AMOS 1:1 - KITAB NU TUMPU ALLA LELE MA'IMAI'

¹ I Amos aijo' mian anu molaya' domba lengkat mae i kota' Tekoa. Ia tinimbali nabi tempo'nyo lipu' nu Yehuda pinalentahmo nu Tomundo Uzia, ka' Israel pinalentahmo nu Tomundo Yerobeam anak mo'ane i Yoahas. Ohua' na taun ma'isa pe'e jinadi na lulu', Tumpu momponyata'mo hi Amos hahan anu mongkona Israel.

AMOS 1:1 ပူးပေါင်းရင်းမြစ်များ

2 SAMUEL 14:2

kalana aijo' pinokilaganyomo mae na boune samian anu pande hondo jojoong kiijo' i Tekoa. Salatan boune aijo' tinokamo, pinoto'imo i Yoab hi ia, “Kita totina mingadi-adi' au'aitu hau-haunyo montoongi adat nu tomate; pusok na baju' anu biasa opake de ko mian silaka ka' bolimo mompake minya-minya'. Obau susumo boune anu pininmo na lewa' nohaangi mian anu sinilakamo, te mian anu nu kanonongi hondo.

1 TOMU-TOMUNDO' 19:19

Jadi nambamo na i Elia da mompahakabot tiba i Elisa anu hau-haunyo mompajeko. Sampulu' ka' ohua' na pan na sapi' aita' momona nu tuntuni, ka' i Elisa mompajeko sapan na sapi' akaong mae mihi-mihinyo. Salatan i Elia nontulumo koko hi Elisa, ingukatmo i Elia na juba'nyo ka' pinosalabombonyomo i bikoang hi Elisa.

2 TOMU-TOMUNDO' 14:23

I taun ko sampulu'nyomo ka' olima' na i Amazia anak i Yoas nompalentah Yehuda, i Yerobeam ko II nyo anak i Yoas tinimbalimo tomundo' nu Israel, ka' nompalentahmo i Samaria 41 na taun na kinopinnyo.

2 TAWARIKH 11:6

Bet-Zur, Sokho, Adulam,

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

NOSABATMO 3:1

Tempo'nyo aitu i Musa nolaya' to domba-domba ka' to me-mee' anu i Yitro, moniannyo, imam i tano' nu Midian. Tempo'nyo ia hau-haunyo nomboamo potuu'on haha aijo' nokiijo' i santoa nu padang bola, tinokamo na ia i Bungkutnyo nu Sinai, bungkutnyo anu susi'.

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YEREMIA 1:1

Kitab aiya isinyo potatae i Yeremia anak i Hilkia, sala'samian na imam anu lengkat mae i kota' Anatot i uno nu daerah Benyamin.

YEREMIA 28:8

To nabi-nabi ma'isa pe'e kinokitanyo polo'mo nongkila-kila tukoonyo nu aha pahampatean, balaa' kapatean, ka' mule' panyakit anu molele mongkonamo manjoo' na bansa tiba kalaja'an anu toto hoso-hoson.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

YEREMIA 7:27

Lapas aijo' Tumpu notataemo, “Kalana aitu o Yeremia, maumo ahi'beleyum mompoto'i iwi-iwi' aijo' hi aha mian anu palesayamo hi beleng-Ku, aha madi' ahi' mompalahatikan potatae nu beleyum. Maumo ahi' nu laga nu beleyum na aha, madi' ahi' nu taami nu aha.

HOSEA 1:1

Aiyamo na potuunon anu binee' nu Tumpu hi Hosea anak i Beeri tempo'nyo kalaja'an Yehuda pinalentah i Tomundo i Uzia, i Yotam, i Ahas, ka' i Hizkia, ka' kalaja'an Israel pinalentah i Yerubeam anak i Yoas.

AMOS 7:14

I Amos nontaami, “Aku misa' nabi kalana pangkat. Sabenannyo aku ola mongkalesang potu'on ka' montipui bua'nyo nu ara.

MIKHA 1:1

Pinolengkatan mae i Mikha i sa'angu' na kota' anu ise' sanggonyo Moresyet. Tempo'nyo lipu' nu Yehuda pinalentahmo nobolo-bolosan na Tomundo' aijo'mo i tomundo' Yotam, i Ahas, tiba i Hizkia. I Mikha nohumpakmo potuunon hi Tumpu mongkona Samaria tiba Yerusalem.

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

MATIUS 4:18

Tempo'nyo i Yesus hau-haunyo i lumajang i biwi nu bone' Dowiwi Galilea, Ia nontoa ua'aha na topo meka, aijo'mo i Simon (anu o sanggohi mule' i Petrus) tiba utusnyo ise' i Andreas. Aha hau-haunyo mompagala ikan i dowiwi aijo' nu buani'.

1 KORINTUS 1:27

Kalana memang tinotonggolakonmo nu Tumpu na nompile'i anu osangka ponga' nu dunia aiya, da to mia-mian pande timbali ma'ambang. Ka' Tumpu suele nompile'imo anu osangka' madi' moko ala nu dunia aiya, da to mia-mian anu mahoson timbali ma'ambang.