AMOS 1:3 - KITAB NU TUMPU ALLA LELE MA'IMAI'

³ Tumpu notatae, “Mian anu jojoong i Damsyik saja'mo mombau dosa' kalana aijo', Aku totu-totu'u mohukumo aha. Aha nombaumo mian nu Gilead talalomo hondo masigo,

AMOS 1:3 ပူးပေါင်းရင်းမြစ်များ

1 TOMU-TOMUNDO' 19:17

Ihe na ma'isa pinatean i Hazael nupateije i Yehu, ka' aha anu ma'isa nu poko patei i Yehu nupateije i Elisa.

2 TOMU-TOMUNDO' 13:3

Kalana aijo' notambuha'mo na Tumpu hi Israel sahingga la nompojohokmo i Hazael tomundo' nu Siria ka' i Benhadad anaknyo pa' pinimpian na nompatundu' Israel.

2 TOMU-TOMUNDO' 13:7

To sulu-suludadu nu Israel i hopu'anmo nu tomundo' Siria sahingga me 50 na suludadu i Tomundo' Yoahas anu monsake'i ajahan 10 na kereta anu bau pahampate ka' 10.000 na suludadu.

2 TOMU-TOMUNDO' 16:9

I Tomundo' Tiglat-Pileser nongakuimo apaa na anu pinoto'i i Ahas, lantas nontumbuhimo ka' nongalamo Damsyik. Mian anu jojoong i kiijo' binoanyomo salaku mian anu i hakop ka' binoamo i Kir, ka' tomundo'nyo aijo'mo i Tomundo' Rezin, pinateannyomo.

2 TOMU-TOMUNDO' 8:12

“Kadaka' belento Tuan i humangmo?” na koonyo i Hazael. “Kalana sinumbu'kumo na beleyum mombaumo kalakuan anu ma'idek hi mian nu Israel.” na koonyo i Elisa. “Beleyum mompapumo to kota-kota' nu aha anu ko bentengnyo, mompateimo mian anu ma'ima' toto oli-olitau, ka' montekok to bunga-bunga mea', ka' mombohak kompong nu to boboune anu hau-haunyo poboa.”

AYUB 19:3

Saja'mo belemiu mompopo'ambang aku, ka' madi' ma'ambang na belemiu monsakisa aku.

AYUB 5:19

De ko balaa' anu montokai mae, saja' beleyum na oposalamat.

AMSAL 6:16

Popitu' na han na anu nu ka'ideki nu Tumpu ka' madi' timbali Nupojohok. Palabuatan anu buulon, nganga' anu baleko' lima anu mompatei mian anu madi' kosala'nyo, pikilan anu montanga'i hahan anu ma'idek, tengke anu kosia-sia' mamba ipalabuatan anu ma'idek, sakisi anu sabole-bole saja' baleko' ka' mian anu saja' monsaduakon pahantuda'an hi bubu' sangalu.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

YESAYA 28:27

Ia madi' mompake' gilingan anu kobolanyo bau pongutun jintan mo'itom kabai anu susumo bola nu loda bau pongutut jintan mopute'. Kalana mokalaja aijo' ia ola mompake ponsulung da laing.

YESAYA 41:15

Soba toa, pinotimbalimo nu Beleyum na aku susumo dopi' anu bau pongututan, anu salaje binau, matajom ka' kobese'nyo uanjiji' Beleyum mongututmo bungkutnyo iwi-iwi' ka' mohansunimo; puge'nyo iwi-iwi' nu potimbalimo susumo ota'.

YESAYA 7:16

Kalana ma'isa pe'e tinoka itempo'nyo ohua' na lipu' anu nu palentah nu to tomu-tomundo' nunu kabuhuk nu beleyum aijo' opala'imo sahingga madi'mo ko miannyo anu monjojoongi.

YESAYA 7:8

kalana Siria madi' lebe mahoson molingkudui Damsyik puso nu kota'nyo, ka' Damsyik madi' lebe mahoson molingkudui i Tomundo' Rezin. Sadangkan i uno nu tempo' anompulu' ka' olima' nataun, Israel nobagi-bagimo sahingga madi'mo noko ala tinotahan salaku sa'angu' na bansa.

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

AMOS 1:11

Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

AMOS 1:13

Tumpu notatae, “Bansa Amon saja'mo nombau dosa' pa' pimpianmo, kalana aijo', Aku tionyo mohukumo aha. Salatan nahampate da mompo ewa da'erahnyo, aha nombeheti'imo kompong nu to bou-boune anu i hempumo kiijo' i Gilead.

AMOS 1:6

Tumpu notatae, “Mian anu jojoong i Gaza saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa ka' nompobalukmo da bau botuan hi mian nu Edom.

AMOS 1:9

Tumpu notatae, “Mian anu jojoong i Tirus saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa, binoa i sa'angu' na tampat pinompojoongan, ka' nombee'mo hi Edom; aha madi'mo nohongo-hongo palajanjian nu posangaluan.

AMOS 2:1

Tumpu notatae, “Mian anu jojoong i Moab saja'mo nombau dosa' pa' pimpianmo, kalana aijo' Aku tionyo mohukumo aha. Aha mompopo ambangmo Tomundo nu Edom anu sinilakamo aijo' ka' nongkekemo kubulannyo ka' nongalamo to buku-bukunyo ka' pinapuannyomo tinimbali abu'.

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

AMOS 2:6

Tumpu notatae, “Mian nu Israel saja'mo nombau dosa' pa' pimpianmo, kalana aijo' Aku tionyo mohukumo aha. Mian anu madi' tageo' na kinyonyoanyo madi'mo moko sule'akon anu sinabonnyo, pinobaluk nu aha tinimbalimo bau botuan. Sumo aitumo mule' na kalakuan nu aha hi mian anu kasiasi anu madi'mo moko bayan samaya'nyo, pada han samaya' aijo' ola oli nu sa'angu' na pan na sapatu.

ZAKHARIA 9:1

Aiyamo na potuunon nu Tumpu. Ia momputusimo da mohukumo lipu' Hadrak tiba kota' Damsyik. Misa' ola to tulu-tulunan nu bansa Israel panyo suele ahi' puso nu kota' Siria aijo' suele anumo ahi' nu Tumpu.

ZAKHARIA 9:2

Hamat anu mompahasipat tiba Hadrak suele ahi' anu-Nyomo sumo aijo' mule' kota-kota' Tirus tiba Sidon ka' mule' iwi-iwi' na anu nusumbu' nu bau nu aha anu jojoong ikiijo'.