AMOS 1:5 - KITAB NU TUMPU ALLA LELE MA'IMAI'

⁵ To saba-sabatan daka' nu Damsyik Ku ideimo ka' mian anu jojoong i Hatanyo nu Awen Ku sapuimo iwi-iwi' i tampat anu jojoongan nu aha. Anu mongkuasai Bet-Eden, Ku tau'akonmo i suhangannyo, ka' mian anu jojoong i Siria ohakopmo ka' oboamo mamba i Kir.”

AMOS 1:5 ပူးပေါင်းရင်းမြစ်များ

2 TOMU-TOMUNDO' 14:28

Sisikon sangga'at mongkona i Tomundo' Yerobeam ko II nyo, mongkona kabaanian lewa' mahampate ka' mosia na ia po'ule' nongala Damsyik ka' Hamat hi aha Yehuda ka po'ule' ninosoop hi aha Israel, iwi-iwi' tinulismo i kitab Sisikon nu to Tomu-tomundo' Israel.

2 TOMU-TOMUNDO' 16:9

I Tomundo' Tiglat-Pileser nongakuimo apaa na anu pinoto'i i Ahas, lantas nontumbuhimo ka' nongalamo Damsyik. Mian anu jojoong i kiijo' binoanyomo salaku mian anu i hakop ka' binoamo i Kir, ka' tomundo'nyo aijo'mo i Tomundo' Rezin, pinateannyomo.

YESAYA 22:6

Aha mian nu Siria tinokamo mae nonsake'i ajahan tiba kareta anu bau pahampate, aha mian nu Elam toongon mae nu aha bau pahampate pompelet tiba hihisnyo, aha mian nu Kir nomposadia mae kanta nu aha.

YESAYA 43:14

Tumpu na Nomposalamatmo Belemiu, Anu Susi' Israel, notataemo, “Kalana belemiu, Aku nonsaimo suludadu namba i Babel, ka' pinaha idean-Kumo na ponsupati tumban nu talungku': taligala nu aha mian nu Kasdim ingabali'-Kumo nu tando' ka' haang.

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

YEREMIA 50:36

Silakamo na to nabi-nabi nu aha Babel! Aha pambaleko'i ka' ponga'. Silakamo na suludadu nu aha Babel anu toto babaani! Talalomo nabuhuk na aha!

YEREMIA 51:30

Suludadu nu aha Babel binelentimo nahampate ka' jinojoongmo ibenteng-benteng. Aha madi'mo daagi' kinokabaaniannyo ka' madi'mo daagi' noko ala nombau apa-apaa. Iwi-iwi' na sabatan daka' nu kota' pinaha tobahanmo, ka' iwi-iwi' na laigannyo nu aha pinaha papuanmo.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

YEHEZKIEL 27:23

Kota-kota' Haran, Kane, Eden, to pada-padagang anu lengkat mae i Syeba, kota-kota' Asyur tiba Kilmad, iwi-iwi' binadagangmo tiba beleyum.

YEHEZKIEL 30:17

To oli-olitau nu kota' Heliopolis tiba Bubastis silakamo i uno nu pahampatean ka' mule' to bou-bounenyo ohakopmo ka' oboa.

HOSEA 10:8

Tampat-tampat anu ponsomban pilogot anu aita maei to bungku-bungkutnyo nu Betel tampat nu aha mian Israel monsombah pilogot ohansunimo. Hii' tibaa hemput tumuu'mo i mezbah nu aha. Lantas aha moloboo'imo to bungku-bungkutnyo, “Tabuhimo mae na kami!” Ka' hi to puge-puge'nyo, “Tuda'mo mae na kami!”

AMOS 5:5

Boli mamba mokiijo' i Bersyeba da mogaleja. Boli molio Aku kiijo' i Betel, kalana Betel saidi madi'mo. Boli suele mamba mokiijo' i Gilgal, kalana anu jojoong i kota' aijo' oboamo i tampat pompojoongan.”

AMOS 9:7

Tumpu notatae, “O mian nu Israel, Ku palahatikan na mian nu Sudan pokakanamo susumo Aku mompalahatikan belemiu. Binoang-Kumo na mian nu Filistin lengkat i Kreta ka' mian nu Siria lengkat i Kir pokakanamo susumo Aku nomboa belemiu lengkat i Mesir.

NAHUM 3:13

To sulu-suludadu nu beleyum lupemo susumo boune ka' lipu' nu beleyum totu-totu'u madi'mo moko ala na mongahopi sampo bali'. Apu montoyo'imo iwi-iwi na supat nu sabatan daka' nu belemiu.