iwi, anak-anak miu anu dagi ise' hondo na monggihanakon anu maima tiba anu maidek, anak-anak anu susumo potatae miu nu agoi nu sampobali'miu, hi ahamo ku beiakon tano aijo, ka monjojongije.

PO'ULE' INGULIT 2:7

O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.

YOSUA 13:4

Suele anu daagi' tionyo ahi' opatundu'; iwi-iwi' na da'erah Kana'an tiba Meara (anu nu aha bansa Sidon), toka-toka i Afek i potempasan nu da'erah bansa Amori;

YOSUA 24:8

Lantas binoang-Kumo na belemiu i lipu' nu aha mian Amori anu jojoong i sasu kabete'an Kaunyo nu Yordan. Aha nompahampateakonmo belemiu panyo pino'untung-Kumo na belemiu nahampate nongewa aha. Belemiu nompatundu'mo lipu' nu aha, ka' i hopu'an-Kumo na aha.