SISIKON NU TO RASUL-RASUL 9:31 - KITAB NU TUMPU ALLA LELE MA'IMAI'

³¹ Sahingga jama'at i songko-songko na Yudea, Galilea ka' i Samaria madi'mo binata-bata. Roh nu Tumpu na nontulungi da nabuhuk hi Tumpu, sahingga to jama-jama'at aijo' nompaka majumo ka' nompaka da'isanmo.

SISIKON NU TO RASUL-RASUL 9:31 ပူးပေါင်းရင်းမြစ်များ

1 TAWARIKH 22:18

Ia notatae, “Tumpu Allah nu belemiu montulungimo belemiu ka' nombee'imo kadamean ka' ka'amanan i songko-songko na lipu'. Ia nombee'imo kahosonan aku sahingga noko alamo nompatundu' iwi-iwi' bansa anu naipuan mae jinojoong i lipu' aiya. Tempo' uuka aha tinundu'mo hi beleyum ka' hi Tumpu.

1 TAWARIKH 22:9

Maumo sumo aijo', ia binalajanji'mo hi belengku sumo uuka: Beleyum saidi' mae mohumpakmo samian na anak mo'ane anu mompalentahje ka' madi'mo ko anu lewa' mae monsampo bali', kalana Ku tulungimo na ia, sahingga madi'mo ko anu mamba mae mompahampateakon ia. Ia osanggohi i Salomo kalana de daagi' ia na mompalentah, Aku saja' mombee'i ia ka'ima'an nu lipu' ka' ka'amanan i songko-songko na Israel.

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

NEHEMIA 5:9

Lantas po'ule'mo aku notatae, “Apaa na anu binaumo nu belemiu aijo' madi' ma'ima'! Ola ahi' sabenannyo belemiu tumuu' mabuhuk hi Tumpu Allah. Tiba jalan anu sumo aijo' sampobali'to anu madi' palesaya hi Tumpu aijo' madi' obee'i nu belemiu kasampatan mompopo'ambang kita.

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 86:11

Pogulu'akon mae, apaa na anu, nu kahanda'i hi belengku, o, Tumpu, da ku batuki ka' ku tuluti totu-totu'u; potimbali mae na aku da tulu-tulutan ka' totu-totu'u na kinyonyoangku.

MAZMUR 94:13

Pinosabanmo nu Belento na ia da madi' ko anu mompoposia i sinaa anu manjoo' hondo na balaa'nyo, sahingga okekemo na bolo' bau pohakop mian anu ma'idek na kinyonyoanyo.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 23:17

Boli mongka'ideki mian anu baladosa'. Saja' o tuluti na Tumpu Allah,

AMSAL 8:13

Mongadati Tumpu alati'nyo mongka'ideki palabuatan anu ma'idek. Aku madi' mongka'ima'i anu ko bubun ka' anu mosi akui butongnyo. Aku mongka'ideki kalakuan anu ma'idek ka' mule' potatae anu mongakali.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 33:6

ka' mombee'i ka amanan hi aha mian anu palesayamo hi Ia. Halata' anu momposalamat aha aijo'mo kapandean tiba ilimu' ka' mule' moholomati Tumpu.

ZAKHARIA 8:20

Tumpu Anu Daka' na Kuasanyo notataemo, “Tempo'nyo tokamo mae, manjoo' na mian anu jojoong ito kota-kota' tokamo mae i Yerusalem.

SISIKON NU TO RASUL-RASUL 12:24

Sahingga potatae nu Tumpu nompaka togilele jo'o-jo'on ka' nompaka padodomo.

SISIKON NU TO RASUL-RASUL 16:5

Sahingga nompaka padodomo na iman, nu to jama-jama'at aijo', ka' toka nu sansina-sinaa nompaka pintuangmo manjoo' na konjoo'nyo.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

SISIKON NU TO RASUL-RASUL 5:11

Sahingga iwi-iwi' na to mia-mian aijo' ka' to mia-mian sangga'atannyo anu nohongo mongkona apaa na anu tinimbali aijo', i nabuhukmo.

SISIKON NU TO RASUL-RASUL 6:7

Sumo aitumo na lele lengkat hi Tumpu nompaka togilelemo ka' anu saja' mombatuki Yesus i Yerusalem nompaka da'isanmo. Ka' da'isan mule' na to ima-imam anu pinalesayamo hi Yesus.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 14:19

Mokonyo aijo' apaa na anu okahanda'i obaunto tionyo ahi' saja' hahan anu mompotimbali posa'angu'an ka' mompaha bango-bangonakon.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

1 KORINTUS 14:12

Mongkona ola posi komiu, kusumbu' komiu mongka'oho' hondo mohumpak to bala-balakat anu lengkat mae hi Roh nu Tumpu. Panyo anu penting hondo, tionyo ahi' komiu bala usaha da mompake kasanggupan anu montulungi jama'at da timbali mahoson.

1 KORINTUS 14:26

Jadi to Utu-utus, apaa na alati'nyo iwi-iwi' aijo'? De komiu silimu' monsombah Tumpu, daagi' ko anu manyanyi, daagi' ko anu mompogulu', daagi' ko anu mompoto'i apa-apaa lengkat mae hi Tumpu Allah, daagi' ko anu basisik nu basa' anu okabangangi, ka' daagi' mule' ko anu montalangkan apaa na anu tinaloakonmo aijo'. Panyo iwi-iwi' aijo' tionyo ahi' obau da bau pompogulu' ka' da bau ka'ima'an nu mian iwi-iwi'.

2 KORINTUS 10:8

Aku madi' ma'ambang de aku talalo mombuulakon kakuasa'an anu binee'mo nu Tumpu hi kami, kalana kakuasa'an aijo' binee' mae da mombangonakon komiu misa' da mongidei.

2 KORINTUS 12:19

Kugantang komiu monsangka kami sumo uukamo na kopinnyo na binala usaha mompototu'u butong i ahop miu? Komiu madi' monsumbu' hondo! Tumpu monsumbu' saba' iwi-iwi' na anu tinaloakonmo mami aijo' mombatuki pongka'oho' i Kristus. Ka' iwi-iwi' na anu binaumo mami aijo', mombee'i pikilan da kapalesaya'an miu ko pintu-pintuangnyo.

2 KORINTUS 13:10

Mokonyo aijo' aku nontulismo sulat aiya tempo'nyo aku ma'isa itina' hi komiu. Desumo aijo', de aku tokamo saidi' mae, madi'mo pilenje mapohos na aku mompalentah komiu mompake kakuasa'an anu binee' nu Tumpu hi belengku. Kakuasa'an aijo' binee' da pombangonakon komiu, misa' da bau pohansuni.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

EFESUS 4:12

Aiya binau-Nyo da mian anu palesayamo hi Tumpu obee'i pangalati'an hondo-hondo da timbali mohongo-hongo apaa na nu pinokauhakon nu Tumpu ka' mombau posa'angu'an salaku butong i Kristus.

EFESUS 4:16

I uno nu kapalentahan-Nyo, iwi-iwi' na bagian nu butong aijo' matopos hondo na nongatun, ka' pinaha pogantum nu to losu-losuan toto sa'angu'. Ka' de toto sa'angu' na bagian aijo' bakalaja sumo anu sahondo-hondonyo, saba' songko-songko na butong aijo', tumuu' modensu' timbali motu'a ka' mahoson kalana kalibosan.

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

EFESUS 5:21

Bau pongadati i Kristus, maunyo ahi' komiu mompaha hongo-hongo samian ka' samian.

PO'ULE' INGULIT 12:10

De opoko taapmo miu na Kaunyo nu Yordan Tumpu Allah nu belemiu montulungimo belemiu monjojoongi ka' tataapmo i tano' anu i santoanyo nu kaunyo aijo'. Ia na monjagai belemiu da boli nupoposia nu aha anu monsampobali' belemiu, ka' belemiu sanangmo na tumuu' madi' ko anu mompoposia.

FILIPI 2:1

Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

1 TESALONIKA 5:11

Kalana aijo', tionyo ahi' komiu tataap mompaha kakehaakon ka' mompaha poho-pohoson sumo anu binaumo miu uuka aiya.

1 TIMOTIUS 1:4

Taloakon hi aha da bolimo daagi' mompajuli to sisi-sisik anu baleko', ka' to sisi-sisik anu pinolengkatannyo madi' ko kamingkotannyo. Iwi-iwi' aijo' ola saja' molubatakon painggagan, ka' madi' mompopodaka' makisut nu Tumpu anu ola timbali osumbu' de palesayamo hi Ia.

IBRANI 4:9

Jadi, kona hi mian anu palesayamo hi Tumpu daagi' ko janji' da mingkain susumo Tumpu ningkainmo i sinaa ko popitu'nyo aijo'.

YOSUA 21:44

Jadi susumo apaa na anu jinanji'mo nu Tumpu hi mompolee' nu aha, lipu' aijo' madi'mo ko anu mompoposia kalana saja'mo nujagai nu Tumpu. Sampobali' nu aha iwi-iwi' madi' ko samian pe'e na moko ala mongewa aha, kalana Tumpu na mombee'i ka'untungan mahampate hi aha mian nu Israel de ihe na aha iwi-iwi' anu monsampobali' aha Israel.

YUDAS 1:20

Panyo komiu, to Utu-utusku, saja' ahi' opokopiani na kantumuu'an miu mintoong i kapalesaya'an miu hi Yesus Kristus. Iman nu belemiu atina' talalo hondo susi'. Ka' suele balado'a ahi' i uno nu kuasa nu Roh nu Tumpu,

TO MIA-MIAN KOPIAN 3:30

Sinaa aijo' Moab no hungku i mo i Israel, sahingga na'ima'mo ka' madi'mo ko anu nompoposia lipu' aijo' inguampulu' na taun na kinopinnyo.