SISIKON NU TO RASUL-RASUL 9:42 - KITAB NU TUMPU ALLA LELE MA'IMAI'

⁴² Lele mongkona anu tinimbali aijo' tinogilelemo nokiijo' i songko-songko na Yope, sahingga da'isan na mian anu pinalesayamo hi Yesus salaku Tomundo anu Momposalamat aha.

SISIKON NU TO RASUL-RASUL 9:42 ပူးပေါင်းရင်းမြစ်များ

2 TAWARIKH 2:16

Kami monta'mo kau' lontio i bungkutnyo nu Libanon, konjoo'nyo sumo anu nupalalui nu Belento Tuan, lantas obutu' mami sumo aki'an ka' oloyoakan mami montulu ambai sampe toka i Yope. Lengkat i kiijo' kitaje Tuan na mongato mamba i Yerusalem.”

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

YOHANES 11:4

Salatan i Yesus nohongo lele aijo', Ia notatae, “Panyakit aiya madi' mule' monsaduakon kasilaka'an. Aiya timbali da Tumpu Allah opopodaka', da kalana jalan anu sumo aijo' Anak nu Tumpu Allah singkona opopodaka'.”

YOHANES 11:45

Da'isan na to mia-mian nu Yahudi anu toka mompaha pia i Maria, pinalesayamo hi Yesus salatan aha nontoa apaa na anu tinimbali aijo'.

YOHANES 12:11

Kalana ia na nonsabapi da'isan na mian nu Yahudi nosabatmo hi aha ka' nompalesaya i Yesus.

YOHANES 12:44

Lantas i Yesus notatae daka-daka', “Mian anu palesaya hi beleng-Ku, misa' palesaya hi beleng-Ku, panyo hi Ia anu nonsai mae Aku.

SISIKON NU TO RASUL-RASUL 10:5

Uuka aiya saimo na mian mokiijo' i Yope molaga i Simon anu sanggonyo ahi' hondo-hondo i Simon Petrus.

SISIKON NU TO RASUL-RASUL 10:8

I Kornelius nonsisikakon hi aha apaa na anu jinadimo, lantas nonsai aha mokiijo' i Yope.

SISIKON NU TO RASUL-RASUL 11:13

Lapas aitu i Kornelius nonsisikakonmo hi kami, mosia na ia nontoa samian na malaikat tinuminjo i laigannyo ka' notatae, ‘Sai na mian mokiijo' i Yope molaga samian na mo'ane anu sanggonyo i Simon Petrus.

SISIKON NU TO RASUL-RASUL 11:21

Kuasa nu Tumpu, daagi' aitu hi aha, sahingga da'isan na mian timbali pinalesaya ka' mombee' butongnyo hi Tumpu.

SISIKON NU TO RASUL-RASUL 11:5

“Aku hau-haunyo balado'a i kota Yope, lantas aku nontoa sa'angu' na anu tinoa. Aku nontoa daagi' ko apa-apaa anu sumo hude sambotu' anu bolaa tinau'akon lengkat i langit, pino kalayo' i opat na pasu'nyo, lapas aijo' binelentimo i sohipi'ku.

SISIKON NU TO RASUL-RASUL 9:35

Iwi-iwi' mian anu jojoong i Lida ka' Saron nontoamo i Eneas, lantas aha iwi-iwi' pinalesayamo hi Tumpu.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

SISIKON NU TO RASUL-RASUL 9:38

Yope madi' sangkuka na kojo'onnyo lengkat i Lida. Jadi tempo'nyo anu saja' mombatuki Yesus kiijo' mae i Yope nohongomo i Petrus daagi' kiijo' i Lida, aha nonsai ua'aha namba hi Petrus ka' nompotuun sumo uuka, “Lia-lia' mae toka.”

SISIKON NU TO RASUL-RASUL 9:43

I Petrus jinojoong i kiijo' daagi' tino pia-pian sinaa i laigan nu samian anu topo ka'ut kilit sanggonyo i Simon.

YOSUA 19:46

Me-Yarkon, Rakon ka' suele da'erah anu nusangkup nu Yope.