AMOS 1:7 - KITAB NU TUMPU ALLA LELE MA'IMAI'

⁷ Kalana aijo' Aku mombee'imo apu mokiijo' i to paga-pagan mesen nu Gaza, ka' nompapuimo to bente-bentengnyo.

AMOS 1:7 ပူးပေါင်းရင်းမြစ်များ

2 TOMU-TOMUNDO' 18:8

Pinatundu'nyo na mian nu Filistin, ka' pinahuhuakonnyomo na tampat kajojoongan nu aha, lengkat pe'e i kampung anu to ise-ise' hondo tinoka-toka i kota' anu toto daka-daka' hondo. Tibamo Gaza ka' da'erahnyo songko-songko.

2 TAWARIKH 26:6

I Uzia nahampate nongewa mian nu aha Filistin. I hobo'akonnyo na pagan mesen iwi-iwi' nu kota Gat, Yabne, ka' Asdod ka' nombaumo to kota-kota' anu binentengan koko Asdod ka' da'erah sangga'at i Filistin.

YEREMIA 47:1

Ma'isa pe'e itomundo' nu Mesir nontumbuhi Gaza, Tumpu nompoto'imo mae hi belengku apaa na jadi saidi' mae hi lipu' nu Filistin.

YEREMIA 47:5

Aha mian nu Gaza tinokanmo nu kasusa'an anu daka' hondo; mian anu jojoong i Askelon nomohokotmo. Sampe toka hipian na kopinnyo na aha mian nu Filistin anu daagi' tinontuha' me saja' susa' na kinyonyoanyo?

YEHEZKIEL 30:8

De Ku papuimo na lipu' nu Mesir ka' mompateimo iwi-iwi' na anu sinangaja'mo tiba ia nu sumbu'je nu aha taalu' Akumo ahi' na Tumpu.

YEHEZKIEL 39:6

Ku potokamo mae na apu da mompapu tano' nu Magog tiba isinin na sonibi nu bone anu ko miannyo monjojoongi ka' tumuu' madi' ko anu mompoposia. Sahingga nu sumbu'je nu aha iwi-iwi' taalu' Akumo ahi' na Tumpu.

AMOS 1:4

kalana aijo' Aku mombee'imo apu mokiijo' i laigan nu Tomundo Hazael ka' mompapuimo to bente-benteng nu Tomundo Benhadad.

AMOS 1:6

Tumpu notatae, “Mian anu jojoong i Gaza saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa ka' nompobalukmo da bau botuan hi mian nu Edom.

AMOS 1:8

Mian anu jojoong ka' mongkuasai kota' Asdod ka' Askelon Ku alinimo. Kota' Ekron Ku hukumo ka' iwi-iwi' na tuha'nyo nu mian Filistin Ku hopu'imo.”

ZEFANYA 2:4

I kota' Gaza madi' ko samian pe'e na anu oposalamat. Askelon liingmo madi'mo ko anu monjojoongi. Mian anu jojoong i Asdod saidi' mae olaa'mo de mamanga otumbuhimo sonsu'un sinaa ka' mian anu jojoongi i Ekron saidi' mae suele olaa'mo madi'mo timbali jojoong i kota' nu aha.

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”

PO'ULE' INGULIT 32:35

Tumpuje na mombalosakon ka' mohukum aha, madi'mo pin aha osilakaimo; aha osilakai madi'mo pin na tempo'nyo.