AMOS 1:13 - KITAB NU TUMPU ALLA LELE MA'IMAI'

¹³ Tumpu notatae, “Bansa Amon saja'mo nombau dosa' pa' pimpianmo, kalana aijo', Aku tionyo mohukumo aha. Salatan nahampate da mompo ewa da'erahnyo, aha nombeheti'imo kompong nu to bou-boune anu i hempumo kiijo' i Gilead.

AMOS 1:13 ပူးပေါင်းရင်းမြစ်များ

2 SAMUEL 12:31

Ka' mule' mian nu kota' aijo' binoamo nu aha ka' pinalentahmo nu aha da momboa galagaji, pason, bobolo' ka' mule' aha binee'anmo kalaja i tampat pombauan batu tela. Sumo aijo' mule' na pinombaunyo to kota-kota' sangga'at anu i da'erah Amon. Lapas aijo' i Daud tiba iwi-iwi' na suludadunyo ninsusule'mo i Yerusalem.

2 TOMU-TOMUNDO' 24:2

Tumpu nonsaimo sa'angu' na tumpukan nu to sulu-suludadu lengkat mae i Babel, Siria, Moab, tiba Amon da mongewa i Yoyakim ka' monsila kaimo Yehuda susumo apaa na anu tinaloakon-Nyomo hi to nabi-nabi posaihonnyo.

2 TOMU-TOMUNDO' 8:12

“Kadaka' belento Tuan i humangmo?” na koonyo i Hazael. “Kalana sinumbu'kumo na beleyum mombaumo kalakuan anu ma'idek hi mian nu Israel.” na koonyo i Elisa. “Beleyum mompapumo to kota-kota' nu aha anu ko bentengnyo, mompateimo mian anu ma'ima' toto oli-olitau, ka' montekok to bunga-bunga mea', ka' mombohak kompong nu to boboune anu hau-haunyo poboa.”

2 TAWARIKH 20:1

Madi' pinin ilapas na aijo' suludadu nu Moab ka' Amon, hingga-hinggat tiba anu monsangaja'i aha aijo'mo suludadu nu aha Meunim, nontumbuhimo Yehuda.

2 TAWARIKH 20:10

Uuka aiya bansa Amon, Moab ka' Edom montumbuhimo mae kami. Tempo'nyo mompolee' mami tinokamo lengkat mae i Mesir, belento madi' mompobee' jojoong i lipu' aiya na bansa haha aijo'. Sahingga mompolee' mami nongala jalan nompolilit madi' nompatei bansa Amon, Moab ka' Edom aijo'.

NEHEMIA 2:19

Salatan tanga'an mami sinumbu'mo i Sambalat, i Tobia tiba i Gesyem, mian nu Arab kinokojoanmo nu aha ka' pinopo'ambangmo nu aha na kami. Koonyo nu aha, “Apaa na anu kahanda'mo obau miu? Pa' belemiu motomuhutmo hi tomundo?”

MAZMUR 83:7

bansa Edom ka' Ismael, to mia-mian nu Moab tiba Hagar;

YESAYA 5:8

Silakamo na belemiu anu lewa'mo nongoli ka' lewa'mo nongagoi ale' da bau pontuangi apaa na anu nu belemiu! Madi' pin mingkotmo na tampat nu aha mian sangga'at sahingga me belemiu na jojoong ilipu' aiya.

YEHEZKIEL 21:28

“O, manusia anu madi' tumuu' batu, pongkila-kilamo! Poto'i hi aha mian nu Amon anu sola'mo nongalu mian nu Israel, taalu' Aku, Tumpu Anu Matangkas na Kuasanyo notataemo, ‘Samata na bajak binoitmo sampe jinongkilaban susumo kilat da me kokogia' baumo pompatei.

YEHEZKIEL 25:1

Tumpu notataemo mae hi belengku,

YEHEZKIEL 35:10

Belemiu nontaloakonmo koonyo nu belemiu mau Yehuda kabai Israel tibamo tano'nyo belemiumo na mohaki ka' mule' belemiumo na jadi tumpunyo maumo ahi' Aku, Tumpu, na Tumpu nu aha.

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

AMOS 1:3

Tumpu notatae, “Mian anu jojoong i Damsyik saja'mo mombau dosa' kalana aijo', Aku totu-totu'u mohukumo aha. Aha nombaumo mian nu Gilead talalomo hondo masigo,

PO'ULE' INGULIT 2:19

Jadi belemiu tokamo kiijo' koko tano' nu aha mian Amon, lee' mae i Lot. Boli mompoposia kabai montumbuhi aha, kalana tano' anu binee'-Kumo hi aha mau pe'e ola sangkiding madi' Ku bee' hi belemiu.’ ” (