SISIKON NU TO RASUL-RASUL 9:17 - KITAB NU TUMPU ALLA LELE MA'IMAI'

¹⁷ Sahingga i Ananias namba i laigan aijo' ka' nompotiik limanyo i buan nu ubak i Saulus. “Utusku Saulus,” koonyo i Ananias, “Tumpu Yesus anu tinoa nu kita Utus i totonga' nu jalan tempo'nyo kita Utus mo'ukamo mae, Iamo na nonsai mae aku toka da kita Utus timbali moko ala montoa mule' ka' nu kuasai nu Roh nu Tumpu.”

SISIKON NU TO RASUL-RASUL 9:17 ပူးပေါင်းရင်းမြစ်များ

KAJADIAN 45:4

Lantas notataemo na i Yusuf hi aha, “Imbo' po'uuka mae.” Aha nongohanimo, ka' ia po'ule' mule' notatae, “Aku i Yusuf, anu pinobalukmo nu belemiu i Mesir.

MATIUS 19:13

Daagi' ko to mia-mian anu nomboa to ana-anak hi Yesus da Ia mompotudu lima-Nyo i buan nu ubak nu aha, ka' mondo'akon aha. Panyo anu saja' mombatuki Yesus nontambuha'i to mia-mian aijo'.

MARKUS 5:23

ka' nompoita totu-totu'u, “Kita Tuuma, anakku boune masakit hondo. De timbali toka pe'e mae da mompanyaakon, da ia ma'alin ka' boli silaka!”

MARKUS 6:5

I tampat aijo' i Yesus madi' noko bau sa'angu' pe'e na anu okabangangi, sambiha'nyo nompa'alin to pia-piangkuka na mian anu masakit, Ia mompotudu lima-Nyo i buan nu ubak nu aha.

LUKAS 1:41

Ka' salatan i Elisabet nohongomo tabea' i Maria i uno nu ma'alum hi Elisabet nongkohenggomo. Lantas i Elisabet kinuasanmo nu Roh nu Tumpu,

LUKAS 1:67

I Zakharia, tuuma nu anak aijo', kinuasanmo nu Roh nu Tumpu Allah, sahingga ia nompotoka potuunon nu Tumpu. Ia notatae,

LUKAS 1:76

Beleyum, oanakku tionyo osanggohi nabi Tumpu Anu Matangkas na Kuasanyo. Beleyum na momonanyo sinai nu Tumpu da momposadia jalanan-Nyo,

LUKAS 15:30

Anak i Papa aitu nombeasakonmo kakaya'an i Papa tiba boune masala', panyo salatan ia ninsusule'mo mae, kita Tuuma nongkolotimo anak nu sapi' anu molompo' polame'akon ia!’

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 13:3

Ilapas binapuasa' ka' binalado'a aha nompotiik lima i buan nu ubak hi Barnabas ka' hi Saulus lantas nonsai aha ohu-ohua'.

SISIKON NU TO RASUL-RASUL 13:52

Anu saja' mombatuki kiijo' i Antiokhia i lame'mo hondo ka' kinuasanmo nu Roh nu Tumpu.

SISIKON NU TO RASUL-RASUL 19:6

Ka' tempo'nyo i Paulus nompotiik limanyo i buan nu ubak nu aha, Roh nu Tumpu nongkuasaimo aha, lantas aha mulaimo notatae i uno nu basa-basa' anu moko bangang ka' nompotoka lele lengkat mae hi Tumpu.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 26:15

Saba' aku notatae, ‘Ihe na kita, Tuan?’ Ka' Tumpu nontaami, ‘Akumo na i Yesus anu sinakisaum.

SISIKON NU TO RASUL-RASUL 4:31

Ilapas na aha binalado'a, tampat sinihukan nu aha aijo' tinolohenggomo. Aha iwi-iwi' kinuasanmo nu Roh nu Tumpu ka' mulaimo binaani hondo na notatae mongkona lele lengkat mae hi Tumpu.

SISIKON NU TO RASUL-RASUL 6:6

Aha popi-popitu' na mian aijo' opoita hi to rasul-rasul, da to rasul-rasul aijo' mondo'akon mompoita balakat hi Tumpu toka hi aha.

SISIKON NU TO RASUL-RASUL 8:17

Lantas i Petrus ka' i Yohanes nompotiikmo lima nu aha hi to mia-mian nu Samaria aijo'; sahingga aha nontalimamo Roh nu Tumpu Allah.

SISIKON NU TO RASUL-RASUL 9:18

Tempo'nyo aitu mule' daagi' ko apa-apaa sumo sonuku nu ikan nosabat lengkat i mata i Saulus ka' ia po'ule'mo nontoa. Sahingga ia mule' nobulamo, lantas pinalamandikan.

ROMA 15:7

Mokonyo aijo' tionyo to Utu-utus mompaha tali-talima samian ka' samian nu kinyonyoa sanang, sumo i Kristus suele nontalima komiu bau pompopodaka' Tumpu.

1 KORINTUS 15:47

I Adam anu momona tano' na binau, panyo i Adam anu ko ohua'nyo nolengkat mae i suluga'.

1 KORINTUS 15:8

Pupuusnyomo hondo Ia nompotoa butongnyo suele hi belengku – aku anu susumo bungamea' i hampe misa' pe'e tempo'nyo!

1 KORINTUS 9:1

Te misa' aku mian anu bebas? Te misa' aku rasul? Te aku ma'isa toho' nontoa i Yesus, Tumpunto? Te komiu misa' hasin nu kalajangku da palesaya hi Tumpu?

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

2 TIMOTIUS 1:6

Kalana aijo' aku mompo'ingat beleyum da ogunakon hondo-hondo na balakat anu binee' nu Tumpu hi beleyum tempo'nyo aku nombalakatimo beleyum.

FILEMON 1:16

Uuka aiya ia misa'mo ola timbali posaihon nu kita Utus; ia misa'mo ola sumo aijo'. Ia atina' sangko mian Kristen anu okanonongi. Ia kinogunanyo hondo hi belengku, lebe-lebe mule' hi beleyum! Tantu ia ko gunanyo hondo salaku posaihon ka' mule' salaku mian anu noto utusmo hi Tumpu!

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.

2 PETRUS 3:15

Ka' tionyo ahi' o'akui na kasabalan nu Tumpu saba' sumomo tempo' anu ma'ima' anu binee'-Nyomo hi belemiu da timbali salamat. I Paulus, utusto anu oka-okanonongi, nontulismo suele sumo aijo' anu pinakatunyomo hi belemiu. Tumpu na nombee'i ia kapandean nontulis aijo'.