SISIKON NU TO RASUL-RASUL 9:21 - KITAB NU TUMPU ALLA LELE MA'IMAI'

²¹ Iwi-iwi' mian binangang na nohongo i Saulus. Aha notatae, “Te misa'o iamo na anu kiijo' i Yerusalem nompatei iwi-iwi' mian anu palesaya hi Yesus? Ia tinoka mae aiya kalana mohakop ka' momboa aha hi kapala nu to ima-imam!”

SISIKON NU TO RASUL-RASUL 9:21 ပူးပေါင်းရင်းမြစ်များ

MAZMUR 51:13

Boli mongalin aku sahingga majo'onmo i ahop nu Belento, ka' boli mongala roh nu Belento anu susi', anu aiya hi belengku.

MAZMUR 71:7

Kantumuu'anku baumo sonto hi mian da'isan, kalana Belentomo na anu mahoson monjagai mae aku.

YESAYA 8:18

Aiya na aku tiba to ana-anak anu binee'mo nu Tumpu hi belengku. Tumpu Anu Daka' na Kuasanyo mompalentah i Bungkutnyo nu Sion nonsaimo mae kami da timbali tanda hi aha Israel.

ZAKHARIA 3:8

Hongo mae Imam Daka' Yosua, ka' suele belemiu to ima-imam anu salaku to sanga-sangalunyo, belemiu iwi-iwi' aijo'mo na bau ibalat nu kantumuu'an ma'ima'mo aiya mae i ahop. De tokamo i tempo'nyo aijo' Ku palentahje na posaihon-Ku anu osa-osanggohi, ‘Sang Tunas’.

NOMBILANGMO 23:23

Madi' ko ajimat anu mongkona i Yakub madi' ko to boli-bolian anu moko ala mombau apa-apaa hi Israel. Mongkona bansa aijo' mian notatae, ‘Toa na hahan anu okabangangi anu binaumo nu Tumpu Allah!’

SISIKON NU TO RASUL-RASUL 2:12

Aha binangangmo ka' tinolokengkeng lantas aha iwi-iwi' nompaha poki-pokilawa hi samian ka' samian, “Apaa na alati'nyo aiya?”

SISIKON NU TO RASUL-RASUL 2:6

Salatan ihongo na onyi' aijo', manjoo' hondo na mian tinoka sinihuk. Aha iwi-iwi' tinolokengkeng na nohongo to mia-mian anu palesaya aijo' notataemo i basa' nu aha toto samian.

SISIKON NU TO RASUL-RASUL 3:10

Lantas aha aitu sininsumbu'je saba' iamo aitu na anu saja' mompoita ka' biasanyo sumuhang i “Sabatan Ma'ima'”, i Laigan nu Tumpu. Aha binangang hondo ka' tinonto' na nontoa apaa na anu jinadimo hi ia.

SISIKON NU TO RASUL-RASUL 4:13

To mia-mian anu Mongulus Palakala aijo' binangang na montoa kabaanian i Petrus ka' i Yohanes, apaa mule' nusumbu' nu aha saba' ua'aha na rasul aijo' to mia-mian biasa anu madi' ko sikolahnyo. Lantas aha sininsumbu' saba' ua'aha na rasul aijo' to mia-mian anu nombatuki Yesus.

SISIKON NU TO RASUL-RASUL 7:59

Hau-haunyo aha mompahambunu'akon i Stefanus, i Stefanus noloboo', “Kita Tumpu Yesus, talimamo na roh-ku!”

SISIKON NU TO RASUL-RASUL 8:3

Panyo i Saulus saja'mo binala usaha mongkabisa'i jama'at. Ia namba lengkat i sa'angu' na laigan mokiijo' i laigan sa'angu' ka' mohela' monsabatakon to mia-mian palesaya, lantas momposoop aha i uno nu talungku'.

SISIKON NU TO RASUL-RASUL 9:22

Panyo i Saulus nompaka pakekemo na mombee'i sisik. Hahan anu inyata'mo apaa na anu pinotokanyo mongkona i Yesus mompohoson hondo pangalati'an saba' i Yesusmo aijo' na Tomundo anu Momposalamat. Sahingga to mia-mian Yahudi anu jojoong i Damsyik madi' daagi' noko ala nonggagakon.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.

1 YOHANES 3:1

Soba toa na Tumpu nongkalibosimo hondo sahingga kita ingakuannyomo sumomo to ana-anak-Nyo. Ka' memang kita to ana-anakmo nu Tumpu. Mokonyo aijo' dunia anu na'idekmo aiya madi' monsumbu' kita kalana dunia madi' monsumbu' Tumpu.