SISIKON NU TO RASUL-RASUL 9:2 - KITAB NU TUMPU ALLA LELE MA'IMAI'

² ka' nompoita sulat kuasa da mamba hi to pola-polaya' i to lai-laigan pogalejaan mian nu Yahudi i Damsyik, da de ia mompaha kabot kiijo' mae to mia-mian anu palesayamo hi Yesus, ia timbali mohakop aha, ka' momboa aha mokiijo' i Yerusalem.

SISIKON NU TO RASUL-RASUL 9:2 ပူးပေါင်းရင်းမြစ်များ

KAJADIAN 14:15

Ikiijo' mae i Abram nombagimo to mia-miannyo pinaha tompu-tompuknyo lantas nontumbuhimo sampobali' nu aha pihi-pihi ka' nompatundu'mo aha. Ia nololoi'mo aha tinoka-toka kiijo' mae i Hoba sasu utara kota Damsyik.

YESAYA 17:1

Tumpu notataemo, “Damsyik madi'mo daagi' sumo kota' panyo me tambulan nu anu ihansunmo.

YEREMIA 49:23

Sumo uuka na koo-Nyo nu Tumpu na aha Damsyik. “Mian anu jojoong ikota' Hamat tiba Arpad binata-batamo ka' nangada'mo bau nu buhuk kalana nohongomo lele anu madi' ma'ima'. Kinyonyoa nu aha kinalangkabutmo ka' madi'mo tinenda susumo bokon nu ambai.

MATIUS 10:17

Balajaga-jaga kalana komiu o hakop ka' opopangadap hi to Mia-mian Kopian. Komiu tionyo o sakisa i to lai-laigan pogalejaan.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

SISIKON NU TO RASUL-RASUL 18:25

tiba ingajanmo da monsumbu' ajalan mongkona i Yesus. Sahingga bikas hondo na ia mongajan ma'i-ma'ima' mongkona i Yesus, mau pe'e sala'je palamandian i Yohanes na anu sinumbu'nyo.

SISIKON NU TO RASUL-RASUL 19:23

Ugaat tempo'nyomo aitu na kahengge'an anu talalo daka' tinimbali i Efesus kalana ajalan mongkona i Yesus.

SISIKON NU TO RASUL-RASUL 19:9

Panyo to pia-piangkuka na anu hi to mia-mian aijo' panggaga ka' madi' mongka'oho' palesaya. I ahop nu iwi-iwi' na mian anu binalagombu i kiijo' aha mongalu ajalan mongkona tanga'an nu Tumpu Allah da momposalamat mian hi Yesus. Mokonyo aijo' i Paulus nompala'i aha, lantas namba tiba anu saja' mombatuki Yesus nokiijo' i tampat pongajanannyo i Tiranus. I kiijo' mae toka nu sansina-sinaa ia paimpoki-pokilawan tiba to mia-mian.

SISIKON NU TO RASUL-RASUL 24:14

Hondo-hondomo tionyo ku akui hi kita Tuan, saba' aku monsombah Tumpu mompolee' mami mombatuki pangajalan i Yesus anu nusangka nu aha sala'. Panyo daagi' ku palesaya na iwi-iwi' anu tinulis i uno nu Kitab i Musa ka' i Kitab nu to Nabi-nabi.

SISIKON NU TO RASUL-RASUL 24:22

Lantas i Feliks anu monsumbu'mo manjoo' na pangajalan mongkona i Yesus, madi'mo nonginsuhakon ulusan nu palakala aijo'. “Ku putusimo na palakala aijo',” tukoonyo, “de i Lisias kapala nu suludadu tokamo.”

SISIKON NU TO RASUL-RASUL 26:10

Ka' memang aijo'mo na anu binaungkumo i Yerusalem. Tiba sulat kuasa lengkat hi kapala nu to imam-imam, aku nomposoopmo i uno nu talungku' da'isan na to mia-mian anu mohongo-hongo hi Tumpu Allah, aku mule' suele monsetujui da aha opokonai hukuman mate.

SISIKON NU TO RASUL-RASUL 26:12

“Aijo' na kahanda'nyo sahingga aku nomboa sulat kuasa lengkat hi kapala nu to imam-imam, ka' namba nokiijo' i Damsyik.

SISIKON NU TO RASUL-RASUL 6:9

Panyo daagi' ko to mia-mian anu madi' montalima ia; aha aijo'mo to mia-mian anu mogaleja i laigan pogalejaan anu osa-osanggohi Laigan Pogalejaan nu to Mia-mian anu Madi' Tataap. To mia-mian anu mogaleja i laigan pogalejaan aijo' atina'mo to mia-mian nu Yahudi lengkat mae i Kirene ka' i Aleksanderia. Aha tiba to mia-mian nu Yahudi lengkat mae i Kilikia ka' i Asia nahanggaga tiba i Stefanus.

SISIKON NU TO RASUL-RASUL 7:19

Tomundo aijo' nompahaikakonmo bansanto talalo masigo hi mompolee'to. Ia nompakisamo aha mongalin to bunga-bunga mea' anu sala'je i hampe bolimo opalakai da matemo.

SISIKON NU TO RASUL-RASUL 9:14

Ka' uuka ia tinokamo i aiya pinoloasmo nu kapala nu to ima-imam mohakop iwi-iwi' mian anu palesayamo hi Kita Tumpu.”

SISIKON NU TO RASUL-RASUL 9:21

Iwi-iwi' mian binangang na nohongo i Saulus. Aha notatae, “Te misa'o iamo na anu kiijo' i Yerusalem nompatei iwi-iwi' mian anu palesaya hi Yesus? Ia tinoka mae aiya kalana mohakop ka' momboa aha hi kapala nu to ima-imam!”

2 KORINTUS 11:32

Tempo'nyo aku kiijo' i Damsyik, gubernur anu mompalentah i kiijo' i aluk nu kapalentahan i Tomundo Aretas, nompalentah suludadu monjagai tumban nu kota aijo' da mohakop aku.

GALATIA 1:17

Aku madi' mule' namba hi to mia-mian i Yerusalem anu tinongkohimoonamo tinimbali rasul. Panyo aku inamba i lipu' nu Arab, ka' lengkat mae i kiijo' po'ule' mule' ninsusule' mae i Damsyik.