AMOS 1:6 - KITAB NU TUMPU ALLA LELE MA'IMAI'

⁶ Tumpu notatae, “Mian anu jojoong i Gaza saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa ka' nompobalukmo da bau botuan hi mian nu Edom.

AMOS 1:6 ပူးပေါင်းရင်းမြစ်များ

2 TAWARIKH 28:18

Tempo'nyo aitu mule' mian nu Filistin nontumbuhimo to kota-kota i da'erah anu i tengkenyo nu bungkutnyo sasu kinsoban ka' i da'erah sasu selatan Yehuda. Aha nongkuasaimo kota' Bet-Semes, Ayalon, ka' Gederot, tiba kota' Sokho, Timna ka' Gomzo ka' mule' kampung toto ise-ise' anu mompaha ohani kota' totolu' haha aijo', lantas jinojoongmo i kiijo'.

YEREMIA 47:1

Ma'isa pe'e itomundo' nu Mesir nontumbuhi Gaza, Tumpu nompoto'imo mae hi belengku apaa na jadi saidi' mae hi lipu' nu Filistin.

YEHEZKIEL 35:5

Salatanmo pe'e naipuan mae na belemiu monsampobali' Israel ka' mompojohok aha opatei tempo'nyo aha nu tokaimo nu balaa' salaku hukuman mo nu aha kalana dosa' nu aha.

YOËL 3:4

Oposiamo nu belemiu na Aku aiya o Tirus, Sidon ka' iwi-iwi' na daerah nu Filistin? Pa' kahanda'mo na belemiu mombalosakon apa-apaa na anu binaung-Kumo hi belemiu? Soba alamo na bau pombalosing-Ku anu malia'mo mae toka aiya.

YOËL 3:6

Mian anu jojoong i Yehuda ka' mule' i Yerusalem binoamo nu belemiu jo'o-jo'on lengkat ilipu'nyo; lapas aitu opobalukmo nu belemiu hi bansa Yunani.

AMOS 1:11

Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

AMOS 1:3

Tumpu notatae, “Mian anu jojoong i Damsyik saja'mo mombau dosa' kalana aijo', Aku totu-totu'u mohukumo aha. Aha nombaumo mian nu Gilead talalomo hondo masigo,

AMOS 1:7

Kalana aijo' Aku mombee'imo apu mokiijo' i to paga-pagan mesen nu Gaza, ka' nompapuimo to bente-bentengnyo.

AMOS 1:9

Tumpu notatae, “Mian anu jojoong i Tirus saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa, binoa i sa'angu' na tampat pinompojoongan, ka' nombee'mo hi Edom; aha madi'mo nohongo-hongo palajanjian nu posangaluan.

OBAJA 1:11

Beleyum tuminjomo aijo' mae jo'o-jo'on de tokamo na sinaanyo sampo bali' montumbalakonmo tumban nu Yerusalem ka' mompatundu'mo kota' aijo'. Beleyum ola momohokot ka' salatan aha mongalamo iwi-iwi' na kakaya'an nu Yerusalem ka' nubagi-bagimo nu aha. Beleyum pokakanamo na ko ideknyo susumo sampo bali' haha aijo'.

ZAKHARIA 9:5

Nu toaje nu kota' Askelon tiba Gaza ka' mabuhukje. Ekron suele montoaje ka' madi'mo ko anu nu taha'imani. Gaza saidi' mae madi'mo ko tomundo'nyo, ka' mule' Askelon liingmo kalana madi'mo ko miannyo.

SISIKON NU TO RASUL-RASUL 8:26

Samian na Malaikat nu Tumpu notatae hi Filipus, “Donganmo mamba! Lako'mo mokiijo' i sasu Selatan i jalan anu lengkat mae i Yerusalem mokiijo' i Gaza.” Jalan aijo' liing.

1 SAMUEL 6:17

Sumo aijo' na aha mian nu Filistin nompakatumo hi Tumpu anu osombahkon da bau pontokong dosa' nu mian anu jojoong i kota anu nu palentah nu tomundo' aha olima' aijo'. Kota haha aijo'; aijo'mo: Asdod, Gaza, Askelon, Gad, tiba Ekron. Daagi ko anu ko bentengnyo, daagi ko anu madi' ko bentengnyo. Toto sa'angu' na kota haha aijo' nompakatu sa'angu' na mosoni' susumo bisun tiba sa'angu' na mosoni' anu susumo bokoti' na binau. Sa'angu' na tanda saba' memang totu'u na han aijo', batu daka-daka' anu pinompotimpasan nu aha Peti' Palajanjian nu Tumpu. Sampe sinaa uuka aiya batu aijo' daagi kiijo' hi ale' i Yosua mian nu aha Bet-Semes.