AMOS 1:14 - KITAB NU TUMPU ALLA LELE MA'IMAI'

¹⁴ Kalana aijo', Aku nombee'imo apu i to paga-pagan mesen i kota' Raba ka' nompapui to bente-bentengnyo. Tempo'nyo aijo' ahamo na hengge nu pahampatean, ka' pahampatean aijo' sumomo antong.

AMOS 1:14 ပူးပေါင်းရင်းမြစ်များ

2 SAMUEL 11:1

To tomu-tomundo' biasanyo mamba mahampate kakona pilondekanmo nu kau'. Tempo'nyo taun aitu kau' ni londekmo i Daud nompalentahmo i Yoab da mambamo mahampate hingga-hinggat tiba to sulu-suludadu anu matangkas na pangkatnyo ka' aha iwi-iwi' na suludadu nu Israel; lantas aha nompatundu'mo mae mian nu Amon ka' nontumbuhimo mule kota' Rama. Panyo i Daud na jinojoong ahi' i Yerusalem.

2 SAMUEL 12:26

Tempo'nyo aitu i Yoab daagi hau-haunyo lewa' mahampate mongewa Raba puso nu kota' nu lipu' Amon, ka' malia'mo nu patundu'.

2 SAMUEL 12:31

Ka' mule' mian nu kota' aijo' binoamo nu aha ka' pinalentahmo nu aha da momboa galagaji, pason, bobolo' ka' mule' aha binee'anmo kalaja i tampat pombauan batu tela. Sumo aijo' mule' na pinombaunyo to kota-kota' sangga'at anu i da'erah Amon. Lapas aijo' i Daud tiba iwi-iwi' na suludadunyo ninsusule'mo i Yerusalem.

1 TAWARIKH 20:1

Po'ule' mule tinoka na loonu ka' nimbuhakmo susumo biasanyo to tomu-tomundo' mambamo mahampate, i Yoab nongatun mule' suludadunyo namba nahampate sahingga nompatundu'mo lipu' Amon. Tempo'nyo aitu i Tomundo' Daud jinojoongmo i Yerusalem madi' namba tiba aha. I Yoab tiba suludadunyo nontikumo kota' Raba ka' nontumbuhimo ka' nongideimo kota' aijo'.

AYUB 39:25

Ia montihaha'mo de tolompet opo'onyi'mo daagi' majo'on nu okmo na nohong nu pahampatean. Nuhongomo na sega nu to sulu-suludadu anu matangkas na pangkatnyo salatan aha mombee'imo tanda.

MAZMUR 83:15

Susumo apu anu mompapuimo alas, moak nu apu anu montoyo'imo bungkutnyo iwi-iwi'.

YESAYA 29:6

Tumpu Anu Daka' na Kuasanyo mompobebasmo kota' aijo' nu antong anu daka' hondo tiba luulu' anu daka' hondo. Ia mompotokamo mae antong anu daka' hondo ka' apu anu banyela-nyelakmo.

YESAYA 30:30

Tumpu saidi' mae mompohongomo potatae-Nyo anu daka' hondo ka' toto samian molasaimo kuasa-Nyo anu opalias hondo. Tambuha'-Nyo saidi' mae mompotokamo mae ujan anu daka' hondo, ujan batu tiba antong anu makansang hondo.

YESAYA 9:5

Samian na anak hampemo aiya hi kita; kita binee'anmo samian na anak mo'ane. Ia na saidi' mae timbali polaya'to. Ia osanggohi: “Anu pande na mombee'i Pokinde'i”, “Tumpu anu Baani”. “Tuuma au tumuu' Sampe toka sidu-sidutu'”, “Tomundo' anu Mompodame”.

YEREMIA 23:19

Tambuha' nu Tumpu sumomo ahi' antong anu nonsantipmo to mia-mian anu ko palabuatannyo ma'idek.

YEREMIA 49:2

Te madi'mo daagi' ko ahanyo mian nu Israel anu timbali mompo ago daerah aijo? Panyo tokaje mae na tempo'nyo Ku pojadije na mian anu jojoong i Raba, puso nu kota' nu lipu' Amon aijo' mohongomo ais nu pahampatean. Kota' aijo' mohobo'mo ka' kampung toto ise-ise anu idaerahnyo mopapumo ingko-ingkot. Lantas Israel po ule'mo mongala tano'nyo aijo' hi aha anu naipuan mae nongalamo.

YEHEZKIEL 21:22

Atina'je ka' sinumbu'nyo taalu' pana' anu totoong ilimanyo koanan ko tulisannyo Yerusalem! Aijo' alati'nyo itomundo' tionyo ahi' montumbuhimo kota' Yerusalem, ka' tolo aismo salaku tanda mahampatemo ka' mompalentahmo suludadunyo mongatun bau pohobo'akon ka' aijo' opokona isabatan daka' nu Yerusalem ka' montambuni nu tano' da bau jalan pontumbuhian ka' mongkekekmo got.

YEHEZKIEL 21:25

Ka' hi tomundo' nu Israel Ku poto'i, ‘O, tomundo' anu ma'idek na kinyonyoanyo ka' palaganta! Sinaa anu pupusnyomo na beleyum ohukum malia'mo mae toka.

YEHEZKIEL 25:5

Kota' Raba Ku bali'imo timbalimo tampat polaya'an unta ka' songko-songko na lipu' Amon timbalimo tampat polaya'an domba. Sahingga nu sumbu'je nu belemiu taalu' Akumo ahi' na Tumpu.’ ”

YEHEZKIEL 25:7

Mokonyo aijo' belemiu Ku bee'mo hi to bansa-bansa anu toka mae montololangi ka' mongagoi iwi-iwi' na halata' nu belemiu. Sumo aijo' na Aku monsilakai belemiu, sahingga madi'mo timbali sa'angu' na bansa ka' madi'mo mule' ko posi lipu'. Sahingga nu sumbu'je nu belemiu taalu' Akumo ahi' na Tumpu.”

DANIEL 11:40

De kakuasa'annyo nu tomundo' nu lipu' sasu utara ohanimo mingkot, saba' tomundo' nu lipu' sasu salatan montumbuhimo mae ia. Lantas tomundo' nu lipu' sasu utara mombalosimo aha anu nontumbuhimo mae aijo' ka' memang nu ideimo totu-totu'u. Manjoo' hondo na kareta anu bau pahampate; ajahan, tiba kapan, Nu tumbuhimo totu-totu'u susumo uee anu ingiaba'mo ka' mongkuasaimo manjoo' hondo na lipu'.

AMOS 2:2

Kalana aijo' Aku nombee'imo apu nokiijo' i lipu' nu Moab ka' nompapuimo to bente-benteng nu Keriot. Mian nu Moab silakamo i totonga' nu kahengge'an nu pahampatean, hau-haunyo tolompet opo'onyi'mo ka' loboo' nu pahampatean ingaisakonmo.

ZAKHARIA 7:14

Sumomo ahi' tambusisi' na Aku nonsapui aha, sahingga aha talapakisa jinojoongmo ahi' i lipu' nu aha anu i salipu'an mae. Tano' anu maomuk iliingmo hondo ka' madi'mo ko anu monjojoongi ka' mule' kinuunmo.”

PO'ULE' INGULIT 3:11

I tomundo Og me sausa'nyo ia, na mian nu aha Refaim. Peti' pinongisian ia sinilaka batu na pina'at ko mantanyo opat na meten ka' ko bolanyo ohanimo ohua' na meten na sukatannyo anu tinantukan. Sampe tempo' uuka aiya daagi' timbali otoa kiijo' i Raba kota nu aha mian Amon.)