AMOS 1:11 - KITAB NU TUMPU ALLA LELE MA'IMAI'

¹¹ Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

AMOS 1:11 ပူးပေါင်းရင်းမြစ်များ

2 TAWARIKH 20:10

Uuka aiya bansa Amon, Moab ka' Edom montumbuhimo mae kami. Tempo'nyo mompolee' mami tinokamo lengkat mae i Mesir, belento madi' mompobee' jojoong i lipu' aiya na bansa haha aijo'. Sahingga mompolee' mami nongala jalan nompolilit madi' nompatei bansa Amon, Moab ka' Edom aijo'.

2 TAWARIKH 20:11

Uuka aiya sumo aijo'mo na bansa haha aijo' mombau kami. Aha kahanda'mo molaa' kami da madi'mo jojoong i lipu' aiya anu binee'mo nu Belento hi kami.

MAZMUR 137:7

O, Tumpu, o'inau' apaa na anu binaumo nu mian Edom tempo'nyo Yerusalem i hopu'anmo. Tinaloakonmo nu aha, “Hobo'akonmo, hobo'akonmo toka-toka i pinaningkokoannyo!”

MAZMUR 85:5

Po'ule' mae pokopiani na kantumuu'an mami o, Tumpu Allah anu momposalamat kami, bolimo po'ule' otambuha'i mae na kami.

ANU MOMPOLELE POTATAE NU TUMPU 7:9

Boli malia' sampa mapanas na kinyonyoa; ola mian anu ponga' na saja monginau' ingunyo ikinyonyoanyo.

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

HOSEA 8:3

panyo aha madi' mongka'oho' montalima apaa na anu ma'ima'. Mokonyo aijo' aha nu loloi'mo nu sampobali' nu aha.

YOËL 3:19

Mesir timbalimo padang anu ewa hondo ka' mategesmo, ka' mule' Edom timbalimo tano' anu kuunmo madi'mo nu jojoongi nu mian. Kalana aha nontumbuhimo mian nu Yehuda, ka' nompateimo tumpu nu lipu' anu madi' kosala'nyo.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

ZAKHARIA 1:15

Panyo Aku talalomo hondo notambuha' hi aha to bansa-bansa haha aijo' anu nongoa'imo aman hondo. Kalana salatan Aku nongintimo tambuha'-Ku hi aha mian anu palesayamo hi beleng-Ku, bansa haha aijo' nompaka bee'i mule'kasansala'an hi aha mian anu palesayamo hi beleng-Ku.

MALEAKHI 1:2

Tumpu notatae hi mian anu palesayamo hi Ia, “Aku mongkalibosi belemiu.” Panyo tinaaman nu aha, “Mosia na Tumpu mongkalibosi kami?” Tinaaman nu Tumpu, “Temisa' i Esau utus tu'a i Yakub? Panyo i Yakub na Ku kalibosi ahi',

MALEAKHI 1:4

De bisuanyo lee' mae i Esau, aha mian nu Edom haha aijo' motatae, “Iwi-iwi na kota' mami ihansunanmo panyo po ule'mo obau mami,” han aijo' nu taamimo nu Tumpu, “Aha timbali po ule' mombau panyo po ule' Ku hobo'akon. Aha osanggohimo ‘Lipu' anu palaganta’ ka' mule ‘Bansa anu tinambuha'anmo nu Tumpu sampe sidu-sidutu.’ ”

EFESUS 5:1

Komiu to ana-anak nu Tumpu anu nu Nukalibosi, mokonyo aijo' komiu tionyo bala usaha mombatuki sonto' nu Tumpu.

PO'ULE' INGULIT 23:7

Boli monte aha mian nu Edom madi' talakana' kalana aha aijo' utus nu belemiu. Boli suele montee mian nu Mesir madi talakana' kalana belemiu toho'mo jinojoong i lipu' nu aha.