SISIKON NU TO RASUL-RASUL 9:40 - KITAB NU TUMPU ALLA LELE MA'IMAI'

⁴⁰ I Petrus nonsai aha iwi-iwi' mosabat, lantas ia dinumaladupu ka' binalado'a. Lapas aijo' ia nongahopi bangke' i Dorkas ka' notatae, “Tabita, pobulamo!” Sahingga i Dorkas nonjilakon matanyo, ka' salatan ia nontoa i Petrus, ia sinumuhangmo.

SISIKON NU TO RASUL-RASUL 9:40 ပူးပေါင်းရင်းမြစ်များ

2 TOMU-TOMUNDO' 20:11

I Yesaya binalado'amo hi Tumpu, lantas binaumo nu Tumpu na lolung aijo' tolosule' mo'uuka mae 10 na gohitnyo i lolung nu batu nu sinaa anu pontoaan jam.

MATIUS 6:6

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

MATIUS 9:25

Salatan mian haha aijo' nosabatmo, i Yesus ninsoop i uno nu salipi' nu anak aijo' ka' nontoongi limanyo. Lantas nobulamo na anak boune aijo'.

MARKUS 9:25

Tempo'nyo i Yesus nontoa saba' mian da'isan montampu' unimo toka sihuk, Ia nompalentah roh ma'idek aijo' ka' notatae, “Roh mabongon ka' momo', oko Ku palentah posabat lengkat hi anak aiya, ka' boli daagi' timbali minsoop i unonyo!”

LUKAS 22:41

Lapas aijo' Ia namba sangkiding majo'on lengkat hi aha, kila-kila kojo'onnyo sambunu'an batu.

LUKAS 8:54

Lapas aitu, tinoongan i Yesus nalima nu anak aijo' ka' notatae, “Bulamo, Anak!”

SISIKON NU TO RASUL-RASUL 20:36

Salatan i Paulus ilapas na notatae, ia dinumaladupumo tiba aha iwi-iwi' lantas binalado'a.

SISIKON NU TO RASUL-RASUL 21:5

Panyo salatan ilapasmo na tempo'nyo kami jinojoong i kiijo', kami nompala'imo aha ka' nolausakon lajang kami. Aha iwi-iwi' hingga-hinggat tiba anak ka' bengkele' nu aha nomboa kami tinoka i sambiha' nu kota'. I kiijo' mae i biwi nu bone', kami iwi-iwi' dinumaladupumo ka' binalado'a.

SISIKON NU TO RASUL-RASUL 28:8

Tempo'nyo aitu tuumanyo hau-haunyo masakit, sinihabannyomo ka' tohuhuson. I Paulus namba nolenga tuumanyo anu masakit aijo', lantas ia binalado'a ka' nompotiik lima i buannyo sahingga ia na'alin.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.