AMOS 1:9 - KITAB NU TUMPU ALLA LELE MA'IMAI'

⁹ Tumpu notatae, “Mian anu jojoong i Tirus saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa, binoa i sa'angu' na tampat pinompojoongan, ka' nombee'mo hi Edom; aha madi'mo nohongo-hongo palajanjian nu posangaluan.

AMOS 1:9 ပူးပေါင်းရင်းမြစ်များ

2 SAMUEL 5:11

I Tomundo' Hiram anu kiijo' mae i Tirus nonsaimo mae mian namba hi Daud salaku utusan nu kalaja'annyo, ka' nomboamo kau'lontio' nu Libanon, tiba to tuka-tukang kau' ka' mule' to tuka-tukang mesen da mompotinjoakon laigan nu tomundo'.

MAZMUR 83:7

bansa Edom ka' Ismael, to mia-mian nu Moab tiba Hagar;

YEREMIA 47:4

Tinokamo na tempo'nyo bansa Filistin osilakaimo ingko-ingkot sahingga Tirus tiba Sidon madi'mo daagi' ko anu montulungi. Aku, Tumpu, monsilakaimo iwi-iwi' na aha mian nu Filistin anu daagi' tinontuha' lengkat mae i Kreta.

YEHEZKIEL 27:1

Tumpu Anu Matangkas na Kuasanyo notataemo mae hi beleng-Ku, “O, manusia anu madi' tumuu' batu, nyanyiakon na nyanyian de polamunanmo Tirus sumo uuka; kota' isonibi nu ambai haha aijo' anu badagang tibamo miannyo iwi-iwi' anu jojoong isina sonibi nu ambai; Tirus binulonmo na beleyum notatae, ‘Handaangku aiya sinukupmo hondo!’

YEHEZKIEL 27:27

Iwi-iwi na balang anu opodagang pipinomuatmo nu beleyum iwi-iwi' na mian anu sola talabut tiba anu mokalaja hi beleyum iwi-iwi' na tukang kau' tiba mian nu beleyum anu badagang toto samian na suludadu i kapan aijo' aha iwi-iwi' nolomosmo salatan beleyum tinompumo.

YEHEZKIEL 28:1

Tumpu notatae hi belengku,

YEHEZKIEL 28:18

Tumpu notatae, “O Tirus, beleyum nohumimi'imo iwi-iwi na tampat ponsomban mae nu beleyum kalana iwi-iwi na kasala'an ka' madi' adinan tempo'nyo binadagang. Kalana aijo' Ku papuaimo na beleyum sahingga jadimo mahata susumo tano'. Iwi-iwi' mian anu montoa beleyum memo montoa abu'.

AMOS 1:11

Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

AMOS 1:6

Tumpu notatae, “Mian anu jojoong i Gaza saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa ka' nompobalukmo da bau botuan hi mian nu Edom.

OBAJA 1:11

Beleyum tuminjomo aijo' mae jo'o-jo'on de tokamo na sinaanyo sampo bali' montumbalakonmo tumban nu Yerusalem ka' mompatundu'mo kota' aijo'. Beleyum ola momohokot ka' salatan aha mongalamo iwi-iwi' na kakaya'an nu Yerusalem ka' nubagi-bagimo nu aha. Beleyum pokakanamo na ko ideknyo susumo sampo bali' haha aijo'.

ZAKHARIA 9:1

Aiyamo na potuunon nu Tumpu. Ia momputusimo da mohukumo lipu' Hadrak tiba kota' Damsyik. Misa' ola to tulu-tulunan nu bansa Israel panyo suele ahi' puso nu kota' Siria aijo' suele anumo ahi' nu Tumpu.

MATIUS 11:21

“Silaka na komiu, Korazim! Ka' silaka mule' na komiu Betsaida! Ande-andenyo anu okabangangi binau i totonga' miu, binaumo i Tirus ka' i Sidon, tantu to mia-mian i kiijo' mae pininmo na binala tobat i to dosa-dosa' nu aha ka' nompakemo pakean nu adat de ko anu mate, ka' nompotudumo abu' i buan nu ubak.

MATIUS 11:22

Inau'mo tempo' Sinaa Kiamat, sahanyo to mia-mian nu Tirus ka' Sidon na lebe dengke na o ampuni nu Tumpu ka' de mule' komiu!

LUKAS 10:13

“Silakamo na komiu, Korazim! Ka' silakamo na komiu, Betsaida! Sa'andenyo anu okabangangi binau hi komiu aijo', binaumo i kota Tirus tiba i Sidon, tantu to mia-mian i kiijo' mae pininmo na binala tobat, madi'mo mombau dosa-dosa' nu aha ka' mibaju'mo nu baju' nu mian de ko anu silaka, ka' mongabu'imo ubak nu aha.

LUKAS 10:14

Sinaa nu Kakiamatan, to mia-mian nu Tirus tiba Sidon lebe dengke na o ampuni nu Tumpu, panyo komiu madi' dengke na o ampuni.