SISIKON NU TO RASUL-RASUL 9:41 - KITAB NU TUMPU ALLA LELE MA'IMAI'

⁴¹ Lantas i Petrus nontoongi limanyo ka' nontulungi ia tuminjo. Lapas aijo' i Petrus nolaga to mia-mian palesaya anu i kiijo' hingga-hinggat tiba to balu-balu aijo', lantas binee'nyo na i Dorkas anu po'ule'mo tinumuu' aijo' hi aha.

SISIKON NU TO RASUL-RASUL 9:41 ပူးပေါင်းရင်းမြစ်များ

KAJADIAN 45:26

“I Yusuf daagi' tutuu'!” Pinoto'i nu aha hi ia, “Ia mongkuasai songko-songko na Mesir!” Nohongo lele aijo', i Yakub binangangmo ka' ia madi' palesaya hi aha.

1 TOMU-TOMUNDO' 17:23

Lantas i Elia nintatau'mo mae lengkat i aita' i salipi'nyo ka' binoanyomo mae na anak aijo' hi tinanyo ka' pinoto'inyo, “O Pontina'on aiyamo na anak nu belento Pontina'on! Ia po'ule'mo tinumuu'!”

2 TOMU-TOMUNDO' 6:7

I Elisa notatae, “Toluk!” Mian aijo' nonguluakonmo limanyo ka' nontoluk mata nu bobolo' aijo'.

AYUB 29:13

Aku nupuji' nu mian anu talalo hondo susa', ku tulungi na mian anu binalumo sahingga aha madi'mo susa'.

MAZMUR 146:9

Ia na monjagai to mia-mian anu lengkat mae i salipu'an; Ia na montulungi to balu-balu ka' anu ingunonmo madi'mo ko tinanyo ka' tuumanyo, panyo nohungku'imo tanga'an nu mian anu ma'idek na kinyonyoanyo.

MARKUS 1:31

Sahingga i Yesus namba hi tina nu bengkele' i Simon ka' nontoongi limanyo, ka' nonsampusi ia nobula. Panasnyo na'alinmo ka' ia mule' nontampu'unimo nomposadiai kapalaluan nu aha.

LUKAS 7:12

Tempo'nyo i Yesus tinokamo i koko tumban nu kota, to mia-mian hau-haunyo momboa anu sinilakamo mosabat i kota. Anu sinilaka anak mo'ane, sami-samiannyomo na anak nu samian na balu. Da'isan na mian nu kota nonsangalui tinanyo.

LUKAS 7:15

Olitau anu sinilakamo aijo' nobulamo, sinumuhang ka' nontampu'uni binasisik. Lantas binee'mo i Yesus hi tinanyo.

SISIKON NU TO RASUL-RASUL 20:12

To mia-mian nomboamo olitau aijo' anu po'ule'mo tinumuu' i laigannyo. Aha nongoa'imo sinanang na kinyonyoanyo.

SISIKON NU TO RASUL-RASUL 3:7

Lantas i Petrus nontoongi limanyo koanan nu mian anu kapi' aijo' ka' nontulungi ia tuminjo nombulaakon ia. Lau-laus tengke nu mian aijo' ka' bulansingnyo timbalimo nahoson.

SISIKON NU TO RASUL-RASUL 6:1

Anu saja' mombatuki Yesus ko pipinnyo ko pintu-pintuangnyo manjoo'. Tempo'nyo aitu to mia-mian nu Yahudi anu motatae nu basa' Yunani, madi'mo sinanang hi to mia-mian anu daagi' Yahudi totu-totu'u. Anu mobasa' Yunani aijo' notatae, “To bouboune mami anu binalumo madi' sinukup nu pontulungi bau balanja sansina-sinaa anu binagi-bagiakon hi to mia-mian.”

SISIKON NU TO RASUL-RASUL 9:13

Tinaaman i Ananias, “Kita Tumpu, aku nohongomo da'isan na mian notatae mongkona mian aiya, anu talalo hondo binaunyo, hahan lewa' mongkabisa'i mian anu palesayamo hi Kita Tumpu kiijo' i Yerusalem.

SISIKON NU TO RASUL-RASUL 9:32

I Petrus namba iyaya mae montoa to jama-jama'at. Daagi' kino sansinaan ia namba nontoa mian anu palesayamo hi Tumpu anu jojoong i Lida.

1 TIMOTIUS 5:3

O'adati na to balu-balu anu totu-totu'u me mosi tumuu' butong sausa'.

1 TIMOTIUS 5:5

Balu anu totu-totu'u me butong sausa', ka' madi'mo ko anu pa' ihe na anu timbali montombuati, ia me taha'iman hi Tumpu. Sinaa ka' pihi ia la saja' balado'a hi Tumpu momoita da Nu montulungi.