SISIKON NU TO RASUL-RASUL 9:36 - KITAB NU TUMPU ALLA LELE MA'IMAI'

³⁶ Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

SISIKON NU TO RASUL-RASUL 9:36 ပူးပေါင်းရင်းမြစ်များ

2 TAWARIKH 2:16

Kami monta'mo kau' lontio i bungkutnyo nu Libanon, konjoo'nyo sumo anu nupalalui nu Belento Tuan, lantas obutu' mami sumo aki'an ka' oloyoakan mami montulu ambai sampe toka i Yope. Lengkat i kiijo' kitaje Tuan na mongato mamba i Yerusalem.”

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

AMSAL 5:19

anu talalo langkoyang ka' mahalumpatan susumo kijang. Handanyo nu butongnyo saja' monggoda kinyonyoa nu beleyum da saja' beleyum mongka'oho' moduhus tiba ia sahingga beleyum ma'osa mombau da beleyum timbali sumo anu malangu.

NYANYIAN ANU TALASANGGO 3:5

Balajanji'mo na belemiu to lalangkoyang nu Yerusalem; tiba to jonga-jonga ka' to kija-kijang i padang, saba' belemiu madi'mo mongganggu basindua'an sampe ia ma osamo.

NYANYIAN ANU TALASANGGO 8:14

Sindua'anku tokamo mae susumo kijang, Sumomo anak nu jonga i bungkutnyo nu Beter.

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

MATIUS 25:17

Sumo aitumo mule' na posaihon anu nontalima ohua' na madala na doi mosoni' aijo' nohumpak untung ohua' na madala mule'.

YOHANES 15:5

Akumo na kau' anggur, ka' komiu na to panga-panga'nyo. Mian anu saja' mosa'angu' tiba Aku, ka' Aku tiba ia, tionyo mimbua' mahampe; kalana de madi' tiba Aku, komiu madi' moko bau apa-apaa.

YOHANES 15:8

De komiu mimbua' manjoo', Tuumang-Ku opopodaka'; ka' desumo aitu komiu totu-totu'u timbali anu saja' mombatuki Aku.

SISIKON NU TO RASUL-RASUL 10:23

I Petrus nolaga aha minsoop da sonsoo' pe'e i kiijo'. Dodododopnyo i Petrus nobula ka' namba hingga-hinggat tiba aha. To pia-piangkuka na mian anu palesaya lengkat mae i Yope nombatukmo suele.

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

SISIKON NU TO RASUL-RASUL 10:8

I Kornelius nonsisikakon hi aha apaa na anu jinadimo, lantas nonsai aha mokiijo' i Yope.

SISIKON NU TO RASUL-RASUL 11:13

Lapas aitu i Kornelius nonsisikakonmo hi kami, mosia na ia nontoa samian na malaikat tinuminjo i laigannyo ka' notatae, ‘Sai na mian mokiijo' i Yope molaga samian na mo'ane anu sanggonyo i Simon Petrus.

SISIKON NU TO RASUL-RASUL 11:5

“Aku hau-haunyo balado'a i kota Yope, lantas aku nontoa sa'angu' na anu tinoa. Aku nontoa daagi' ko apa-apaa anu sumo hude sambotu' anu bolaa tinau'akon lengkat i langit, pino kalayo' i opat na pasu'nyo, lapas aijo' binelentimo i sohipi'ku.

SISIKON NU TO RASUL-RASUL 9:38

Yope madi' sangkuka na kojo'onnyo lengkat i Lida. Jadi tempo'nyo anu saja' mombatuki Yesus kiijo' mae i Yope nohongomo i Petrus daagi' kiijo' i Lida, aha nonsai ua'aha namba hi Petrus ka' nompotuun sumo uuka, “Lia-lia' mae toka.”

SISIKON NU TO RASUL-RASUL 9:42

Lele mongkona anu tinimbali aijo' tinogilelemo nokiijo' i songko-songko na Yope, sahingga da'isan na mian anu pinalesayamo hi Yesus salaku Tomundo anu Momposalamat aha.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

1 TESALONIKA 4:10

Ka' han aiya pinotoamo miu hi aha iwi-iwi' na to utu-utus anu sa'a-sa'angu' na kapalesaya'an i songko-songko na Makedonia. Panyo, to Utu-utus, opoita mami totu-totu'u da kantumuu'an miu timbali lebe ma'ima' mule'.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 2:7

I uno nu iwi-iwi na han, tionyo ahi' beleyum timbali sonto' nu kalakuan anu ma'ima'. De beleyum mongajan, beleyum tionyo ahi' jujun ka' totu-totu'u na kinyonyoa.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.

YOSUA 19:46

Me-Yarkon, Rakon ka' suele da'erah anu nusangkup nu Yope.